പേരയ്ക്ക – പേരക്കയുടെ ഗുണങ്ങള്
പേരയ്ക്ക അനേകം പോഷക ഗുണമുള്ള ഒരു പഴവർഗ്ഗമാണ്
പേരയ്ക്ക; വേനല്‍ക്കാല ഭക്ഷണങ്ങളില്‍ എന്നും ഒരു പടി മുന്നില്‍ നില്‍ക്കുന്ന പഴമാണിത്. നാട്ടിന്‍ പുറങ്ങളില്‍ ഇതിനെ അടയ്ക്കാപഴം എന്നും പറയാറുണ്ട്. ആരോഗ്യത്തോടൊപ്പം തന്നെ സൗന്ദര്യവും എന്നതാണ് പേരയ്ക്കയുടെ ഹൈലൈറ്റ് എന്ന് തീര്‍ത്തു പറയാം. ഓരോ ദിവസം കഴിയുന്തോറും സൂര്യന്റെ ശക്തി കൂടിക്കൂടി വരുന്ന കാഴ്ചയാണ് നമ്മള്‍ കാണുന്നത്. ഈ സമയത്ത് തന്നെയാണ് ഭക്ഷണത്തിനും ആരോഗ്യത്തിനും നമ്മള്‍ പ്രാധാന്യം കൊടുക്കേണ്ടതും. അങ്ങനെ യാതൊരു വിധത്തിലുള്ള നിയന്ത്രണവുമില്ലാതെ കഴിയ്ക്കാനാവുന്നതാണ് പേരയ്ക്കാ.
വേനല്‍ക്കാലത്ത് കഴിയ്ക്കുന്നതു കൊണ്ടുള്ള നേട്ടങ്ങള്‍:
- മഞ്ഞപ്പിത്തവും അതുപോലുള്ള ഗുരുതരമായ രോഗങ്ങളും ഏറ്റവും കൂടുതല്‍ പടര്‍ന്നു പിടിയ്ക്കുന്ന കാലമാണ് ഇത്. നമ്മുടെ രോഗപ്രതിരോധ ശേഷി കുറയുകയും ചെയയ്ുന്ന കാലം. എന്നാല്‍ ദിവസവും ഓരോ പേരയ്ക്കയെങ്കിലും കഴിച്ചു നോക്കൂ. രോഗപ്രതിരോധ ശേഷി വര്‍ദ്ധിക്കുന്നതിനും ആരോഗ്യത്തിനും സഹായിക്കുന്നു.
- വേനല്‍ക്കാലമായതു കൊണ്ടു തന്നെ നിര്‍ജ്ജലീകരണം ഇല്ലാതാക്കാനാണ് നമ്മള്‍ ശ്രമിക്കേണ്ടത്. മരണത്തിനു വരെ കാരണമാകുന്ന രീതിയില്‍ നിര്‍ജ്ജലീകരണം പ്രശ്‌നമാണ്. ഇതൊഴിവാക്കാന്‍ പേരയ്ക്കജ്യൂസ് സഹായിക്കുന്നു.
- തടി കുറയ്ക്കുന്നതിനും പേരയ്ക്ക നല്ലതാണ്. ദഹനം എളുപ്പമാക്കുന്നതിലൂടെ നമ്മുടെ ഭക്ഷണത്തോടുള്ള ആര്‍ത്തി കുറയ്ക്കാനും ഇത് സഹായിക്കുന്നു. വിറ്റാമിന്, ഫൈബര്‍ എന്നിവ മെറ്റബോളിസത്തേയും ഉയര്‍ത്തുന്നു.
- കാഴ്ച ശക്തി വര്‍ദ്ധിപ്പിക്കുന്ന കാര്യത്തില്‍ പേരയ്ക്കാ മുന്നില്‍ തന്നെയാണ്. കാരറ്റില്‍ ഉള്ളതിനേക്കാള്‍ കൂടുതലായാണ് വിറ്റാമിന് എ പേരയ്ക്കയിലുള്ളത്. ഇത് കാഴ്ചസംബന്ധമായ എല്ലാ പ്രശ്‌നങ്ങളേയും ഇല്ലാതാക്കുന്നു.
