മുടിയുടെ ആരോഗ്യം

മുടിയുടെ ആരോഗ്യം

മുടിയുടെ ആരോഗ്യം

മുടിയുടെ ആരോഗ്യം എല്ലാവർക്കും  ടെൻഷൻ നൽകുന്ന ഒരു കാര്യമാണ്. ഓരോ സമയത്തും കാലാവസ്ഥയിലുണ്ടാകുന്ന മാറ്റങ്ങൾക്കനുസരിച്ചു ശരീരത്തിൽ എന്നപോലെ മുടിയിലും മാറ്റങ്ങൾ ഉണ്ടാകും. മുടിയിഴകൾക്കു ആവശ്യമായ ശ്രദ്ധ നൽകിയില്ലെങ്കിൽ അവയുടെവളർച്ചയെ അത് ബാധിക്കും.

♥മുടിക്ക് നല്‍കാം ആരോഗ്യ ഭക്ഷണം♥

വേനല്‍ക്കാലത്താണ് മുടി നല്ല വേഗത്തില്‍ വളരുന്നത്. ഈ സമയം സ്പാ ട്രീറ്റ്‌മെന്റും പ്രോട്ടീന്‍ ട്രീറ്റ്‌മെന്റും നല്‍കിയാല്‍ മുടിയുടെ ആരോഗ്യം ഗണ്യമായി കൂടും. പാര്‍ലറില്‍ എന്തു ചികിത്സകള്‍ ചെയ്താലും പിന്നാലെ വീട്ടിലും സംരക്ഷണം നല്‍കിയാലേ ഗൂണമുണ്ടാവൂ. മുടിക്ക് ആരോഗ്യം കൂട്ടാന്‍ വീട്ടില്‍ നല്‍കാം ഹെയര്‍ ഫൂഡ് ട്രീറ്റ്‌മെന്റ്.

♥സാധാരണ മുടിക്ക് ♥

മുടിയുടെ ആരോഗ്യം

ഒരു സ്പൂണ്‍ ഒലിവ് ഓയിലും ഒരു മുട്ടയുടെ വെള്ളയും മിശ്രിതമാക്കുക. ഇതു മുടിയില്‍ പുരട്ടി നന്നായി മസാജ് ചെയ്ത ശേഷം വീര്യം കുറഞ്ഞ ഷാംപൂ അല്ലെങ്കില്‍ താളി ഉപയോഗിച്ച് കഴുകിക്കളയുക. അതിനു ശേഷം അല്‍പം ഓട്‌സ്, രണ്ടു സ്പൂണ്‍ തേങ്ങാപ്പാല്‍, രണ്ടു സ്പൂണ്‍ കറ്റാര്‍വാഴയുടെ നീര്, ഒരു സ്പൂണ്‍ ഉലുവാപ്പൊടി, അര സ്പൂണ്‍ കറുത്ത എള്ള്, ഒരു സ്പൂണ്‍ ഉണക്കനെല്ലിക്ക പൊടിച്ചത് ഇവ ചേര്‍ത്തരച്ച് മുടിയിലും ശിരോചര്‍മത്തിലും നന്നായി തേച്ചുപിടിപ്പിക്കുക. അഞ്ചു മിനിറ്റ് ആവി കൊള്ളിച്ചതിനു ശേഷം ഇരുപതു മിനിറ്റ് വിശ്രമിക്കാം. ഇനി ഷാംപൂ ഉപയോഗിച്ച് നന്നായി വൃത്തിയാക്കുക. മുടിക്കു മൃദുത്വവും ആരോഗ്യവും കൈവരുന്നത് അറിയാന്‍ കഴിയും.

♥എണ്ണമയമുള്ള മുടിക്ക്♥

മുടിയുടെ ആരോഗ്യം

വേനലില്‍ മുടിയിലെ എണ്ണമയം വര്‍ധിക്കും. ഇത് അന്തരീക്ഷത്തിലെ പൊടിപടലങ്ങളുമായി കലര്‍ന്ന് മുടിയിലെ താരന്‍ ശല്യം കൂടാന്‍ ഇടയുണ്ട്. മുടിയിലെ എണ്ണമയം കുറച്ച് ആരോഗ്യം വര്‍ധിപ്പിക്കാന്‍ കഴിയും.

നാലു സ്പൂണ്‍ ലാവണ്ടര്‍ ഓയില്‍, ഒരു ടീസ്പൂണ്‍ വിനാഗിരി, ഒരു ടീസ്പൂണ്‍ വെള്ളം ഇവ നന്നായി മിക്‌സ് ചെയ്തതിനു ശേഷം മുടിയില്‍ മസാജ് ചെയ്യുക. അര മണിക്കൂറിനു ശേഷം ചെറുചൂടുവെള്ളം കൊണ്ട് കഴുകാം. ഇത് ആഴ്ചയില്‍ ഒരിക്കല്‍ ആവര്‍ത്തിച്ചാല്‍ അമിതമായ എണ്ണമയം മൂലം മുടിയിലെ താരന്‍ വര്‍ധിക്കുന്നത് ഒഴിവാക്കാം.

♥വരണ്ട മുടിക്ക്♥

മുടിയുടെ ആരോഗ്യം

വേനലില്‍ മുടി അമിതമായി വരണ്ട് പൊട്ടിപ്പോകുന്നത് ഒഴിവാക്കാന്‍ ഇതാ വീട്ടില്‍ കൊടുക്കേണ്ട പ്രോട്ടീന്‍ ട്രീറ്റ്‌മെന്റ്. ഒരു ടേബിള്‍ സ്പൂണ്‍ ഹെയര്‍ കണ്ടീഷണര്‍, ഒരു ടീസ്പൂണ്‍ ബീറ്റ്‌റൂട്ട് അരച്ചത്, ഒരു ടീസ്പൂണ്‍ ഗ്ലിസറിന്‍, ഒരു ടീസ്പൂണ്‍ ഒലിവ് ഓയില്‍, ഒരു ടീസ്പൂണ്‍ ആവണക്കെണ്ണ, രണ്ടു ടീസ്പൂണ്‍ വീര്യം കുറഞ്ഞ ഷാംപൂ ഇവ നന്നായി മിക്‌സ് ചെയ്ത് മുടിയില്‍ പുരട്ടി പതിനഞ്ചു മിനിറ്റ് ഇരിക്കുക. ഇനി അല്‍പം ആവി കൊള്ളിച്ച ശേഷം അര മണിക്കൂര്‍ വിശ്രമിക്കാം. മുടി കഴുകി ഉണക്കുമ്പോള്‍ തിളക്കവും മൃദുത്വവും കൂടുന്നത് അറിയാന്‍ കഴിയും.

ഹെയർ കണ്ടീഷണർ

മുടിയുടെ ആരോഗ്യം

ഏതു മുടിക്കും പറ്റുന്ന ഒരു സൂപ്പർ കണ്ടീഷണർ ആണ് നമ്മുടെ കാറ്റാർവാഴ.മുടി കൊഴിച്ചില്‍ തടയാനുള്ള നല്ലൊരു വഴിയാണ് കറ്റാര്‍ വാഴ. കറ്റാർവാഴ, മുട്ടയുടെ വെള്ള എന്നിവ ചേർത്ത് തലയിൽ പുരട്ടിയാൽ മുടി കൊഴിച്ചിൽ തടയാം. മുടിയ്ക്കു ചേര്‍ന്ന നല്ലൊരു പ്രകൃതിദത്ത കണ്ടീഷണറാണ് ഇത്.

മുടിയ്ക്ക് സ്വാഭാവിക ഈര്‍പ്പം നല്‍കാനും ഇതുവഴി നാച്വറല്‍ മോയിസ്ചറൈസറായി പ്രവര്‍ത്തിക്കാനും കറ്റാര്‍ വാഴയ്ക്കു കഴിയും. താരനുള്ള നല്ലൊരു മരുന്നു കൂടിയാണ് കറ്റാർ വാഴ. കറ്റാർവാഴ ജെല്ല്, തൈര്, ചെറുനാരങ്ങാനീര് എന്നിവ ചേർത്ത് തലയിൽ പുരട്ടുന്നത് താരൻ അകറ്റാൻ നല്ലതാണ്. തലയോടിലുണ്ടാകുന്ന ചെറിയ കുരുക്കള്‍ മാറ്റാനും കറ്റാര്‍വാഴ തേയ്കുകന്നതു നല്ലതാണ്. ചൂടുകാലത്ത് തലയ്ക്ക് തണുപ്പു നല്‍കാനും കറ്റാര്‍ വാഴ ജെല്ല് തേയ്ക്കാം.

രാത്രിയില്‍ ബ്രഷ് ചെയ്യാം

 

ഉറങ്ങുംമുമ്പ് മുടി ബ്രഷ് ചെയ്യുന്നത് നല്ലതാണോ?

ഉറങ്ങും മുമ്പ് പല്ലകലമുള്ള ചീപ്പോ ഹെയര്‍ ബ്രഷോ ഉപയോഗിച്ച് മുടി നന്നായി ചീകി കെട്ടിവയ്ക്കാം. രാത്രികാലത്ത് മുടി കൂടുതല്‍ വളരും. ചീകുന്നത് രക്തയോട്ടം കൂട്ടി മുടിവളര്‍ച്ചയെ ത്വരിതപ്പെടുത്തും. എന്നാല്‍ നനഞ്ഞ മുടി ചീകുന്നത് വിപരീതഫലം ചെയ്യും.

 

Read :

ഗർഭിണികൾ ഈന്തപ്പഴം കഴിച്ചാൽ

പോഷകസമൃദ്ധമായ ഭക്ഷണം – ഗർഭിണികൾക്ക്‌

മുലപ്പാൽ എങ്ങനെ പിഴിഞ്ഞെടുക്കാം

കുഞ്ഞുവാവയുടെ സംരക്ഷണം

കൂടുതൽ അറിയാൻ:  മലയാളം ആരോഗ്യ ടിപ്സ്

ചെറുപയർ ഗുണങ്ങൾ എന്തൊക്കെ ?

ചെറുപയർ ഗുണങ്ങൾ




ചെറുപയർ ഗുണങ്ങൾ

ചെറുപയർ ഒരുപിടി 1 മാസം അടുപ്പിച്ച്‌  കഴിയ്ക്കൂ;

ചെറുപയർ ഗുണങ്ങൾ : ചെറുപയർ പ്രോട്ടീന്റെ നല്ലൊരു കലവറയാണ്. ആരോഗ്യത്തിന് വേറെ എവിടേയും പോകേണ്ട. നമ്മുടെ അടുക്കളയില്‍ തന്നെ എത്തിയാല്‍ മതിയാകും. കാരണം ആരോഗ്യവും അനാരോഗ്യവും പ്രധാനമായും ഭക്ഷണത്തിന്റെ അടിസ്ഥാനമാണെന്നു വേണം, പറയാന്‍. ഭക്ഷണം മാത്രമല്ല, വ്യായാമവും ആരോഗ്യപരമായ ശീലങ്ങളുമെല്ലാം ഇതില്‍ പെടുന്നു.

ആരോഗ്യത്തിനു സഹായിക്കുന്ന ഭക്ഷണങ്ങള്‍ ധാരാളമുണ്ട്. ഇതുപോലെ അനാരോഗ്യത്തിന് കാരണമായ ഭക്ഷണ ശീലങ്ങളുമുണ്ട്. ചില പ്രത്യേക ഭക്ഷണങ്ങള്‍ പ്രത്യേക രീതിയില്‍ കഴിച്ചാല്‍ ആരോഗ്യ ഗുണങ്ങള്‍ ഇരട്ടിയ്ക്കും.

ആരോഗ്യത്തിന് മാത്രമല്ല, പല ഭക്ഷണങ്ങളും അസുഖങ്ങള്‍ തടയാനും സഹായിക്കുന്നവ തന്നെയാണ്. അസുഖങ്ങള്‍ വരുത്തുവാനും ഒഴിവാക്കാനും വര്‍ദ്ധിപ്പിയ്ക്കാനും കുറയ്ക്കാനുമെല്ലാം സഹായിക്കുന്ന ഭക്ഷണങ്ങള്‍ പലതാണ്.

ആരോഗ്യകരമായ ഭക്ഷണങ്ങളുടെ കൂട്ടത്തില്‍ പെടുന്ന ഒന്നാണ് പയർ വർഗ്ഗങ്ങൾ. പ്രത്യേകിച്ചും ഉണക്കിയ പയര്‍ വർഗ്ഗങ്ങൾ. ഉണക്കപ്പയർ, ചെറുപയർ, മുതിര എന്നിങ്ങനെ ഒരു പിടി വസ്തുക്കൽ ആരോഗ്യത്തിന് സഹായിക്കുന്നവയാണ്.

