മുരിങ്ങയില – കുട്ടികളുടെ ഭക്ഷണത്തിൽ

മുരിങ്ങയില - കുട്ടികളുടെ ഭക്ഷണത്തിൽ

മുരിങ്ങയില – കുട്ടികളുടെ ഭക്ഷണത്തിൽ

മുരിങ്ങയില നിത്യ ഭക്ഷണത്തിന്റെ ഭാഗമായിരുന്ന ഒരു കാലമുണ്ടായിരുന്നു മലയാളിക്ക്. തൊടിയിലും പറമ്പിലും സ്വന്തം കൈകള്‍ കൊണ്ട് നട്ടുപിടിപ്പിച്ച ചെടികളില്‍ നിന്നും പറിച്ചെടുത്ത ശുദ്ധമായ ഇലകള്‍ കറിവെച്ചും തോരന്‍വെച്ചും പഴയ തലമുറ ഭക്ഷണം പോഷക സമൃദ്ധമാക്കി.

ഇന്ന് ചിക്കനും ബര്‍ഗറുമാണ് എല്ലാവരുടെയും ഇഷ്ട വിഭവങ്ങള്‍. മുരിങ്ങയിലയുടെ രുചി എന്താണെന്ന് പോലും ചിലര്‍ക്ക് അറിയില്ല. ഇലകള്‍ കൊണ്ടുള്ള വിഭവങ്ങള്‍ തീന്‍മേശയില്‍ കാണുന്നത് തന്നെ വെറുപ്പാണ് ചിലര്‍ക്ക്. എന്നാല്‍ വീട്ടുമുറ്റത്ത് മുരിങ്ങ നട്ടുപിടിപ്പിക്കേണ്ട കാലം അതിക്രമിച്ചു. ഇനിയെങ്കിലും ഭക്ഷണത്തില്‍ ഇലക്കറികള്‍ ഉള്‍പ്പെടുത്തേണ്ടിയിരിക്കുന്നു.

മുരിങ്ങയിലയില്‍ അടങ്ങിയിരിക്കുന്ന പോഷകങ്ങള്‍ അറിഞ്ഞാല്‍ നിങ്ങള്‍ അത് കഴിച്ചുപോകും. ഒട്ടേറെ ഗുണങ്ങള്‍ മുരിങ്ങയിലകൽ നിങ്ങള്‍ക്ക് നല്‍കും. മുന്നൂറില്‍പരം രോഗങ്ങള്‍ ഇല്ലാതാക്കാനുള്ള കഴിവ് മുരിങ്ങയിലയ്ക്കുണ്ട്.കുട്ടി വെജിറ്റബ്ൾസ് ഒന്നും കഴിക്കുന്നില്ല എന്നവിഷമത്തിലാണോ. ഇങ്ങു വാ ഒരടിപൊളി ഐഡിയ പറഞ്ഞു തരാം.

അപ്പൊ ഇത് എങ്ങനെയെങ്കിലും നമുക്കു കുട്ടികുറുമ്പന്റെ അകത്താക്കണ്ടേ

..അതിനു നമുക്ക് ചെറിയ ഒരു കലാപരിപാടി ചെയ്യാം ..😛

മുരിങ്ങയില - കുട്ടികളുടെ ഭക്ഷണത്തിൽ

കേൾക്കുമ്പോൾ ആഹാ ഇതാണോ ഇത്ര വല്യ കാര്യം എന്ന് തോന്നിയേക്കാം ..നിങ്ങൾ ഒന്ന് ട്രൈ ചെയ്ത് നോക്ക് ..വർക്ക് ഔട്ട് ആയാൽ എനിക്ക് മുട്ടായി വാങ്ങിച്ചു തന്നാൽ മതി 🤗

♥അപ്പൊ തുടങ്യേക്കാം…♥

ആദ്യം കുറച്ചു മുരിങ്ങയില എടുത്ത് ഉണക്കണം ..അതിനായി വെയിലത്തൊന്നും ഇടേണ്ട ആവശ്യം പോലും വരുന്നില്ല ..വെറുതെ ഒരു മുറത്തിൽ ഇട്ട് റൂമിൽ വച് ഉണക്കിയാലും മതിയാകും ..രണ്ട് ദിവസം ഒക്കെ ധാരാളം …എന്നിട്ടിത് ഒരു മിക്സിയുടെ ബൗളിൽ ഇട്ട് നന്നായി പൊടിച്ചെടുക്കണം …