- കുട്ടികള്‍ക്ക് പേര കൊടുക്കുന്നത് വളരെ നല്ലതാണ്. പ്രത്യേകിച്ച് വേനല്‍ക്കാലങ്ങളില്‍ മലബന്ധം പോലുള്ള പ്രശ്‌നങ്ങളെ ഇല്ലാതാക്കാന്‍ പേരയ്ക്ക സഹായിക്കുന്നു.
- രക്തസമ്മര്‍ദ്ദം ജീവിത ശൈലീ രോഗങ്ങളില്‍ മുന്നില്‍ നില്‍ക്കുന്നതാണ്. ഇതിനെ കുറയ്ക്കാനുും നിയന്ത്രിക്കാനും പേര കഴിയ്ക്കുന്നതിലൂടെ കഴിയുന്നു.
- പ്രമേഹത്തിനെ നിയന്ത്രിക്കാനും പേരയ്ക്ക കഴിയ്ക്കുന്നതിലൂടെ കഴിയുന്നു. ഗ്ലൈസാമിക് ആണ് പ്രമേഹത്തെ തടയുന്നത്.
- ഹൃദയത്തെ സംരക്ഷിക്കുന്ന കാര്യത്തിലും പേര തന്നെ മുന്നില്‍. ഇതിലെ പൊട്ടാസ്യം ശരീരത്തിന്റെ ബാലന്‍സ് നിലനിര്‍ത്തുന്നു. ഇത് ഹൈപ്പര്‍ടെന്‍ഷനെ കുറയ്ക്കുന്നു.
- ചര്‍മ്മ സംരക്ഷണത്തിന്റെ കാര്യത്തിലും പേരയ്ക്കാ തന്നെ മുന്നില്‍. വിറ്റാമിന് എ, സി, ആന്റി ഓക്‌സിഡന്റുകള്‍ എന്നിവ ചര്‍മ്മത്തിലെ ചുളിവുകളും മറ്റും ഇല്ലാതാക്കുന്നു.
- മാനസിക സമ്മര്‍ദ്ദം കുറയ്ക്കുന്നതിനും പേര സഹായിക്കുന്നു. മസിലിന്റേയും ഞരമ്പുകളുടേയും സമ്മര്‍ദ്ദം പേര കുറയ്ക്കുന്നു.
- പല്ലുവേദനയ്ക്ക് ആശ്വാസം നല്‍കുന്നതിനും പേര സഹായിക്കുന്നു. നിരവധി കീടാണുക്കളെ തുരത്തുന്നതിനും ഈ ഫലം കഴിയ്ക്കുന്നത് സഹായിക്കും.
ആരോഗ്യത്തിനും സൗന്ദര്യത്തിനും പേരയ്ക്ക!!
ആരോഗ്യ സൗന്ദര്യ സംരക്ഷണത്തിന് ഇന്നത്തെ തലമുറ വളരെയധികം സമയവും പണവും ചിലവഴിക്കാറുണ്ട് എന്നത് വാസ്തവമാണ്… മെലിഞ്ഞ ശരീരവും തിളക്കമേറിയ ചര്‍മ്മവും ഏവരുടെയും സ്വപ്നമാണ്…ആരോഗ്യ സൗന്ദര്യ സംരക്ഷണത്തിന് ഇന്നത്തെ തലമുറ വളരെയധികം സമയവും പണവും ചിലവഴിക്കാറുണ്ട് എന്നത് വാസ്തവമാണ്… മെലിഞ്ഞ ശരീരവും തിളക്കമേറിയ ചര്‍മ്മവും ഏവരുടെയും സ്വപ്നമാണ്…
എന്നാല്‍ ഈ രണ്ടും പ്രദാനം ചെയ്യാന്‍ കഴിയുന്ന ഒരു ഫലം നമ്മുടെ വീട്ടുമുറ്റത്തുണ്ട്. അതാണ് പേരയ്ക്കാ!! സംഗതി സത്യമാണ്… ഒട്ടേറെ പോഷകങ്ങള്‍ നിറഞ്ഞ ഫലവര്‍ഗ്ഗമാണ് ഇത്. നാട്ടില്‍ സുലഭമായി ലഭിക്കുന്ന രുചിയേറിയ ഫലങ്ങളില്‍ ഒന്നാണ് പേരയ്ക്കാ. അതുകൊണ്ടു തന്നെയാകണം മുറ്റത്തെ മുല്ലക്ക് മണമില്ലായെന്നുള്ള അവസ്ഥ തന്നെയാണ് പേരക്കയ്ക്കും. എന്നാല്‍ പേരക്കയെക്കുറിച്ച് കൂടുതല്‍ അറിഞ്ഞാല്‍ ഏത് മുറ്റത്തെ പേരയായാലും മണം മാത്രമല്ല രുചിയും കൂടും!!