ഇത്തരം പയർ വര്‍ഗങ്ങളില്‍ തന്നെ ആരോഗ്യ ഗുണങ്ങള്‍ ഏറെ ഒത്തിണങ്ങിയ ഒന്നാണ് ചെറുപയർ. ചെറുപയര്‍ പല രീതിയിലും കഴിയ്ക്കാം. ഇത് പച്ചയ്ക്കും വേവിച്ചും മുളപ്പിച്ചുമെല്ലാം കഴിയ്ക്കാം.

ചെറുപയർ - ചെറുപയർ ഒരുപിടി 1 മാസം അടുപ്പിച്ച്‌  കഴിയ്ക്കൂ

പ്രോട്ടീന്റെ നല്ലൊരു കലവറയാണ് ചെറുപയർ. പ്രത്യേകിച്ചും മുളപ്പിച്ച ചെറുപയര്‍. പ്രോട്ടീനു പുറമെ മാംഗനീസ്, പൊട്ടാസ്യം, മഗ്നീഷ്യം, ഫോളേറ്റ്, കോപ്പര്‍, സിങ്ക്, വൈറ്റമിന്‍ ബി തുടങ്ങിയ പല ഘടകങ്ങളും ഇതില്‍ അടങ്ങിയിട്ടുണ്ട്. ധാരാളം നാരുകളും അടങ്ങിയിട്ടുണ്ട്. കാര്‍ബോഹൈഡ്രേറ്റുകള്‍ തീരെ കുറവും.

ദിവസവും ഒരു പിടി ചെറുപയര്‍ മുളപ്പിച്ചത് ഭക്ഷണത്തില്‍ ശീലമാക്കി നോക്കൂ. ഇത് വേവിച്ചോ അല്ലാതെയോ ആകാം. വേവിയ്ക്കാതെ കഴിച്ചാല്‍ ഗുണം ഇരട്ടിയ്ക്കും. ഇതുപോലെ മുളപ്പിച്ചു കഴിച്ചാലും.

ചെറുപയര്‍ ശീലമാക്കിയാല്‍ ഉണ്ടാകുന്ന ഗുണങ്ങൾ:

പ്രോട്ടീന്‍

മുളപ്പിച്ചതും അല്ലാതെയുമായ ചെറുപയര്‍ പ്രോട്ടീന്റെ പ്രധാനപ്പെട്ട ഒരു കലവറയാണ്. വെജിറ്റേറിയന്‍ ഭക്ഷണപ്രിയര്‍ക്കു പ്രത്യേകിച്ചും. പ്രോട്ടീന്‍ കോശങ്ങളുടേയും മസിലുകളുടേയും വളര്‍ച്ചയ്ക്ക് ഏറെ പ്രധാനപ്പെട്ടതുമാണ്. ശരീരത്തിന് ആവശ്യമായ പ്രോട്ടീന്‍ ലഭ്യമാക്കാന്‍ ഇതു മതിയാകും.

രോഗപ്രതിരോധ ശേഷി

ശരീരത്തിന് രോഗപ്രതിരോധ ശേഷി നല്‍കുന്ന നല്ലൊന്നാന്തരം ഭക്ഷണമാണ് ചെറുപയര്‍. പ്രതിരോധശേഷിയും ഊര്‍ജവും ശക്തിയുമല്ലാം ഒരുപോലെ ശരീരത്തിന് പ്രദാനം നല്‍കാന്‍ കഴിയുന്ന ഒരു ഭക്ഷണമാണ്. പ്രതിരോധ ശേഷി വന്നാല്‍ തന്നെ പല രോഗങ്ങളും അകന്നു നില്‍ക്കും.

ചെറുപയർ ഗുണങ്ങൾ - ശരീരത്തിന് രോഗപ്രതിരോധ ശേഷി നല്‍കുന്ന നല്ലൊന്നാന്തരം ഭക്ഷണമാണ് ചെറുപയര്‍.

വയറിന്റെ ആരോഗ്യത്തിന്

വയറിന്റെ ആരോഗ്യത്തിന് ഏറ്റവും മികച്ച ഒന്നാണ് ചെറുപയര്‍. ഇത് മുളപ്പിച്ചു കഴിച്ചാല്‍ ഗ്യാസ് പ്രശ്‌നങ്ങള്‍ ഉണ്ടാകില്ല. പയര്‍ വര്‍ഗങ്ങള്‍ പൊതുവേ ഗ്യാസ് കാരണമാകുമെങ്കിലും ഇതു മുളപ്പിച്ചാല്‍ ഈ പ്രശ്‌നം ഇല്ലാതെയാകും.

മലബന്ധം

ധാരാളം നാരുകള്‍ അടങ്ങിയ ചെറുപയര്‍ കുടലിന്റെ ആരോഗ്യത്തിന് അത്യുത്തമമാണ്. കുടലിന്റെ പ്രവര്‍ത്തനങ്ങള്‍ നല്ല രീതിയില്‍ നടക്കാന്‍ ഇത് സഹായിക്കും. ഇതുവഴി മലബന്ധം പോലുള്ള പ്രശ്‌നങ്ങള്‍ അകറ്റി നിര്‍ത്താനും സഹായിക്കും. ദിവസവും ചെറുപയര്‍ മുളപ്പിച്ചു കഴിയ്ക്കുന്നത് നല്ല ശോധനയ്ക്കു സഹായിക്കുന്ന ഒരു പ്രധാനപ്പെട്ട വഴിയാണ്.

ശരീരത്തിലെ ടോക്‌സിനുകൽ

മുളപ്പിച്ച ചെറുപയര്‍ ശരീരത്തിലെ ടോക്‌സിനുകള്‍ നീക്കാന്‍ ഏറെ നല്ലതാണ്. ശരീരത്തിലെ ടോക്‌സിനുകളാണ് ക്യാന്‍സര്‍ അടക്കമുളള പല രോഗങ്ങള്‍ക്കും കാരണമാകുന്നത്. ഇത്തരം പ്രശ്‌നങ്ങള്‍ അകറ്റി നിര്‍ത്താന്‍ ആരോഗ്യകരമായ ഈ ഭക്ഷണത്തിനു സാധിയ്ക്കും.

ആയുർവേദ പ്രകാരം

ആയുർവേദ പ്രകാരം കഥ, പിത്ത, വായു ദോഷങ്ങളാണ് അസുഖ കാരണമാകുന്നത്. ഇതിനുള്ള നല്ലൊരു പരിഹാരമാണ് ചെറുപയര്‍ മുളപ്പിച്ചു കഴിയ്ക്കുന്നത്. ആയുര്‍വേദ പ്രകാരം ആരോഗ്യ ഗുണങ്ങള്‍ ഏറെയുള്ള നല്ലൊരു ഭക്ഷണമാണിത്.

കാൽസ്യം

ധാരാളം കാല്‍സ്യം അടങ്ങിയ ഒരു ഭക്ഷണം കൂടിയാണിത്. ഇതു കൊണ്ടു തന്നെ എല്ലുകളുടേയും പല്ലുകളുടേയും ആരോഗ്യത്തിന് ഏറ്റവും ഉത്തമവും. കുട്ടികള്‍ക്കു നല്‍കാന്‍ സാധിയ്ക്കുന്ന മികച്ചൊരു ഭക്ഷണമാണിത്.

ചെറുപയർ ഗുണങ്ങൾ - ശരീരത്തിന് പോഷകക്കുറവ് അനുഭവപ്പെടാതെ തന്നെ തടി കുറയ്ക്കാന്‍ പറ്റിയ ഉത്തമമായ ഒരു വഴിയാണിത്

ശരീരത്തിന് പോഷകക്കുറവ്

ശരീരത്തിന് പോഷകക്കുറവ് അനുഭവപ്പെടാതെ തന്നെ തടി കുറയ്ക്കാന്‍ പറ്റിയ ഉത്തമമായ ഒരു വഴിയാണിത്. ഇതിലെ നാരുകള്‍ ദഹനപ്രക്രിയ സുഗമമാക്കി നടക്കാനും അപചയ പ്രക്രിയ ശക്തിപ്പെടുത്താനും സഹായിക്കുന്നു. ഇതില്‍ കാര്‍ബോഹൈഡ്രേറ്റുകള്‍ തീരെ കുറവുമാണ്. ഇത്തരം ഗുണങ്ങളെല്ലാം തന്നെ തടി കുറയ്ക്കാന്‍ സഹായിക്കുന്നവയാണ്.

ആർത്തവ സമയത്ത്

സ്ത്രീകളിലെ ആര്‍ത്തവ സംബന്ധമായ പ്രശ്‌നങ്ങള്‍ക്കുള്ള നല്ലൊരു പരിഹാരമാണ് മുളപ്പിച്ച ചെറുപയര്‍. ആര്‍ത്തവ സമയത്ത് ഇത് ശീലമാക്കി നോക്കൂ. ഇതിലെ വൈറ്റമിന്‍ ബി , വൈറ്റമിന്‍ ബി 6 എന്നിവ ഇതിനുള്ള പരിഹാരമാണ്.

പ്രമേഹത്തിന്

പ്രമേഹത്തിന് പരിഹാരം കാണാന്‍ ശ്രമിക്കുന്നവര്‍ക്ക് ഉത്തമ പരിഹാരമാണ് ചെറുപയര്‍ മുളപ്പിച്ചത്. ഇത് ഒരു മാസം ശീലമാക്കിയാല്‍ മതി പ്രമേഹമെല്ലാം പമ്ബ കടക്കും. പ്രമേഹ രോഗികള്‍ക്ക് രക്തത്തിലെ ഗ്ലൂക്കോസ് തോതു കുറയ്ക്കാന്‍ ഏറെ നല്ലതാണിത്. ധൈര്യമായി പ്രമേഹ രോഗികള്‍ക്കു കഴിയ്ക്കാവുന്ന ഒന്ന്.

കൊളസ്‌ട്രോൾ 

കൊളസ്‌ട്രോൾ  നിയന്ത്രിച്ചു നിര്‍ത്താനുള്ള നല്ലൊരു വഴിയാണ് ചെരുപയര്‍. ഇത് ശരീരത്തിന്റെ അപചയപ്രക്രിയയും ദഹനപ്രക്രിയയും വര്‍ദ്ധിപ്പിച്ച്‌ കൊഴുപ്പടിഞ്ഞു കൂടുന്നത് തടയും. ഇതുവഴി കൊളസ്‌ട്രോള്‍ കുറയ്ക്കും.

ചെറുപയര്‍ സലാഡ്

ഒരു പ്രത്യേക രീതിയില്‍ മുളപ്പിച്ച ചെറുപയര്‍ സലാഡ് ഉണ്ടാക്കാന്‍ സാധിയ്ക്കും. മുളപ്പിച്ച ചെറുപയറില്‍ ചെറുതായി തക്കാളി, സവാള എന്നിവ അരിഞ്ഞിടുക. വേണമെങ്കില്‍ ചെറുപയര്‍ വേവിയ്ക്കുകയും ചെയ്യാം. ഇതില്‍ കുരുമുളകുപൊടി, ലേശം ഉപ്പ്, ചെറുനാരങ്ങാനീര്, മല്ലിയില എന്നിവ ചേര്‍ത്തിളക്കി കഴിയ്ക്കാം. ആരോഗ്യത്തിന് ഏറ്റവും ഉത്തമമായ ഒന്നാണിത്.

Related Topic ;

കൊതുകു കടിച്ചാൽ – എന്ത് ചെയ്യണം? കൊതുകിനെ എങ്ങനെ തുരത്താം?

തുളസി

താരൻ ഇല്ലാതാക്കാൻ

മറ്റ് അറിവുകൾക്കായി :

mybabysmiles.in 

പ്രസവശേഷമുള്ള മുടി കൊഴിച്ചിൽ

പ്രസവശേഷമുള്ള മുടി കൊഴിച്ചിൽ

പ്രസവശേഷമുള്ള മുടി കൊഴിച്ചിൽ

പ്രസവശേഷമുള്ള മുടി കൊഴിച്ചിൽ എല്ലാ അമ്മമാരുടെയും ഒരു പ്രധാന പ്രശ്നമാണ്. പ്രസവത്തിനു മുൻപ് ഇടതൂർന്ന കട്ടിയുള്ള മുടിയായിരിക്കും. എന്നാൽ പ്രസവശേഷം മുടിയുടെ ഭംഗിയും പോയി മുടികൊഴിച്ചിൽ സഹിക്കാനാവാതെ വരും. അങ്ങനെ ഉള്ളവർക്കായി ഇതൊന്നു വായിച്ചു നോക്കു.