നാരുകള്‍ കൂടുതല്‍ അടങ്ങിയിരിക്കുന്നതിനാല്‍ ശരീര ഭാരം കുറയ്ക്കാന്‍ പേരയ്ക്ക ഏറെ സഹായകമാണ്. പേരയ്ക്കയിലുള്ള വൈറ്റമിന്‍ B3 രക്തപ്രവാഹം വര്‍ധിപ്പിക്കാന്‍ സഹായിക്കും. ഇതിലെ B6 തലച്ചോറിനും നാഡീവ്യവസ്ഥയ്ക്കും സുഗമമായ പ്രവര്‍ത്തനത്തിന് അത്യുത്തമമാണ്. ടെന്‍ഷന്‍ അകറ്റാനും പേരയ്ക്ക ഉത്തമമാണ്.പേരയ്ക്കയില്‍ അടങ്ങിയിട്ടുള്ള ആന്‍റിഓക്സിഡന്‍റുകള്‍ അകാലവാര്‍ധക്യം തടഞ്ഞ് അര്‍ബുദം, ഹൃദ്രോഗം എന്നിവയെ പ്രതിരോധിക്കും. ഇതിലുള്ള വൈറ്റമിന്‍ സി കോശങ്ങളുടെ നാശം തടയാനും സഹായിക്കും. പേരയ്ക്കയില്‍ ആപ്പിള്‍, ഓറഞ്ച്, മുന്തിരി എന്നിവയിലുള്ള ഷുഗറിനേക്കാള്‍ കുറഞ്ഞ അളവിലാണ് ഷുഗര്‍ ഉള്ളത്.
പ്രമേഹരോഗികള്‍ക്കും കഴിക്കാന്‍ സാധിക്കുന്ന ഫലമാണ്‌ പേരയ്ക്ക. ദിവസവും പേരയ്ക്ക തൊലി ഒഴിവാക്കി കഴിക്കുന്നത് പ്രമേഹരോഗികള്‍ക്ക് ഉത്തമമാണ്.
പേരക്കയ്ക്കു പണ്ടു മുതലേ ഉണ്ട് നമ്മൾ വേണ്ടത്ര പരിഗണിച്ചിട്ടില്ലെന്ന പരാതി. അന്യനാട്ടിൽ വിളയുന്ന ആപ്പിളും ഓറഞ്ചും സ്ട്രോബറിയും മറ്റും കടയിൽ ചെന്ന് വലിയ വില കൊടുത്തു വാങ്ങി വീട്ടിൽ കൊണ്ടുവരുമ്പോഴും തൊടിയിൽ മൂത്തുപഴുത്തു കിടക്കുന്ന പേരയ്ക്കയെ നാം കണ്ടില്ലെന്നു നടിക്കുകയാണ് പതിവ്. പലവിധത്തിലും നിങ്ങളുടെ ആരോഗ്യത്തിനു ഗുണകരമാണ് പേരയ്ക്ക.
- ഹൈപ്പർടെൻഷൻ ഉള്ളവർക്ക് ഉത്തമമാണ് പേരയ്ക്കാ. ഇതു നിങ്ങളുടെ രക്തസമ്മർദത്തെ ക്രമീകരിക്കുന്നു.