പ്രസവ ശേഷമുള്ള മുടി കൊഴിച്ചിൽ മാറാൻ വിദ്യകൾ

90% സ്ത്രീകളും പ്രസവം കഴിഞ്ഞാൽ നേരിടുന്ന പ്രധാന പ്രശ്നം ആണ് മുടി കൊഴിച്ചിൽ. പ്രസവ കാലത്ത് കഴിക്കുന്ന മരുന്നുകളും പ്രസവശേഷം കഴിക്കുന്ന മരുന്നുകളും എല്ലാമാണ് പലപ്പോഴും ഇത്തരത്തിലുള്ള മുടി കൊഴിച്ചിലിന് കാരണം. എന്നാല്‍ പ്രസവത്തിനു ശേഷമുള്ള ഇത്തരം പ്രശ്‌നങ്ങളെ ഇല്ലാതാക്കാന്‍ സഹായിക്കുന്ന ചില പരിഹാരങ്ങള്‍ വീട്ടിൽ തന്നെ നമുക്ക് ചെയ്യാം.. 100% ഫലപ്രദം…

ഉലുവ

പ്രസവശേഷമുള്ള മുടി കൊഴിച്ചിൽ

ഉലുവ വെള്ളത്തിൽ ഇട്ട്  നന്നായി കുതിർത്തെടുത്ത ശേഷം പേസ്റ്റ് രൂപത്തിൽ അരച്ചെടുക്കുക. ഇത് തലയോട്ടിയിൽ നന്നായി തേച്ചു പിടിപ്പിച്ചു മസ്സാജ് ചെയ്യുക. ഒരുമണിക്കൂറിനു ശേഷം കഴുകിക്കളയാം. ഇത് ആഴ്ചയിൽ 3 പ്രാവശ്യം ചെയ്യാം.

നാരങ്ങ നീര്

നാരങ്ങ നീര്

നാരങ്ങ നീരാണ് മറ്റൊരു പരിഹാരമാർഗം. മുട്ടയുടെ വെള്ളയും നാരങ്ങാനീരും നന്നായി മിക്സ് ചെയ്ത് തലയിൽ തേച്ചു പിടിപ്പിക്കാം. അരമണിക്കൂറിനു ശേഷം കഴുകിക്കളയാം.

തേങ്ങാപ്പാൽ

തേങ്ങാപ്പാൽ

തേങ്ങാപ്പാലാണ് മറ്റൊരു പരിഹാരമാർഗം. തേങ്ങാപ്പാൽ തലയിൽ തേച്ചു പിടിപ്പിച്ചു അരമണിക്കൂറിനു ശേഷം കഴുകിക്കളയാം.

ആര്യവേപ്പ്

ആര്യവേപ്പില തലമുടി തഴച്ചു വളരാൻ

ആര്യവേപ്പിലയുടെ നീര് ഇടിച്ചു പിഴിഞ്ഞെടുത്ത് തലയോട്ടിയിൽ തേച്ചുപിടിപ്പിച്ചു അരമണിക്കൂറിനു ശേഷം കഴുകിക്കളയാം. മുടികൊഴിച്ചിൽ അകറ്റുന്നതോടൊപ്പം ഇത് തലയോട്ടിയിൽ ഉണ്ടാകുന്ന ചർമ സംബന്ധമായ രോഗങ്ങൾ ഇല്ലാതാക്കുകയും ഒരു ആന്റിബാക്റ്റീരിയൽ ഏജന്റായി പ്രവർത്തിക്കുകയും ചെയ്യുന്നു.

നെല്ലിക്ക

നെല്ലിക്ക

മുടിവളർച്ചയെ സഹായിക്കുന്നതിൽ മുൻ നിരയിലാണ് നെല്ലിക്ക. നെല്ലിക്ക ഇട്ട്  ചൂടാക്കിയ  എണ്ണ  തലയോട്ടിയിൽ തേച്ചു പിടിപ്പിച്ചു കുളിക്കുക. ഇത് മുടികൊഴിച്ചിൽ നിയന്ത്രിക്കുകയും മുടി തഴച്ചു വളരാൻ സഹായിക്കുകയും ചെയ്യുന്നു.

കറ്റാർവാഴ

കറ്റാർവാഴ

കറ്റാർവാഴയുടെ ജെല്ലാണ് മറ്റൊരു പരിഹാരമാർഗ്ഗം. ഇത് മുടികൊഴിച്ചിൽ നിയന്ത്രിക്കുകയും മുടി തഴച്ചു വളരാൻ സഹായിക്കുകയും തലയോട്ടിയിലെ  നിലനിർത്താനും സഹായിക്കുന്നു. ഇൻഫെക്ഷൻ ഒഴിവാക്കുന്നു.

ഓയിൽ മസ്സാജ്

ഓയിൽ മസ്സാജ്

ഓയിൽ മസ്സാജ്  മുടിയുടെ ആരോഗ്യം വർധിപ്പിക്കുകയും മുടി വളരാനും മുടിക്ക് തിളക്കം നൽകാനും സഹായിക്കുന്നു.

Related Topic ;

തുളസി ഇലയുടെ ഗുണങ്ങൾ

മഞ്ഞൾ ഗുണങ്ങൾ ഏറേ!

പാഷൻ ഫ്രൂട്ട് – വിറ്റാമിനുകളുടെ കലവറ

ജീരകവെള്ളം കുടിക്കുന്നതു കൊണ്ടുള്ള 7 ഗുണങ്ങള്‍

തലമുടി തഴച്ചു വളരാൻ മുടികൊഴിച്ചിൽ അകറ്റാൻ

സപ്പോട്ട – ഇതിനു ഇത്രയേറെ ഗുണങ്ങളോ

താരനും മുടികൊഴിച്ചിലും മാറാന്‍

കൂടുതൽ അറിയാൻ: മലയാളം ആരോഗ്യ ടിപ്സ്

തുളസി ഇലയുടെ ഗുണങ്ങൾ

തുളസി ഇലയുടെ ഗുണങ്ങൾ

 

തുളസി ഇലയുടെ ഗുണങ്ങൾ

തുളസി ഇലയുടെ ഗുണങ്ങൾ

ഏറ്റവും ഉപകാരപ്പെട്ട ചെടികളിൽ ഒന്നാണ്​. രോഗപ്രതിരോധ ശേഷിയെ ശക്തിപ്പെടുത്തുന്നതും, പ്രതിരോധശേഷി ശക്തിപ്പെടുത്തുന്നതും, ബാക്ടീരിയ, വൈറൽ എന്നീ അണുബാധുകളെ നേരിടാനും വിവിധ  തരത്തിലുള്ള മുടി, ചർമ്മ രോഗങ്ങളെ ​പ്രതിരോധിക്കാനും ഇത് സിദ്ധൗഷധമാണ്​. ആയുർവേദം, പ്രകൃതി ചികിത്സ എന്നിവയ്ക്ക് തുളസി പ്രധാനമാണ്​.കൃഷ്ണ തുളസി ഇലയുടെ ഗുണങ്ങൾ

ഇന്ത്യയിൽ വ്യാപകമായി  കാണപ്പെടുന്ന തുളസിക്ക്​ ഹിന്ദുമതവിശ്വാസത്തിൽ വിശുദ്ധ പദവിയുള്ളതിനപ്പുറം പുരാതന ആയൂർവേദ ചികിത്സയിലും പ്രാധാന്യമുള്ളതാണ്​. പച്ച നിറത്തിലുള്ളവ ലക്ഷ്​മി തുളസിയും ധൂമ നിറത്തിലുള്ളവ കൃഷ്ണ തുളസിയെന്നും രണ്ട് ഇനങ്ങളിലാണ്​ കാണപ്പെടുന്നത്.

തുളസിക്ക് അലർജിക്കും അണുബാധക്കും എതിരെ പ്രവർത്തിക്കാൻ കഴിയുന്നു. തുളസി പേസ്റ്റ്, പൊടി എന്നിവയും ഒട്ടേറെ സൗന്ദര്യവർധക വസ്​തുക്കളും ഇത്​ ഉപയോഗിച്ച്​ ഉണ്ടാക്കുന്നു.വിവിധ അസുഖങ്ങൾക്കായി ഉപയോഗിക്കുന്ന ഒ​ട്ടേറെ എണ്ണകളിൽ തുളസിയിലയുടെ സാന്നിധ്യം അനിവാര്യമാണ്​. 

വീട്ടിലെ പ്രതിവിധി:

അസുഖങ്ങൾ വരു​മ്പോള്‍ വീട്ടിൽ നടത്തുന്ന പ്രതിവിധികളിൽ മുന്നിലാണ്​ തുളസി.  പതിവ് പനി മുതൽ മാരകമായ, ബാക്ടീരിയ, വൈറൽ അണുബാധകൾ വരെ ചിലപ്പോൾ – തുളസി ഉപയോഗിച്ച്​ ചികിത്സിക്കാൻ  ഒരു പരിധി വരെ സഹായിക്കുന്നു. മിക്ക രോഗങ്ങൾക്കും തുളസിയിൽ പ്രതിവിധിയുണ്ട്​.

  1. തുളസിയിലയിട്ടു തിളപ്പിച്ച വെള്ളത്തിൽ രണ്ട്​ ​ഗ്രാം കുരുമുളക്​ പൊടി ചേർത്തുകഴിക്കുന്നത്​ പ്രതിരോധ ശേഷി വർധിപ്പിക്കും.
  2. ഡെങ്കിപ്പനിയിൽ നിന്നു വേഗത്തിൽ മോചനം നേടാനും തുളസിയില സഹായിക്കുന്നു.
  3. ഇഞ്ചി, തുളസിയില, ചൂടുവെള്ളം, തുളസിയില, കുരുമുളക്​ പൊടി എന്നിവ ചൂടു​വെള്ളത്തിൽ ചേർത്തുകഴിക്കുന്നതും രോഗപ്രതിരോധത്തിന്​ സഹായിക്കും.
  4. പ്രമേഹത്തെ ലഘൂകരിക്കുന്നതിനും,  ഉയർന്ന രക്തസമ്മർദ്ദം കുറക്കാനും ഇത് സഹായിക്കും.
  5. തുളസിയിലയിൽ കാണുന്ന എണ്ണയുടെ അംശം നമ്മുടെ ശ്വസന വ്യവസ്​ഥകളിൽ കാര്യക്ഷമമായി പ്രവർത്തിക്കുന്നവയാണ്​.
  6. തുളസിയിൽ കാണുന്ന ലിനോലേക് ആസിഡ്​ ചർമത്തിന്​ ഗുണകരമാണ്​.
  7.  വേപ്പ്,  മഞ്ഞൾ, തുളസിയില എന്നിവ ചേർത്ത്​  മുഖക്കുരു സാധ്യതയെ പ്രതിരോധിക്കാം.

 ധൂമ തുളസി ഇലയുടെ ഗുണങ്ങൾ

തുളസിയുടെ വൈദ്യശാസ്​ത്ര പ്രാധാന്യങ്ങൾ ചുവടെ:

1. ശരീരത്തിനകത്തും പുറത്തും വിഷംശം നീക്കാനും ശുദ്ധീകരിക്കാനും കഴിയുന്ന ഏജൻറായി തുളസിയില പ്രവർത്തിക്കുന്നു.
2. വിവിധ തരം ചൊറി ഉൾപ്പെടെയുള്ള ത്വക്ക്​ രോഗങ്ങളെ പ്രതിരോധിക്കുന്നു.
3. ചർമത്തിന്​ സൗന്ദര്യം നൽകുകയും ചെയ്യുന്നു.
4. സംസ്​ക്കരിച്ചും അല്ലാതെയും പൗഡർ, പേസ്​റ്റ്​ തുടങ്ങിയ ആയൂർവേദ വസ്​തുക്കളിൽ ഉപയോഗിക്കുന്നു.
5  ആന്‍റിബയോട്ടിക്, ആൻറി വൈറൽ, ആൻറി ബാക്ടീരിയൽ, കാർസിനോജനിക് ഏജൻറുകൾ അടങ്ങിയിരിക്കുന്നു.
6. പനി, തലവേദന, തൊണ്ട വേദന,ജലദോഷം, ചുമ, പനി, നെഞ്ചെരിച്ചിൽ എന്നിവ ഒഴിവാക്കാൻ ഇത് സഹായിക്കുന്നു.
7. ശ്വാസകോശ സംബന്ധമായ അസുഖങ്ങൾ, ആസ്ത്മ തുടങ്ങിയവയ്ക്ക് ഇത് ഗുണം ചെയ്യും.
8. മാനസിക പിരിമുറുക്കം ഒഴിവാക്കുകയും, പ്രതിരോധശേഷി വർദ്ധിപ്പിക്കുകയും, ശരിയായ ദഹനത്തെ സഹായിക്കുകയും ചെയ്യുന്നു.
9 ഫൈറ്റോന്യൂറിയന്‍റ്, അത്യാവശ്യ എണ്ണകൾ, വിറ്റാമിൻ എ, സി എന്നിവ ഇതിൽ അടങ്ങിയിരിക്കുന്നു.
10. പ്രതിദിന തുളസി ഉപഭോഗം ശാരീരിക പ്രക്രിയകൾ സന്തുലിതമാക്കുന്നതിനും ക്രമീകരിക്കുന്നതിനും സഹായിക്കും.
11. രക്തത്തിലെ പഞ്ചസാരയുടെ അളവ് ക്രമീകരിച്ചുനിർത്താൻ സഹായിക്കുന്നു.
12. ശരീരത്തിലെ യൂറിക് ആസിഡിന്റെ അളവ് നിയന്ത്രിക്കാനും അതുവഴി വൃക്കയിലെ കല്ല് വികസിപ്പിക്കുന്നതിനുള്ള സാധ്യതകളും ഇല്ലാതാക്കുന്നു.
13. മാനസിക പിരിമുറുക്കത്തിനിടയാക്കുന്ന കോർടിസോൾ ഹോർമോണി​ന്‍റെ അളവ്​ നിയന്ത്രിക്കാൻ തുളസി സഹായിക്കുന്നുവെന്ന്​ ലഖ്നൗവിലെ സെൻട്രൽ ഡ്രഗ് റിസർച്ച് ഇൻസ്​റ്റിറ്റ്യൂട്ടി​ന്‍റെ പഠനത്തിൽ പറയുന്നു.
14. ഫ്രീ റാഡിക്കലുകളുടെ ഹാനികരമായ ഫലങ്ങളെ തടയാൻ കഴിയും.
15. ദന്ത ആരോഗ്യത്തിന്​ സഹായകം.
16. കീടങ്ങളുടെ ആക്രമണത്തെ പ്രതിരോധിക്കാനും  പ്രാണികളുടെ കടിയേൽക്കു​മ്പോള്‍ ചികിത്സിക്കാനും സഹായകം.
17. ഹെപ്പറ്റൈറ്റിസ്, മലേറിയ, ക്ഷയം, ഡെങ്കി, പന്നിപ്പനി തുടങ്ങിയവയുടെ  ചികിത്സയിൽ ഗുണം ചെയ്യുന്നു.
18. വിഷാംശത്തെ സ്വാംശീകരിക്കാൻ ക​ഴിവുള്ള ചെടിയായും ഇതിനെ കരുതുന്നു.

 

Read : പേരയ്ക്ക – പേരക്കയുടെ ഗുണങ്ങള്‍

മുടികൊഴിച്ചിൽ

ചെറുതേൻ ഗുണങ്ങൾ എന്തൊക്കെയാണ്?

തലമുടി തഴച്ചു വളരാൻ മുടികൊഴിച്ചിൽ അകറ്റാൻ

സപ്പോട്ട – ഇതിനു ഇത്രയേറെ ഗുണങ്ങളോ

കൂടുതൽ അറിയാൻ: മലയാളം ആരോഗ്യ ടിപ്സ്

തേൻ ഉപയോഗം – ചെറുതേൻ ഗുണങ്ങൾ

തേൻ ഉപയോഗം - ചെറുതേൻ ഗുണങ്ങൾ

തേൻ ഉപയോഗം – ചെറുതേൻ ഗുണങ്ങൾ

തേൻ ചൂടുള്ള പദാർത്ഥങ്ങളിൽ ഉപയോഗിക്കാമോ

തേൻ ഉപയോഗം: തേൻ ഊർജ്‌ജദായകവും പോഷകസമൃദ്ധവുമായ സുവ ർണ ദ്രാവകമാണ്. പ്രകൃ തിയിലെ തേനീച്ചകളുടെ നിരന്തരമായ അധ്വാനഫലമായി സസ്യസ്രോതസുകളിൽ നിന്നും ശേഖരിക്കപ്പെടുന്ന പൂന്തേൻ തേനീച്ചകളുടെ രാസാഗ്നികളുടെ പ്രവർ ത്തനഫലമായി തേനായി മാറുന്നു.

തേൻ ചൂടുള്ള പദാർത്ഥങ്ങളിൽ ഉപയോഗിക്കാമോ

ജലാംശം കഴിഞ്ഞാൽ വിവിധയിനം പഞ്ചസാരകളാണ് തേനിൽ ഏറ്റവും കൂടുതൽ അടങ്ങിയിട്ടുള്ളത്. അവയിൽ ഏറ്റവും പ്രധാനം ഫ്രക്ടോസ് എന്ന പഞ്ചസാരയാണ്. ശരീരത്തിന് ആവശ്യമായ ഊർജ്‌ജം പ്രദാനം ചെയ്യുന്ന ഗ്ലൂക്കോസ്, സുക്രോസ് എന്നിവയും തേനിലുണ്ട്. ചില വിറ്റാമിനുകൾ, മൂലകങ്ങൾ, രാസഗ്നികൾ എന്നിവയും തേനിലടങ്ങിയിരിക്കുന്നു. ശരീരത്തിന് ഉണർവും ഉന്മേഷവും നൽകാൻ തേനുപയോഗിക്കാം. ആയുർവേദമരുന്നുകളിൽ പലതിലും തേൻ ഒരു പ്രധാനഘടകമാണ്. തീപൊള്ളലിന് ഏറെ ഫലപ്രദമായ ഔഷധമായും  ഉപയോഗിച്ചു വരുന്നു.

ചെറുതേൻ, വൻതേൻ

തേൻ ഉപയോഗം - ചെറുതേൻ ഗുണങ്ങൾ
ചെറുതേൻ

ഇന്ത്യയിൽ വിവിധയിനം തേനീച്ചകളുണ്ട്. ഈ തേനീച്ചകളിൽ നിന്നു ശേഖരിക്കുന്ന തേനുകൾ വ്യത്യാസമുള്ളതായിരിക്കും. കാട്ടിലെ വൻ മരങ്ങളിൽ കൂടുകൂട്ടുന്ന പെരും തേനീച്ചയിൽ നിന്നും ശേഖരിക്കുന്നവ പൊതുവെ വൻതേൻ എന്നറിയപ്പെടുന്നു. ഞൊടിയൽ, ഇറ്റാലിയൻ എന്നീ തേനിച്ച ഇനങ്ങളെ വളർത്തിയും തേൻ ശേഖരിക്കാറുണ്ട്. ഈ തേനുകളെല്ലാംതന്നെ അതാതു ഇനം തേനീച്ചകളുടെ പേരു ചേർത്താണ് സാധാരണയായി അറിയപ്പെടുന്നത്. ഭിത്തികളുടെ വിടവിലും മറ്റും കൂടുകൂട്ടുന്ന വലിപ്പം കുറഞ്ഞ ചെറുതേനീച്ചകളിൽ നിന്നും ശേഖരിക്കുന്ന തേനാണ് ചെറുതേനായി അറിയപ്പെടുന്നത്. നന്നേ ചെറുതാകയാൽ ഇവയ്ക്ക് വളരെ ചെറിയ പൂക്കളിൽ നിന്നുപോലും തേൻ ശേഖരിക്കാനാകും. ഒട്ടനവധി ഔഷധ സസ്യങ്ങളുടെ പൂക്കളിൽ നിന്നും തേൻ ശേഖരിക്കുന്നതിനാൽ ചെറുതേനിന് ഔഷധഗുണമുണ്ട്.

തേൻ ഉപയോഗം - വൻതേൻ ഗുണങ്ങൾ
വൻതേൻ

 

തേനും ചൂടുള്ള പദാർഥങ്ങളും

തേൻ ചൂട് വെള്ളത്തിൽ ചേർത്ത് കുടിക്കുന്നത് വയറു കുറയാനും വണ്ണം കുറയാനും ഒക്കെ നല്ലതാണെന്നു നമ്മൾ കേട്ടിട്ടുണ്ട്..എന്നാൽ
ചൂടുള്ള ആഹാരസാധനങ്ങളില്‍ തേന്‍ ചേര്‍ത്തു കഴിക്കുന്നതും ചൂടാക്കുന്നതും ഒക്കെ അപകടകരമാണെന്നാണ് ആയുർവേദം പറയുന്നത്! .

മധുരത്തിനായി പഞ്ചസാരയ്ക്കു പകരം തേന്‍ ചേര്‍ക്കുന്നത് പലരുടെയും ശീലമാണ്. പഞ്ചസാരയെക്കാള്‍ ഗുണമുള്ള വസ്തു എന്ന നിലയ്ക്കും ഇതു ചേര്‍ക്കാറുണ്ട്. ചൂടുപാലിലും വെള്ളത്തിലും തേന്‍ ചേര്‍ത്തു കുടിക്കുന്നത് പലർക്കുമൊരു ശീലമാണ്. അതിരാവിലെ ചൂടു വെള്ളത്തില്‍ തേന്‍ ചേര്‍ത്തു കഴിക്കുന്നവരാണ്‌ നല്ലൊരു ശതമാനം ആളുകളും.

തേൻ ഉപയോഗം - ചെറുതേൻ ഗുണങ്ങൾ

ചൂടു വെള്ളത്തില്‍ നാരങ്ങയും തേനും ചേര്‍ത്തു കുടിക്കുന്നത് ഏറെ നല്ലതാണെന്ന് നമ്മള്‍ കേട്ടിട്ടുണ്ട്. ഭാരം കുറയ്ക്കാനും ശരീരത്തിലെ വിഷാംശങ്ങള്‍ നീക്കം ചെയ്യാനും ഇത് നല്ലതാണെന്നാണ് വിശ്വാസം. ഇതു തെറ്റാണ്. കാരണം തേനിനെ പാകം ചെയ്യാനോ ചൂടാക്കാനോ പാടില്ല‍. ഇതു ചൂടായാല്‍ ശരീരത്തിലെത്തുമ്പോള്‍  വിഷമാകും.

തേന്‍ എങ്ങനെയാണോ നമുക്ക് ലഭിക്കുന്നത് അതുപോലെ തന്നെ കഴിക്കുന്നതാണ് ഏറ്റവും ഉത്തമം. ഇനി പാലില്‍ ചേര്‍ത്തു കഴിക്കണമെന്നു തോന്നിയാല്‍ പാൽ നന്നായി തണുത്ത ശേഷം തേന്‍ ഒഴിച്ച് കുടിക്കാം. ഷുഗറിന്റെ അംശമുള്ള എന്തും ചൂടാക്കിയാല്‍ അത് 5-hydroxymethylfurfural ( HMF ) എന്ന രാസവസ്തുവുണ്ടാക്കും. ഇത് ആരോഗ്യത്തെ ദോഷകരമായി ബാധിക്കും.

ദീർഘകാലം സൂക്ഷിക്കാൻ

ചില സ്രോതസുകളിൽ നിന്നും ലഭിക്കുന്ന തേനുകൾ ദീർഘകാലം സൂക്ഷിക്കുകയോ ഫ്രിഡ്ജിൽ വയ്ക്കുകയോ ചെയ്താൽ അടിയിൽ പഞ്ചസാര പരലുകൾ രൂപപ്പെടുന്നതായി കാണാം. ഇതു തേനിനു ഗുണനിലവാരമില്ലാത്തതിനാലല്ല. തേനിലുള്ള പഞ്ചസാരകൾ അടിഞ്ഞുകൂടി പരലുകളായി മാറുന്നതാണ്. ഇത്തരം തേനുകൾ പാത്രത്തോടെ ചെറുചൂട് വെള്ളത്തിൽ കുറച്ചു സമയം വച്ചിരുന്നാൽ പലരുകൾ അലിഞ്ഞ് പഴയ രീതിയിലായി കിട്ടും. സുക്രോസിന്റെ അംശം കൂടിയ സ്രോതസിൽ നിന്നുള്ള തേനിലാണ് ഈ പരൽ രൂപീകരണം കൂടുതലായി കാണുന്നത്.

മലയാളം ആരോഗ്യ ടിപ്സ്

Related Topic ;

സപ്പോട്ട – ഇതിനു ഇത്രയേറെ ഗുണങ്ങളോ

ആന്റിബയോട്ടിക് ഗുളികകൾ – ചില പ്രധാന വസ്തുതകൾ

ജീരകവെള്ളം കുടിക്കുന്നതുകൊണ്ടുള്ള 7 ഗുണങ്ങള്‍

പാഷൻ ഫ്രൂട്ട്

പപ്പായ ഇല ക്യാൻസറിനെ പ്രതിരോധിക്കും

കൂടുതൽ അറിയാൻ:  മലയാളം ആരോഗ്യ ടിപ്സ്

മഞ്ഞൾ ഗുണങ്ങൾ ഏറേ!

മഞ്ഞൾ ഗുണങ്ങൾ

മഞ്ഞൾ ഗുണങ്ങൾ ഏറേ!