- ചീത്ത കൊളസ്ട്രോൾ(എൽഡിഎൽ) കുറയ്ക്കുകയും എച്ച് ഡിഎൽ വർധിപ്പിക്കുകയും ചെയ്യുന്നു.
- പ്രമേഹരോഗികൾക്കും ഈ ഫലം നല്ലതു തന്നെ. അധികം പഴുക്കുന്നതിനു മുൻപേ കഴിക്കാം.
- ഇതിൽ ധാരളമായടങ്ങിയ മഗ്നീഷ്യം നിങ്ങളുടെ പേശികൾക്ക് കരുത്തുനൽകുന്നു.
- ഓറഞ്ചിൽ അടങ്ങിയിരിക്കുന്നതിന്റെ നാലിരട്ടി വിറ്റാമിൻ സി പേരയ്ക്കയിലുണ്ട്. ഇതു നിങ്ങളുടെ പ്രതിരോധശേഷി വർധിപ്പിക്കുന്നു.
- ധാരാളം ഫൈബർ അടങ്ങിയിരിക്കുന്ന പഴവർഗമാണ് പേരയ്ക്ക. ഇതുമൂലം നിങ്ങളുടെ ദഹനപ്രക്രിയ സുഗമമായി നടക്കുകയും അമിതവണ്ണത്തെ നിയന്ത്രിക്കുകയും ചെയ്യുന്നു.
- ആന്റി ഓക്സിഡന്റുകൾ ഉള്ളതിനാൽ പേരയ്ക്കാ അർബുദ സാധ്യത കുറയ്ക്കുന്നു. സ്തനാർബുദത്തിനും പ്രോസ്റ്റേറ്റ് കാൻസറിനും ഇത് ഔഷധമാണ്.
- കഴിക്കാൻ മാത്രമല്ല മുഖത്ത് അരച്ചു പുരട്ടാനും നല്ലതാണ് പേരയ്ക്കയുടെ ചാറ്. ഇത് നിങ്ങളുടെ ത്വക്കിന് തിളക്കം സമ്മാനിക്കുന്നു.
ദിവസവും ഓരോ ‘പേരയ്ക്ക’ കഴിച്ചാലുള്ള ഗുണങ്ങൾ
നമ്മുടെ നാട്ടില്‍ ധാരാളമായി കണ്ടുവരുന്ന ഈ ഫലം കഴിച്ചാല്‍ പല ഗുണങ്ങളുണ്ട്. പേരയ്ക്കയ്ക്ക് മാത്രമല്ല, പേരയിലക്കുമുണ്ട് ഗുണങ്ങള്. ഔഷധങ്ങളുടെ കലവറയാണ് ഇത്. നമ്മള്‍ പലപ്പോഴും ഈ ഫലത്തെ അവഗണിക്കാറാണ് പതിവ്. ഉയര്‍ന്നതോതില്‍ വിറ്റാമിന് സി, കാത്സ്യം, പൊട്ടാസ്യം, ഫോസ്ഫറസ്, ഇരുമ്പ് സത്തും മറ്റ് ആന്റി ഓക്സിഡന്റുകളും അടങ്ങിയിരിക്കുന്നതാണ് പേരയ്ക്ക. ദിവസവും കഴിച്ചാലുള്ള പ്രധാനപ്പെട്ട അഞ്ച് ഗുണങ്ങൾ എന്തൊക്കെയാണെന്ന് അറിയേണ്ടേ…
ശരീരഭാരം കുറയ്ക്കാം
ശരീരഭാരം കുറയ്ക്കാൻ സഹായിക്കുന്ന നിരവധി പഴങ്ങളുണ്ട്. അതിലൊന്നാണ് പേരയ്ക്കാ. ഇതിൽ ധാരാളം നാരുകൾ അടങ്ങിയിട്ടുണ്ട്. പേരയ്ക്ക കഴിക്കുന്നത് ഭക്ഷണത്തിന്റെ അളവ് കുറയ്ക്കാൻ സഹായിക്കുന്നു. ശരീരഭാരം കുറയ്ക്കാൻ ഏറ്റവും അനുയോജ്യമായ ഭക്ഷണമാ‌ണ് ഇത്. ഡയറ്റ് ചെയ്യുന്നവർ നിർബന്ധമായും ദിവസവും രണ്ടോ മൂന്നോ കഴിക്കാവുന്നതാണ്.