മഞ്ഞൾ – ആയുർവേദത്തിൽ ഇതിനെ ഒരു ഫസ്റ്റ് എയ്ഡ് ആയിട്ടാണ് കണക്കാക്കുന്നത്. ഏറ്റവും കൂടുതൽ ആരോഗ്യ പ്രശ്നങ്ങളെ ചെറുത്തുനിൽക്കാൻ ഊറിയൂ നുള്ള് മഞ്ഞൾപ്പൊടിയെ നമ്മുടെ ആഹാരത്തിൽ ഉൾപ്പെടുത്താം.

മഞ്ഞൾ

ആരോഗ്യത്തിന്റെ കാര്യത്തിൽ ഒരുതരത്തിലുള്ള ഒത്തുതീര്‍പ്പിനും ഒരു കാരണവശാലും നമ്മള്‍ തയ്യാറല്ല. അതു തന്നെയാണ് പലപ്പോഴും ജീവിതത്തില്‍ പല വിധത്തിലുള്ള ആരോഗ്യ പ്രശ്‌നങ്ങളേയും അകലത്തില്‍ നിര്‍ത്തുന്നത്. ആരോഗ്യപരമായ പ്രശ്‌നങ്ങള്‍ പല വിധത്തിലാണ് ഇന്നത്തെ നമ്മുടെ ജീവിതത്തിൽ ഉണ്ടായിക്കൊണ്ടിരിക്കുന്നത്. ഇത് എല്ലാ വിധത്തിലും നമ്മുടെ തന്നെ തെറ്റാണ്. മാറിക്കൊണ്ടിരിക്കുന്ന ജീവിതശൈലിയും ഭക്ഷണ രീതിയും എല്ലാം പലപ്പോഴും പല വിധത്തിലാണ് ആരോഗ്യത്തിന് വില്ലനാവുന്നത്. ‘മാങ്ങയിലൊതുക്കാം ക്യാന്‍സറിനെ’ എന്നാൽ എല്ലാ വിധത്തിലുള്ള ആരോഗ്യ പ്രശ്‌നങ്ങള്‍ക്കും പരിഹാരം കാണാൻ സഹായിക്കുന്ന ഒന്നാണ് മഞ്ഞൾ.

നാരങ്ങ വെള്ളത്തിൽ ഒരു നുള്ള് മഞ്ഞൾ

നാരങ്ങാ നീരിൽ അല്പം മഞ്ഞൾ പൊടിച്ചു ചേർത്ത് കഴിക്കുന്നത് പല വിധത്തില്‍ നമ്മളെ വലക്കുന്ന ആരോഗ്യ പ്രശ്‌നങ്ങള്‍ക്ക് പരിഹാരം കാണാന്‍ സഹായിക്കുന്നു. എല്ലാ വിധത്തിലും ഇത് ആരോഗ്യത്തിന് സഹായിക്കുന്നു. ആരോഗ്യത്തിന്റെ കാര്യത്തില്‍ ഇനി ഒരു മഞ്ഞള്‍പ്പൊടി സഹായിക്കും. എന്നും ഇത് സ്ഥിരമാക്കിയാല്‍ നമ്മളെ വലക്കുന്ന പല വിധത്തിലുള്ള ആരോഗ്യപ്രശ്‌നങ്ങള്‍ക്കും നമുക്ക് പരിഹാരം കാണാം.

നാരങ്ങ വെള്ളത്തിൽ ഒരു നുള്ള് മഞ്ഞൾ

അമിതവണ്ണം കുറയ്ക്കുന്നു 

അമിതവണ്ണമാണ് ഇന്നത്തെ കാലത്ത് ഏറ്റവും കൂടുതല്‍ പ്രശ്‌നമുണ്ടാക്കുന്ന ഒന്ന്. ഇതിനെ മറികടക്കാന്‍ ഏറ്റവും നല്ല വഴിയാണ് നാരങ്ങാ വെള്ളത്തില്‍ മഞ്ഞള്‍പ്പൊടിയിട്ട് കഴിയ്ക്കുന്നത്. ടോക്‌സിന്‍ പുറന്തള്ളുന്നതിലൂടെയാണ് തടിയും കൊഴുപ്പും കുറയുന്നത്.

കൊളസ്‌ട്രോള്‍ കുറയ്ക്കുന്നു 

കൊളസ്‌ട്രോള്‍ ഇന്നത്തെ ജീവിതശൈലിയുടെ ഭാഗമാണ്. അതുകൊണ്ട് തന്നെ ഇത്തരത്തിലുള്ള പ്രശ്‌നങ്ങള്‍ക്ക് പരിഹാരം കാണാന്‍ സഹായിക്കുന്നതിന് ഏറ്റവും മികച്ച പാനീയമാണ് മഞ്ഞൾ നാരങ്ങ വെള്ളം.

ക്ഷീണമകറ്റുന്നു

പലര്‍ക്കും എപ്പോഴും ക്ഷീണം അനുഭവപ്പെടുന്ന അവസ്ഥ ഉണ്ടാവും. എന്നാല്‍ അതിന് പരിഹാരം കാണാന്‍ സഹായിക്കുന്ന മാര്‍ഗ്ഗങ്ങളില്‍ പ്രധാനപ്പെട്ട ഒന്നാണ് മഞ്ഞളും നാരങ്ങ നീരും. ഇത് അമിതക്ഷീണത്തിന് പരിഹാരം നല്‍കുന്നു.

മൂത്രത്തിൽ കല്ല് ഇല്ലാതാക്കുന്നു

മൂത്രത്തില്‍ കല്ലെന്ന അവസ്ഥക്ക് പരിഹാരം കാണാന്‍ സഹായിക്കുന്ന ഒന്നാണ് മഞ്ഞൾ നാരങ്ങ വെള്ളം. ഇത് ദിവസവും കഴിക്കുന്നത് മൂത്രത്തില്‍ കല്ലിനെ പെട്ടെന്ന് അലിയിച്ച് കളയുന്നു.

അല്‍ഷിമേഴ്‌സിനെ പ്രതിരോധിക്കുന്നു 

അല്‍ഷിമേഴ്‌സിനെ പ്രതിരോധിയ്ക്കുന്നതിനും ഈ പാനീയം സഹായിക്കുന്നു. ഇത് തലച്ചോറിന്റെ ആരോഗ്യം വീണ്ടെടുക്കുകയും തലച്ചോറിനെ എപ്പോഴും ഫ്രഷ് ആയി നിലനിര്‍ത്തുകയും ചെയ്യും.

മഞ്ഞൾ - അല്‍ഷിമേഴ്‌സിനെ പ്രതിരോധിക്കുന്നു 

കരളിന്റെ ആരോഗ്യം സംരക്ഷിക്കുന്നു 

മഞ്ഞള്‍ കരളിന്റെ ആരോഗ്യത്തെ വളരെയധികം സഹായിക്കുന്നു. കരളില്‍ അടിഞ്ഞു കൂടുന്ന വിഷാംശങ്ങളെ പുറന്തള്ളാന്‍ മഞ്ഞളും നാരങ്ങയും ബെസ്റ്റാണ്.

മലബന്ധം ഇല്ലാതാക്കുന്നു

മലബന്ധം ആരോഗ്യത്തെ വളരെ പ്രതികൂലമായി ബാധിയ്ക്കുന്ന ഒന്നാണ്. അതുകൊണ്ട് തന്നെ വെറും വയറ്റില്‍ ഈ പാനീയം കഴിയ്ക്കുന്നത് എന്തുകൊണ്ടും സഹായിക്കും.

പിത്താശയക്കല്ലിനെ ഇല്ലാതാക്കുന്നു 

പിത്താശയത്തിലെ കല്ലും ആരോഗ്യത്തെ നശിപ്പിക്കുന്നു. ഇതിനെ അലിയിച്ച് കളയാന്‍ ഏറ്റവും പറ്റിയ മാര്‍ഗ്ഗമാണ് നാരങ്ങവെള്ളവും മഞ്ഞള്‍പ്പൊടിയും.

ദഹനസംബന്ധമായ പ്രശ്നങ്ങൾ ഇല്ലാതാക്കുന്നു 

ദഹനസംബന്ധമായ പ്രശ്‌നങ്ങള്‍ പലപ്പോഴും നമ്മുടെ ഉറക്കത്തേയും അതിലൂടെ ആരോഗ്യത്തേയും പ്രശ്‌നത്തിലാക്കും. അതുകൊണ്ട് തന്നെ ഈ പാനീയം ദഹനസംബന്ധമായ പ്രശ്‌നങ്ങള്‍ ഉണ്ടാക്കുന്നതില്‍ നിന്ന് ശരീരത്തെ സംരക്ഷിയ്ക്കുന്നു.

Related Topic ;

പാഷൻ ഫ്രൂട്ട് – വിറ്റാമിനുകളുടെ കലവറ

ജീരകവെള്ളം കുടിക്കുന്നതുകൊണ്ടുള്ള 7 ഗുണങ്ങള്‍

തലമുടി തഴച്ചു വളരാൻ മുടികൊഴിച്ചിൽ അകറ്റാൻ

കുട്ടികളുടെ കണ്ണുകൾ – പരിചരണവും സംരക്ഷണവും

കൂടുതൽ അറിയാൻ:  മലയാളം ആരോഗ്യ ടിപ്സ്

പാഷൻ ഫ്രൂട്ട് – വിറ്റാമിനുകളുടെ കലവറ

പാഷൻ ഫ്രൂട്ട്

പാഷൻ ഫ്രൂട്ട് – വിറ്റാമിനുകളുടെ കലവറ

പാഷൻ ഫ്രൂട്ട് ജ്യൂസിലുണ്ട് ആർക്കും അറിയാത്ത ഗുണങ്ങൾ. ഒരു വള്ളിച്ചെടിയായി വളരുന്നതും അണ്ഡാകാരത്തിലോ ഗോളാകൃതിയിലോ ഭക്ഷ്യയോഗ്യമായ ഫലമുണ്ടാകുന്ന ഒരു സസ്യമാണ് ഒരു വള്ളിച്ചെടിയായി വളരുന്നതും അണ്ഡാകാരത്തിലോ ഗോളാകൃതിയിലോ ഭക്ഷ്യയോഗ്യമായ ഫലമുണ്ടാകുന്ന ഒരു സസ്യമാണ് പാഷൻ ഫ്രൂട്ട്. പാഷന്‍ ഫ്രൂട്ട് വെറുതെ കഴിക്കുന്നതിലും ഗുണമാണ് ഇവ ജ്യൂസാക്കി കുടിക്കുന്നത്. രണ്ട് നിറത്തിലുളള പാഷന്‍ ഫ്രൂട്ടുണ്ട്, ചുവപ്പ്, മഞ്ഞ.  മഞ്ഞയാണ് ജ്യൂസുണ്ടാക്കാനായി കൂടുതലായി ഉപയോഗിക്കുന്നത്.

ചുവപ്പ് പാഷൻ ഫ്രൂട്ട്
ചുവപ്പ് പാഷൻ ഫ്രൂട്ട്
മഞ്ഞ പാഷൻ ഫ്രൂട്ട്
മഞ്ഞ പാഷൻ ഫ്രൂട്ട്

വീട്ടിലും നാട്ടിലും സുലഭമായി കിട്ടുന്ന ഒന്നാണ് പാഷൻ ഫ്രൂട്ട്. കാഴ്ചയിലെ ഭംഗി പോലെ തന്നെ ഉള്ളിലും ധാരാളം ഗുണങ്ങളുളള ഫലമാണ് ഫാഷൻഫ്രൂട്ട് അഥവാ പാഷൻഫ്രൂട്ട്. കാലാവസ്ഥാ ഭേദമില്ലാതെ തന്നെ ഭക്ഷ്യ യോഗ്യമാണ് ഇത്.

ഇതില്‍ വിറ്റാമിന്‍ സി, റിബോഫ്ലാവിന്‍, വിറ്റാമിന്‍ ബി 2, കോപ്പര്‍ എന്നീ ധാതുക്കള്‍ അടങ്ങിയിട്ടുണ്ട്. വിറ്റാമിന്‍ ബി 6, വിറ്റാമിന്‍ ബി 2, ഫോലേറ്റ്, കോളിന്‍ എന്നീ ധാതുക്കളാല്‍ സമൃദ്ധമാണ് പാഷന്‍ ഫ്രൂട്ട്. പാഷന്‍ ഫ്രൂട്ട് ജ്യൂസ് ശരീരത്തെ തണുപ്പിക്കുകയും വയറെരിച്ചില്‍ പോലുള്ള ആരോഗ്യ പ്രശ്നങ്ങൾക്ക് നല്ലൊരു ഒറ്റമൂലി കൂടിയായി പ്രവർത്തിക്കുന്നു.

മഞ്ഞ പാഷൻ ഫ്രൂട്ട് ജ്യൂസ്

ഇവയുടെ മറ്റ് ഗുണങ്ങള്‍ നോക്കാം.

  1. പാഷന്‍ ഫ്രൂട്ട് ശരീരത്തിലെ നാഡീ ഞരമ്പുകള്ക്ക് വിശ്രമം നല്‍കുന്നു.
  2. പ്രമേഹ രോഗികള്‍ക്ക് പാഷന്‍ ഫ്രൂട്ട് ജ്യൂസ് കുടിക്കുന്നത് നല്ലതാണ്. ഇവ രക്തത്തിലെ പഞ്ചസാരയുടെ അളവ് കുറയ്ക്കുവാന്‍ സഹായിക്കുന്നു.
  3. മലബന്ധ പ്രശ്നങ്ങള്‍ തടയാന്‍ സഹായിക്കും.
  4. ബീറ്റാ കരോട്ടിന്‍ അഥവാ പ്രോ വിറ്റാമിന്‍ എ ധാരാളം അടങ്ങിയിരിക്കുന്നതാണ് ഇളം മഞ്ഞ, കടും ചുവപ്പ് നിറങ്ങളിലുള്ള പാഷന്‍ ഫ്രൂട്ട്. ഈ ബീറ്റാ കരോട്ടിനുകള്‍ കരളിലെത്തുമ്പോള്‍ ആന്റി ഓക്സിഡന്റ് ആയി പ്രവർത്തിക്കുന്നു . ഇത് അർബുദം, ഹൃദയ സംബന്ധമായ അസുഖങ്ങള്‍ എന്നിവയെ ചെറുക്കുന്നു. കൂടാതെ ഉയർന്ന രക്ത സമ്മര്ദ്ദദത്തെ അതി ജീവിക്കാനും സഹായിക്കുന്നു.
  5. ബീറ്റാ കരോട്ടിനുകള്‍ എല്ലുകളുടെയും പല്ലുകളുടെയും വളർച്ചയ്ക്ക് സഹായിക്കുന്നു
  6. സന്ധിവാതം, വന്ധ്യത, വിഷാദം എന്നിവയെയും ചെറുക്കാന്‍ സഹായിക്കുന്നു.
  7. ശ്വാസ കോശ രോഗികൾക്കു് പാഷന്‍ ഫ്രൂട്ട് ജ്യൂസ് കുടിക്കുന്നത് നല്ലതാണ്.
  8. ആസ്ത്മ രോഗ ലക്ഷണങ്ങളെ ഒരു പരിധി വരെ തടയാന്‍ പാഷന്‍ ഫ്രൂട്ട് ജ്യൂസിന് കഴിയും.
  9. വിറ്റാമിന്‍ സി ധാരാളം ആയി അടങ്ങിയിരിക്കുന്നതിനാല്‍ പാഷന്‍ ഫ്രൂട്ട് ജ്യൂസ് ശരീരത്തില്‍ ഒരു ആന്റി ഓക്സിഡന്റ് ആയാണ് പ്രവര്ത്തി ക്കുന്നത്. ഇത് ശരീരത്തിന് പ്രതിരോധശേഷി വര്‍ദ്ധിപ്പിക്കുന്നു.

വിറ്റാമിനുകളുടെയും ധാതുക്കളുടെയും ഒരു നീണ്ട നിര തന്നെയാണ് ഈ എളിയ പഴം ശരീരത്തില്‍ എത്തിക്കുന്നത്.

പാഷൻ ഫ്രൂട്ട് തോട്ടം

രോഗ പ്രതിരോധശേഷി വര്‍ധിപ്പിക്കുന്നു

വിറ്റാമിന്‍ സിയും, കരോട്ടീനും, ക്രിപ്‌റ്റോസേന്തിനും അടങ്ങിയിരിക്കുന്നതിനാലാണ് പാഷന്‍ ഫ്രൂട്ട് രോഗപ്രതിരോധ ശേഷി വര്‍ധിപ്പിക്കുന്നത്. 100 ഗ്രാം പാഷന്‍ ഫ്രൂട്ടില്‍ 30 ഗ്രാം വിറ്റാമിന്‍ സിയുണ്ട്. വിറ്റാമിന്‍ സി ശ്വേത രക്താണുക്കളെ ഉത്തേജിപ്പിക്കുകയും അതുവഴി ചെറുതും വലുതുമായ അസുഖങ്ങളെ അകറ്റി നിര്‍ത്തുകയും ചെയ്യും. മാത്രവുമല്ല ആന്റിഓക്‌സിഡന്റ്‌സ് ധാരാളം അടങ്ങിയിരിക്കുന്നതിനാല്‍ ഫ്രീ റാഡിക്കല്‍സിനെതിരെ പ്രവര്‍ത്തിക്കുകയും പ്രായക്കൂടുതല്‍ തോന്നിക്കുന്നത് മുതല്‍ ക്യാന്‍സറും ഹൃദ് രോഗവും വരെയുള്ള പല അസുഖങ്ങളും ശരീരത്തെ ആക്രമിക്കുന്നത് തടയുകയും ചെയ്യുന്നു.ഇതിനൊക്കെ പുറമെ ശ്വാസകോശ സംബന്ധമായ രോഗങ്ങള്‍ക്കും ഈ ഫലം ഉപയോഗപ്രദമാണെന്ന് അടുത്തകാലത്തെ പഠനങ്ങള്‍ തെളിയിച്ചിട്ടുണ്ട്.

നേത്രാരോഗ്യത്തിന്

വിറ്റാമിന്‍ എ ധാരാളം അടങ്ങിയിരിക്കുന്നതിനാല്‍ ഈ ഫലം നേത്രാരോഗ്യത്തിന് അത്യുത്തമമാണ്. പേശികളുടെ ബലക്കുറവിനും നിശാന്തതയ്ക്കും വെള്ളെഴുത്തിനുമൊക്കെയുള്ള ചെറുത്തുനില്പിനായി ഈ കൊച്ചുപഴത്തെ ഭക്ഷണത്തില്‍ ഉള്‍പ്പെടുത്താവുന്നതാണ്.

സുന്ദരചര്‍മത്തിന്

വിറ്റമിന്‍ സിയുടെയും ആന്റിഓക്‌സിഡന്റ്‌സിന്റെയും ഈ കലവറ ചര്‍മത്തിന്റെ പ്രായം കുറയ്ക്കാനും അറിവുള്ളവര്‍ ഉപയോഗിക്കാറുണ്ട്. ചര്‍മത്തിന്റെ ചുളിവുകള്‍ കുറയ്ക്കുന്നതോടൊപ്പം തന്നെ, ആവശ്യത്തിന് ഈര്‍പ്പം നിലനിര്‍ത്തി തിളക്കം കൊടുക്കാനും പാഷന്‍ ഫ്രൂട്ട് സഹായകമാവുന്നു.

ദഹനം എളുപ്പമാക്കുന്നു

ദഹന പ്രക്രിയയെ എളുപ്പമാക്കുന്ന നാരുകള്‍ ധാരാളമായുണ്ട് പാഷന്‍ ഫ്രുട്ടില്‍. ഇത് ദഹനേന്ദ്രിയങ്ങളിലൂടെയുള്ള ഭക്ഷണത്തിന്റെ നീക്കം എളുപ്പമാക്കുന്നു. അതോടൊപ്പം തന്നെ ശോധനയുമായി ബന്ധപ്പെട്ടുള്ള പ്രശ്‌നങ്ങള്‍ക്ക് ഒരു പരിഹാരവുമാകുന്നു.

ഹൃദയത്തിന് ഉത്തമം

പാഷന്‍ ഫ്രൂട്ടിന് ഹൈ ബ്ലഡ് പ്രഷര്‍ കുറയ്ക്കാനുള്ള ശേഷിയുണ്ടെന്നതു പലര്‍ക്കും ഒരു പുതിയ അറിവായിരിക്കും. പൊട്ടാസിയം അടങ്ങിയിരിക്കുന്നതിനാലാണിത്. പൊട്ടാസിയം രക്തധമനികള്‍ക്ക് റിലാക്‌സേഷന്‍ നല്‍കുകയും അതുവഴി രക്തത്തിന്റെ ഒഴുക്ക് സുഗമമാക്കുകയും ചെയ്യുന്നു. ഇത് ഹൃദയത്തിന്റെ സമ്മര്‍ദ്ദം കുറയ്ക്കുകയും ആരോഗ്യം കൂട്ടുകയും ചെയ്യുന്നു.

Related Topic ;

തലമുടി തഴച്ചു വളരാൻ മുടികൊഴിച്ചിൽ അകറ്റാൻ

താരൻ ഇല്ലാതാക്കാൻ

മുടികൊഴിച്ചിൽ

ചെറുപയർ ഒരുപിടി

വിളർച്ച

കൂടുതൽ അറിയാൻ: മലയാളം ആരോഗ്യ ടിപ്സ്

ജീരകവെള്ളം കുടിക്കുന്നതു കൊണ്ടുള്ള 7 ഗുണങ്ങള്‍

ജീരകവെള്ളം

ജീരകവെള്ളം കുടിക്കുന്നതുകൊണ്ടുള്ള 7 ഗുണങ്ങള്‍

ജീരകവെള്ളം തിളപ്പിച്ചാറ്റി കുടിക്കുക എന്നത് നമ്മുടെ വീടുകളില്‍ പണ്ടുകാലം മുതല്‍ക്കേ ഉള്ള ശീലമായിരുന്നു . ദാഹശമനിയായും കുടിക്കാനുമായി നല്‍കിയിരുന്നത് ഈ വെള്ളമാണ്.

എന്നാല്‍ കാലക്രമേണ ജീരക വെള്ളം ഉപയോഗിക്കുന്നത് കുറഞ്ഞുവന്നു. പതിമുഖം ഉള്‍പ്പടെയുള്ള വിവിധ ബ്രാന്‍ഡുകളിലുള്ള ദഹശമിനികള്‍ ഇപ്പോള്‍ വിപണിയില്‍ വ്യാപകമാണ്. എന്നാല്‍ ജീരകവെള്ളത്തിന്റെ ഗുണം മറ്റൊന്നിനുമില്ല. ഇവിടെയിതാ, ജീരക വെള്ളം കുടിക്കുന്നതുകൊണ്ടുള്ള 7 ഗുണങ്ങള്‍ എന്തൊക്കെയാണെന്ന് നോക്കാം.

1. ദഹനപ്രശ്‌നത്തിന് ഉത്തമപരിഹാരം

ജീരകവെള്ളം കുടിക്കുന്നതുകൊണ്ടുള്ള 7 ഗുണങ്ങള്‍

ഭക്ഷണത്തിനൊപ്പം ജീരകവെളളം കുടിക്കുന്നത് ദഹനം അനായാസമാക്കും. ദഹനപ്രശ്‌നമുള്ളവരും ഇടയ്‌ക്കിടെ ജീരക വെള്ളം കുടിക്കുന്നത് ഏറെ ഉത്തമമാണ്.

2. നിര്‍ജ്ജലീകരണം

ശരീരത്തില്‍ ആവശ്യത്തിന് ജലം ഇല്ലാത്ത അവസ്ഥയ്‌ക്ക് ഇടയ്‌ക്കിടെ ജീരക വെള്ളം കുടിക്കുന്നതിലൂടം പരിഹാരം കണ്ടെത്താം.

3. പ്രതിരോധശേഷി വര്‍ദ്ധിപ്പിക്കാം

ജീരകത്തില്‍ പൊട്ടാസ്യം, ഇരുമ്പ് തുടങ്ങിയ ധാതുക്കള്‍ ധാരാളമായി അടങ്ങിയിട്ടുണ്ട്. ദിവസവും ജീരകവെള്ളം ശീലമാക്കുന്നത് ശരീരത്തിന്റെ പ്രതിരോധശേഷി വര്‍ദ്ധിപ്പിക്കാന്‍ സഹായിക്കും.

4. വിളര്‍ച്ച

ഇരുമ്പിന്റെ കുറവ് മൂലമാണ് വിളര്‍ച്ച ഉണ്ടാകുന്നത്. ഈ പ്രശ്‌നത്തിന് ഒരളവ് വരെ പരിഹാരം കാണാന്‍ ജീരകവെള്ളത്തിന് സാധിക്കും.

5. രക്തസമ്മര്‍ദ്ദം നിയന്ത്രിക്കാം

ജീരകത്തില്‍ ധാരാളമായി പൊട്ടാസ്യം അടങ്ങിയിട്ടുണ്ടെന്ന് പറഞ്ഞുവല്ലോ, ഈ പൊട്ടാസ്യം ശരീരത്തിലെ ഇലക്ട്രോലൈറ്റ തുലനം നിലനിര്‍ത്താനും രക്തസമ്മര്‍ദ്ദം നിയന്ത്രിക്കാനും സഹായിക്കും.