രക്തത്തിലെ പഞ്ചസാരയുടെ അളവ് നിയന്ത്രിക്കും
രക്തത്തിലെ പഞ്ചസാരയുടെ അളവ് നിയന്ത്രിക്കാൻ പേരയ്ക്ക സഹായിക്കുമെന്നാണ് ഡയറ്റീഷ്യന്മാർ പറയുന്നത്.പേരയിലയും ആരോഗ്യത്തിന് വളരെ നല്ലതാണ്. രക്തത്തിലെ പഞ്ചസാരയുടെ അളവ് മെച്ചപ്പെടുത്താൻ പേര ഇല കൊണ്ടുള്ള ചായ കുടിക്കാവുന്നതാണ്.
ദഹനസംബന്ധമായ പ്രശ്നങ്ങൾ അകറ്റും
ദഹനസംബന്ധമായ പ്രശ്നങ്ങൾ അകറ്റാൻ വളരെ നല്ലതാണ് പേരയ്ക്കാ. പേരയ്ക്കയിൽ ഫെെബർ ധാരാളം അടങ്ങിയിട്ടുള്ളത് കൊണ്ട് തന്നെ മലബന്ധം പ്രശ്നം അകറ്റാനും സഹായിക്കുന്നു. ഈ ഫലം നിങ്ങളുടെ ഭക്ഷണത്തിൽ ഉൾപ്പെടുത്തുന്നത് ദഹനത്തെ മെച്ചപ്പെടുത്തുന്നതിനും അവശ്യ പോഷകങ്ങൾ നൽകുന്നതിനും സഹായിക്കുന്നു.
പ്രതിരോധശേഷി വർധിപ്പിക്കും
പേരയ്ക്കയിൽ വിറ്റാമിൻ സി ധാരാളം അടങ്ങിയിട്ടുണ്ട്. ഇത് പ്രതിരോധശേഷി വർധിപ്പിക്കാൻ സഹായിക്കുന്നു. അണുബാധകൾക്കും രോഗങ്ങൾക്കും എതിരെ സ്വാഭാവിക സംരക്ഷണം നൽകുന്നു. പേരയ്ക്കായിലെ വിറ്റാമിൻ സി ശരീരത്തിൽ അമിതമായി എത്തുന്ന കാത്സ്യം ആഗിരണം ചെയ്യാൻ സഹായിക്കുന്നു. പേരയ്ക്കാ കഴിച്ചാൽ വൃക്കയിൽ കല്ലുണ്ടാകുന്നതിനുള്ള സാധ്യത കുറയുന്നു.
ചർമ്മത്തെ സംരക്ഷിക്കുന്നു
പേരയ്ക്കായുപയോഗിച്ചു ചർമ്മത്തിന്റെ ആരോഗ്യം വർദ്ധിപ്പിക്കാൻ നിങ്ങൾക്ക് കഴിയും. ആന്റിഓക്‌സിഡന്റുകൾ ധാരാളമായി ഇതിൽ അടങ്ങിയിരിക്കുന്നു. ആന്റി-ഏജിംഗ് ഗുണങ്ങളും പേരയ്ക്കയ്ക്കുണ്ട്. ഇത് ചുളിവുകൾ തടയാൻ സഹായിക്കുന്നു. മറ്റ് വിറ്റാമിനുകളുടെയും ധാതുക്കളുടെയും സാന്നിധ്യം ചർമ്മത്തിന് ശരിയായ പോഷണം നൽകും.
Read : ജ്വരജന്നി
കുട്ടികളുടെ കണ്ണുകൾക്കുള്ള പരിചരണം.
കുഞ്ഞുവാവയുടെ കുളി – എന്തിന്? എങ്ങനെ?
കൂടുതൽ അറിയാൻ: മലയാളം ആരോഗ്യ ടിപ്സ്