6. ശരീരഭാരം കുറയ്‌ക്കാന്‍ സഹായിക്കും

ജീരകം ഇട്ടു തിളപ്പിക്കുന്ന വെള്ളം ശീലമാക്കുന്നത് ശരീരഭാരവും വണ്ണവും കുറയ്‌ക്കാന്‍ ആഗ്രഹിക്കുന്നവര്‍ക്ക് ഏറെ നല്ലതാണ്. ജീരകത്തില്‍ ധാരാളം നാരുകള്‍ അടങ്ങിയിട്ടുണ്ട്. ഈ നാരുകള്‍ ശരീരത്തില്‍ കൊഴുപ്പ് അടിയുന്നത് ചെറുക്കുന്നുയ

7. ചര്‍മ്മസംരക്ഷണത്തിന്

ജീരകത്തില്‍ അടങ്ങിയിട്ടുള്ള ആന്റി ഓക്‌സിഡന്റുകള്‍ ചര്‍മ്മത്തിന്റെ സംരക്ഷണത്തിന് ഏറെ ഉത്തമമാണ്. മുഖക്കുരു, കറുത്തപാടുകള്‍,കരുവാളിപ്പ് എന്നിവ ഒഴിവാക്കി ചര്‍മ്മം മൃദുലവും മിനുസവുമുള്ളതാക്കി മാറ്റാന്‍ ജീരകവെള്ളം കുടി സഹായിക്കും.

മലയാളം ആരോഗ്യ ടിപ്സ്

Related Topic ;

മുരിങ്ങയില – കുട്ടികളുടെ ഭക്ഷണത്തിൽ

ശാഠ്യക്കാരായ കുട്ടികളെ നിയന്ത്രിക്കാം!

രാത്രിയിൽ കുഞ്ഞുങ്ങൾ നന്നായി ഉറങ്ങാൻ – 5 ടിപ്സ്

കൂടുതൽ അറിയാൻ: മലയാളം ആരോഗ്യ ടിപ്സ്

തലമുടി തഴച്ചു വളരാൻ മുടികൊഴിച്ചിൽ അകറ്റാൻ

തലമുടി തഴച്ചു വളരാൻ

തലമുടി തഴച്ചു വളരാൻ മുടികൊഴിച്ചിൽ അകറ്റാൻ

തലമുടി തഴച്ചു വളരാൻ എല്ലാവരും ഇന്ന് മാർഗ്ഗങ്ങൾ തേടുകയാണ്. അതുപോലെ തന്നെ മുടി കൊഴിച്ചിലും എല്ലാവർക്കുമുള്ള ഒരുവലിയ പ്രശനം തന്നെ!
കേശസംരക്ഷണകാര്യത്തില്‍ പലരെയും അലട്ടുന്ന പ്രശ്‌നമാണ് മുടികൊഴിച്ചില്‍. മുടികൊഴിച്ചിൽ പലതരത്തിലും ഉണ്ടാവാം. സമ്മർദ്ദങ്ങൾ മൂലവും ആഹാരത്തിന്റെ പ്രശ്നങ്ങൾ മൂലവും വിറ്റമിന്സിന്റെ കുറവു കൊണ്ടുമൊക്കെ ഇന്ന് മുടികൊഴിച്ചിൽ കൂടി വരുന്നു. മുടികൊഴിച്ചില്‍ അകറ്റി തലമുടി തഴച്ചു വളരാൻ സഹായിക്കുന്ന പാര്‍ശ്വ ഫലമൊന്നുമില്ലാത്ത പ്രകൃതിദത്ത മാര്‍ഗ്ഗങ്ങളെക്കുറിച്ച്‌ അറിയൂ…

ആര്യവേപ്പില:

ആര്യവേപ്പില തലമുടി തഴച്ചു വളരാൻ

ആര്യവേപ്പില ഒരു പിടി വെള്ളത്തിലിട്ട് തിളപ്പിക്കുക. ഇത് തണുത്തശേഷം, കുളി കഴിഞ്ഞ് അവസാനം ഈ വെള്ളം കൊണ്ട് തല കഴുകുക. പിന്നെ വേറെ വെള്ളം ഒഴിക്കരുത്. ഇത് മുടി വളരാന്‍ സഹായിക്കും. ആര്യവേപ്പില അരച്ച്‌ തലയില്‍ പുരട്ടുന്നതും നല്ലതാണ്. താരനുള്ള നല്ലൊരു പ്രതിവിധി കൂടിയാണ് ആര്യവേപ്പില.

അശ്വഗന്ധ പൗഡര്‍, നെല്ലിക്കാപ്പൊടി:

അശ്വഗന്ധ പൗഡര്‍, നെല്ലിക്കാപ്പൊടി തലമുടി തഴച്ചു വളരാൻ

അശ്വഗന്ധയ്ക്ക് നിരവധി ഗുണങ്ങളുമുണ്ട്.
ഇതിലൊന്നാണ് തലമുടി വളര്‍ച്ചയെ ത്വരിതപ്പെടുത്തുക എന്നത്. തുല്യ അളവില്‍ അശ്വഗന്ധ പൗഡര്‍, നെല്ലിക്കാപ്പൊടി എന്നിവയെടുത്ത് വെള്ളത്തില്‍ കലക്കി തലയില്‍ തേയ്ക്കുക. അര മണിക്കൂര്‍ കഴിയുമ്ബോള്‍ കഴുകി കളയുക. ഇത് മുടികൊഴിച്ചില്‍ അകറ്റി, തലമുടി വളര്‍ച്ചയെ ത്വരിതപ്പെടുത്തുന്നു.

ഉലുവ:

ഉലുവ തലമുടി തഴച്ചു വളരാൻ

ഉലുവ വറുത്ത് പൊടിക്കുക. ഇത് വെള്ളത്തില്‍ കലക്കി മുടിയില്‍ തേച്ച്‌ പിടിപ്പിക്കുക. മുടി വളരാന്‍ ഇത് ഏറെ നല്ലതാണ്. ഉലുവ വെള്ളത്തിലിട്ട് കുതിര്‍ത്തി തേയ്ക്കുന്നതും തൈരില്‍ കലക്കി തേയ്ക്കുന്നതുമെല്ലാം തലമുടിയുടെ വളര്‍ച്ചയെ സഹായിക്കും.

കറ്റാര്‍വാഴ ജെല്‍:

കറ്റാര്‍വാഴ ജെല്‍ തലമുടി തഴച്ചു വളരാൻ

അരകപ്പ് കറ്റാര്‍വാഴ ജെല്‍, മൂന്ന് ടേബിള്‍സ്പൂണ്‍ വെളിച്ചെണ്ണ, രണ്ട് ടേബിള്‍സ്പൂണ്‍ തേന്‍ എന്നിവ കലര്‍ത്തി മുടിയില്‍ തേയ്ക്കുക. ഇത് മുടിയില്‍ തേച്ചു പിടിപ്പിച്ച്‌ അര മണിക്കൂര്‍ കഴിയുമ്ബോള്‍ കഴുകി കളയുക. ഇത് മുടി വളരാന്‍ ഏറെ ഫലപ്രദമാണ്

തലമുടിയുടെ വളര്‍ച്ച ഇരട്ടിയാക്കാന്‍…

ആരോഗ്യവും തിളക്കുമാര്‍ന്ന തലമുടി ആഗ്രഹിക്കാത്തവരുണ്ടാകില്ല. എന്നാല്‍, ഇത് പലര്‍ക്കും പലപ്പോഴും വെറും സ്വപ്‌നം മാത്രമായി മാറാറുണ്ട്. കാരണം മുടി വളര്‍ച്ച പാരമ്പര്യം തുടങ്ങിയ പല ഘടകങ്ങളേയും ആശ്രയിച്ചിരിക്കുന്നു. എന്ന് കരുതി വിഷമിക്കാന്‍ വരട്ടെ, ചില നാടന്‍ പ്രയോഗങ്ങളുണ്ട്, തലമുടി വളര്‍ച്ച ഇരട്ടിയാക്കുന്നത്.

ഉലുവ ഇത്തരത്തിലൊന്നാണ്. ഉലുവ കൊണ്ടുള്ള ചില കൂട്ടുകളെക്കുറിച്ചറിയൂ… തലമുടി ഇരട്ടിയായി വളരാന്‍ ഇവയൊന്ന് പരീക്ഷിച്ച്‌ നോക്കൂ….

  • ഉലുവ കുതിര്‍ത്തിയരച്ചതും ചെറുനാരങ്ങാനീരും ചേര്‍ത്ത് തലമുടിയില്‍ തേച്ച്‌ പിടിപ്പിക്കുക. ഉണങ്ങുമ്ബോള്‍ കഴുകിക്കാളയാം. ഒരു ടേബിള്‍ സ്പൂണ്‍ ചെറുനാരങ്ങാനീര് മതിയാകും. മുടി വളരാന്‍ മാത്രമല്ല, താരനും പരിഹാരമാണ്.
  • ഉലുവ കുതിര്‍ത്തിയരച്ച്‌ തൈരില്‍ കലര്‍ത്തി മുടിയില്‍ തേച്ച്‌ പിടിപ്പിക്കാം. ഉണങ്ങുമ്പോൾ കഴുകാം. തലമുടി തഴച്ചു വളരാൻ ഇത് സഹായിക്കും.മാത്രവുമല്ല മുടിക്ക് തിളക്കവും ലഭിക്കും.
  • ഉലുവ അരച്ചതില്‍ നെല്ലിക്കപ്പൊടിയും ചെറുനാരങ്ങാനീരും ചേര്‍ത്ത് മുടിയില്‍ തേയ്ക്കാം. മുടി വളരാന്‍ മാത്രമല്ല, മുടിക്കു തിളക്കവും കറുപ്പും ലഭിക്കും.
  • ഉലുവ അരച്ചതും പാലും ചേര്‍ത്ത് മുടിയില്‍ പുരട്ടുന്നതും മുടി നല്ല ഉള്ളില്‍ വളരാന്‍ സഹായിക്കും.
  • ഉലുവ അരച്ചതില്‍ മുട്ടവെള്ള ചേര്‍ത്ത് തലയില്‍ തേച്ചു പിടിപ്പിക്കുന്നത് ഏറെ നല്‌ളതാണ്. മുടിക്ക് ചേര്‍ന്ന നല്ലൊരു കണ്ടീഷണര്‍ കൂടിയാണ്.

കടപ്പാട് : കലാകൗമദി

മലയാളം ആരോഗ്യ ടിപ്സ്

Related Topic ;

താരൻ ഇല്ലാതാക്കാൻ

മുടികൊഴിച്ചിൽ

ചെറുപയർ ഒരുപിടി

പാഷൻ ഫ്രൂട്ട് – ഗുണങ്ങൾ 

കൂടുതൽ അറിയാൻ: മലയാളം ആരോഗ്യ ടിപ്സ്

സപ്പോട്ട – ഇതിനു ഇത്രയേറെ ഗുണങ്ങളോ

സപ്പോട്ട - ഇതിനു ഇത്രയേറെ ഗുണങ്ങളോ

സപ്പോട്ട – ഇതിനു ഇത്രയേറെ ഗുണങ്ങളോ

സപ്പോട്ട അഥവാ ചിക്കൂ എന്ന ഓമനപ്പേരിലറിയപ്പെടുന്ന ഈ ഫലം മിക്കവരുടെയും വീടുകളിൽ ഉണ്ടാവും. എന്നാൽ ഇതിന്റെ ഗുണഗണങ്ങൾ അറിയാവുന്നവർ വളരെ ചുരുക്കവും ആയിരിക്കും.

സപ്പോട്ടയ്ക്കയുടെ ഗുണങ്ങൾ 

1. ഊര്‍ജ്ജദായകം. ശരീരത്തിന് ഊര്‍ജ്ജം നല്‍കുന്ന ഗ്ലൂക്കോസിന്‍റെ അംശം കൂടുതലായ അടങ്ങിയ പഴമാണ് ഇത്.

2. അണുബാധയും വീക്കങ്ങളും തടയാന്‍ കഴിവുള്ള ഔഷധമായ ടാനിന്‍ അടങ്ങിയ പഴമാണ് സപ്പോട്ടയ്ക്ക. ശരീരത്തിനകത്ത് ദഹനപ്രക്രിയ എളുപ്പമാക്കുക വഴി ആമാശയത്തിലേയും അന്നനാളത്തിലേയും ചെറുകുടലിലേയും വീക്കങ്ങളും മറ്റ് അസ്വസ്ഥതകളും മാറ്റാന്‍ സഹായിക്കുന്നു.

3. കാന്‍സറിനെ തടയാം. ആന്‍റി ഓക്സിഡന്‍റുകളും ഫൈബറും പോഷകങ്ങളുമെല്ലാം കാന്‍സറിനെ പ്രതിരോധിക്കുന്നതാണ്. ശ്വസകോശത്തിലേയും മോണയിലേയും കാന്‍സറിനെ തടുക്കാന്‍ വൈറ്റമിന്‍ എയ്ക്ക് കഴിയും . വൈറ്റമിന്‍ എ, വൈറ്റമിന്‍ ബി എന്നിവ ചര്‍മ്മ സംരക്ഷണത്തിനും നല്ലതാണ്.

സപ്പോട്ട - ഇതിനു ഇത്രയേറെ ഗുണങ്ങളോ

4. ആരോഗ്യമുള്ള എല്ലുകള്‍ക്ക്. കാല്‍സ്യം ,ഫോസ്ഫറസ് , അയേണ്‍ എന്നിവ എല്ലുകളുടെ ആരോഗ്യത്തിന് അത്യാവശ്യമായ ഘടകങ്ങളാണ്. സപ്പോട്ടയില്‍ ഇവ മൂന്നും അടങ്ങിയതുകൊണ്ട് തന്നെ

5. മലബന്ധം ഇല്ലാതാക്കും. സപ്പോട്ടയില്‍ വളരെ വലിയ അളവില്‍ ഫൈബര്‍ അടങ്ങിയിട്ടുണ്ട്. ഇത് കാരണം സപ്പോട്ട നല്ലൊരു വളറിളക്ക മരുന്ന് കൂടിയാണ്. ഇത് വന്‍കുടലിന്‍റെ ആവരണത്തിന് ബലം നല്‍കുകയും അതുവഴി അണുബാധ തടയുകയും ചെയ്യുന്നു.

6. ഗര്‍ഭിണികള്‍ക്ക് നല്ലത്. കാര്‍ബോ ഹൈഡ്രേറ്റുകളും,പോഷകങ്ങളും അടങ്ങിയതുകൊണ്ട് തന്നെ ഗര്‍ഭിണികള്‍ക്കും മുലയൂട്ടുന്ന അമ്മമാര്‍ക്കും സപ്പോട്ടയ്ക്ക നല്ല ഭക്ഷണമാണ്. ഗര്‍ഭകാലത്തെ തളര്‍ച്ചയും ക്ഷീണവും ഇല്ലാതാക്കാൻ സഹായിക്കുന്നു.

7. മൂലക്കുരു, വലിയ മുറിവുകള്‍ തുടങ്ങിയവ വഴി നിലയ്ക്കാത്ത രക്തപ്രവാഹമുണ്ടായാല്‍ അത് നിയന്ത്രിക്കാന്‍ സപ്പോട്ടയ്ക്ക കഴിച്ചാല്‍ മതി. ഇതിലെ ചില ഘടകങ്ങള്‍ രക്തധമനിയുമായി പ്രതിപ്രവര്‍ത്തിച്ച് രക്തപ്രവാഹം നിയന്ത്രിക്കും. പ്രാണികളുടെയോ മറ്റോ കടിയേറ്റാല്‍ ആ ഭാഗത്ത് സപ്പോട്ടയുടെ കുരു അരച്ച് തേക്കുന്നതും നല്ലതാണ്.

സപ്പോട്ട - ഇതിനു ഇത്രയേറെ ഗുണങ്ങളോ

8. വൈറസനേയും ബാക്ടീരിയയേയും തുരത്തുന്നു. പോളിഫീനോളിക്ക് ആന്‍റി ഓക്സിഡന്‍റുകളുടെ സാന്നിധ്യമുള്ളതിനാല്‍ വൈറസിനേയും ബാകടീരിയകളേയും പാരസൈറ്റുകളേയും തുരത്താന്‍ സപ്പോട്ടയ്ക്ക് പ്രത്യേക കഴിവുണ്ട്. ഈ ആന്‍റി ഓക്സിഡന്‍റുകള്‍ ബാക്ടീരിയകള്‍ ശരീരത്തില്‍ പ്രവേശിക്കുന്നത് തടയുന്നു. ശരീരത്തിന് ദോഷകരമായ ഫ്രീ റാഡിക്കലുകളെ വൈറ്റമിന്‍ സി നശിപ്പിക്കുന്നു.

9. വയറിളക്കത്തിനുള്ള മരുന്ന്. സപ്പോട്ടയ്ക്ക വെള്ളത്തിലിട്ട് തിളപ്പിച്ച കഷായം വയറിളക്കത്തിനുള്ള മരുന്നായി ഉപൈല്‍സ് ,വയറുകടി തുടങ്ങീ രോഗങ്ങള്‍ക്കും ഇത്.

10. മാനസികാരോഗ്യത്തിന്. ഉറക്കമില്ലായ്മ,വിഷാദം,ഉത്കണ്ഠ തുടങ്ങി അസുഖമുള്ളവരില്‍ ഉറക്കമരുന്നായി സപ്പോട്ടയ്ക്ക ഗുണം ചെയ്യും. ശക്തിയേറിയ ഉറക്കമരുന്ന് കൂടിയായ സപ്പോട്ട ഞരമ്പുകളെ ശാന്തമാക്കാനും പിരിമുറുക്കം കുറയ്ക്കാനും സഹായിക്കും.

11. ജലദോഷവും കഫക്കെട്ടും നിയന്ത്രിക്കുന്നു. നാസാരന്ധ്രങ്ങളിലേയും ശ്വാസകോശഭിത്തിയിലേയും ശ്ലേഷ്മത്തെ പുറന്തള്ളി ജലദോഷവും കഫക്കെട്ടും നിയന്ത്രിക്കാന്‍ സപ്പോട്ടയ്ക്ക കഴിവുണ്ട്.

12. ശരീരഭാരം കുറയ്ക്കാം. വയറിനകത്ത് ഗ്രന്ഥികളുടെ പ്രവര്‍ത്തനത്തെ നിയന്ത്രിക്കുക വഴി ജീവല്‍പ്രവര്‍ത്തനങ്ങള്‍ നിയന്ത്രണത്തിലാക്കി അമിതഭാരം കുറയ്ക്കാന്‍ സപ്പോട്ട സഹായിക്കുന്നു.

13. വിഷാംശം കളയുന്നു. ശരീരത്തില്‍ മൂത്രത്തിന്‍റെ അളവ് കൂട്ടുക വഴി ശരീരത്തിലെ വിഷാംശങ്ങള്‍ മൂത്രം വഴി പുറന്തള്ളാനും സപ്പോട്ട സഹായിക്കുന്നു. അതേസമയം ശരീരത്തില്‍ വെള്ളത്തിന്‍റെ തോത് നിലനിര്‍ത്തുക വഴി നീര്‍ക്കെട്ടുകള്‍ തടയാനും സപ്പോട്ട നല്ലതാണ്.

14. മൂത്രക്കല്ല്‌. മൂത്രക്കല്ലു പോലുള്ള രോഗങ്ങള്‍ തടയാനും സപ്പോട്ട നല്ലതാണ്. ഇത് വൃക്കയുടെ ആരോഗ്യം കാക്കുന്നതു തന്നെയാണ് കാരണം.

സപ്പോട്ട - ഇതിനു ഇത്രയേറെ ഗുണങ്ങളോ

15. പല്ലുരോഗങ്ങള്‍ക്ക്. കേടുപാടുകള്‍ പറ്റിയ പല്ലടയ്ക്കാന്‍ സപ്പോട്ടയിലെ ലാറ്റെക്സ് ഘടകം ഉപയോഗിക്കാം.

16. തിളക്കമുള്ള ചര്‍മ്മത്തിന് സപ്പോട്ടയിലടങ്ങിയ വൈറ്റമിന്‍ ഇ ചര്‍മ്മത്തിന് നനവും തിളക്കവും കൂട്ടാന്‍ വളരെ നല്ലതാണ്. സപ്പോട്ട കഴിച്ചാല്‍ ആരോഗ്യവും സൌന്ദര്യവുമുള്ള ചര്‍മ്മം സ്വന്തമാക്കാം.

17. മിനുസമുള്ള മുടിയ്ക്ക്. സപ്പോട്ടയുടെ കുരുവില്‍ നിന്നും വേര്‍തിരിച്ചെടുക്കുന്ന എണ്ണ മുടിയ്ക്ക് ഈര്‍പ്പവും മിനുസവും കൂട്ടാന്‍ നല്ലതാണ്. ചുരുണ്ടമുടിയിഴകള്‍ക്ക് തിളക്കം കൂട്ടാന്‍ ഈ എണ്ണ വളരെ നല്ലതാണ്. ഒട്ടിപ്പടിക്കുന്ന അവശിഷ്ടം ഇല്ലാതെ മുടിയ്ക്ക ഇത് മുഴുവനായി ആഗിരണം ചെയ്യാന്‍ കഴിയും.

18. മുടി കൊഴിച്ചില്‍ തടയുന്നു. മുടിയ്ക്ക് അഴക് മാത്രമല്ല ആരോഗ്യവും നല്‍കാന്‍ സപ്പോട്ടയ്ക്ക് കഴിവുണ്ട. സപ്പോട്ട പഴത്തിന്‍റെ കുരുവില്‍ നിന്നും ഉണ്ടാക്കുന്ന എണ്ണ മുടി കൊഴിച്ചില്‍ മാറ്റാന്‍ വളരെ നല്ലതാണ്. ഇത് തലയോട്ടിയിലെ ചര്‍മ്മത്തിന്‍റെ വരള്‍ച്ച ഇല്ലാതാക്കി മുടി തഴച്ചു വളരാന്‍ സഹായിക്കുന്നു. തലയോട്ടിയിലെ ചര്‍മ്മവീക്കം കാരണമുണ്ടാകുന്ന മുടി കൊഴിച്ചില്‍ തടയാന്‍ ഈ എണ്ണ ഉപയോഗിക്കാറുണ്ട്.

19. താരന്‍ കുറയും. സപ്പോട്ടയുടെ കുരു ആവണക്കെണ്ണയുമായി ചേര്‍ത്തരച്ച് തലയോട്ടിയില്‍ തേച്ച് ഒരു രാത്രി മുഴുവന്‍ പിടപ്പിച്ച് പിറ്റേന്ന് കഴുകിക്കളഞ്ഞാല്‍ താരന്‍ കുറയും. ഇത് കൂടാതെ മുടി മിനുസമുള്ളതാവുകയും ചെയ്യും.

20. ചുളിവുകളില്ലാതാക്കാം. പ്രായം കാരണം ശരീരത്തിലുണ്ടാകുന്ന ചുളിവുകളകറ്റാന്‍ സപ്പോട്ട കഴിക്കുന്നത് വളരെ നല്ലതാണ്. ശരീരത്തിനകത്ത് രൂപപ്പെടുന്ന ഫ്രീ റാഡിക്കലുകള്‍ പ്രായം കൂടുംതോറും തൊലിയില്‍ ചുളിവുകളുണ്ടാക്കുന്നു. സപ്പോട്ട ഈ ഫ്രീറാഡിക്കലുകളെ തുരത്തി ആന്‍റി ഓക്സിഡന്‍റായി പ്രവര്‍ത്തിക്കുന്നു.

സപ്പോട്ട - ഇതിനു ഇത്രയേറെ ഗുണങ്ങളോ

21. ചര്‍മ്മലേപനം. സപ്പോട്ടയുടെ കുരുവില്‍ നിന്നുണ്ടാക്കുന്ന എണ്ണ ചര്‍മ്മലേപനമായും ഉപയോഗിക്കാം. എണ്ണ വേര്‍തിരിച്ചെടുത്തതിനുശേഷമുണ്ടാകുന്ന കുരുവിന്‍റെ അവശിഷ്ടം ചര്‍മ്മത്തിലുണ്ടാകുന്ന മുറിവുകളിലും ചൊറിച്ചിലിനും പുരട്ടാവുന്നതാണ്.

22. ഫംഗസ് ബാധ തടയുന്നു. സപ്പോട്ടമരത്തിലുള്ള പാല്‍പോലുള്ള കറ ചര്‍മ്മത്തിലുണ്ടാകുന്ന അരിമ്പാറയും ഫംഗസ് ബാധയും തടയാന്‍ വളരെ നല്ലതാണ്.

മലയാളം ആരോഗ്യ ടിപ്സ്

Related Topic ;

ജീരകവെള്ളം കുടിക്കുന്നതുകൊണ്ടുള്ള 7 ഗുണങ്ങള്‍

പാഷൻ ഫ്രൂട്ട്

അലർജി – കുട്ടികളിലെ അലർജി

കൂടുതൽ അറിയാൻ: മലയാളം ആരോഗ്യ ടിപ്സ്