എന്നിട്ട് നമ്മുടെ വെജിറ്റബിൾ കഴിക്കാത്ത വികൃതിക്ക് ഇഷ്ടമുള്ള ഏതേലുമൊക്കെ ഐറ്റംസ് കാണുമല്ലോ ..ഓംലെറ്റ് ,നൂഡിൽസ് ഇതൊന്നും അല്ലെങ്കിൽ വെറും ചോറിൽ മിക്സ് ചെയ്താലും മതി …എല്ലാം കൂടി ഇന്ന് തന്നെ കഴിപ്പിക്കാം എന്ന് വച്ച് മൊത്തത്തിൽ തട്ടി ഇടേണ്ട …ടേസ്റ്റ് വച്ചു ചിലപ്പോ പിടി വീണേക്കും …അത് കൊണ്ട് ചെറിയ ക്വാണ്ടിറ്റി ഇട്ടാൽ മതി ആദ്യം .

കുട്ടികളെ മുരിങ്ങയില കഴിപ്പിക്കാൻ ദോശയോ, ഇഡ്ഡലിയോ, പുട്ടോ ഒക്കെ ഉണ്ടാക്കുമ്പോൾ ഇത് കൂടി ചേർക്കാം. രുചിയ്ക്കൊപ്പം ആരോഗ്യവും ഏറും. ചപ്പാത്തി, കട്‌ലറ്റ് ഒക്കെ ഉണ്ടാക്കുമ്പോഴും ചേർക്കാം.

ഇനി ഇത് കഴിക്കുന്നത് കൊണ്ടുള്ള കുറച്ചു ഗുണങ്ങൾ കൂടി:

♦ധാതുക്കളുടെ കലവറ ♦

വിറ്റാമിന്‍ എ, ബി, സി, ഡി, ഇ എന്നിവ കൂടിയ തോതില്‍ മുരങ്ങയിലയില്‍ അടങ്ങിയിട്ടുണ്ട് വിറ്റാമിന്‍എ, ബി1, ബി2, ബി3, സി, കാല്‍സ്യം, ക്രോമിയം, കോപ്പര്‍, നാരുകള്‍, ഇരുന്പ്, മാംഗനീസ്, മഗ്‌നീഷ്യം, ഫോസ്ഫറസ്, പൊട്ടാസ്യം, പ്രോട്ടീന്‍, സിങ്ക് എന്നിവയുടെ അക്ഷയപാത്രമാണ് മുരിങ്ങയില.മുരിങ്ങയിലയിൽ ധാരാളം ജീവകങ്ങളും ധാതുക്കളുമുണ്ട്. പ്രോട്ടീന്‍, ജീവകം ബി 6, ജീവകം സി, ഇരുമ്പ്, റൈബോഫ്ലേവിൻ, ജീവകം എ, മഗ്നീഷ്യം, മാംഗനീസ് എന്നിവയും ഉണ്ട്.

♦കണ്ണിന്♦

കണ്ണിനുണ്ടാകുന്ന എല്ലാ പ്രശ്‌നങ്ങളും മാറ്റാന്‍ മുരിങ്ങയുടെ ഇല കഴിച്ചാല്‍ മതി.കണ്ണിന്‍റെ കാഴ്ച ശക്തിക്ക് നല്ലതാണ്ഇതെന്ന്  പഴമക്കാര്‍ മാത്രമല്ല, ആധുനിക വൈദ്യശാസ്ത്രം വരെ സ്വിരീകരിച്ച കാര്യമാണ്.

♦എല്ലിന്♦

എല്ലുകള്‍ക്ക് ശക്തി നല്‍കാന്‍ മുരിങ്ങയിലകൽ കഴിക്കാം. ഇരുമ്പ് സത്ത് കൂടിയ പച്ചക്കറിയാണിത്.പാലിലുളളതിന്റെ നാലിരട്ടി കാല്‍സ്യം മുരിങ്ങയിലയിലുണ്ട്. ഏത്തപ്പഴത്തില്‍ ഉള്ളതിന്റെ മൂന്നിരട്ടി പൊട്ടാസ്യം മുരിങ്ങയിലയിലുണ്ട്.

♦ഹൃദയത്തിന്♦

ഹൃദയത്തിന്റെ ആരോഗ്യത്തിന് സഹായകമാകും. ഹൃദ്രോഗം പോലുള്ള രോഗങ്ങള്‍ വരാനുള്ള സാധ്യത കുറയ്ക്കും.

♦നാഡികള്‍ക്കുണ്ടാകുന്ന പ്രശ്‌നം♦

ഇരുമ്പിന്റെയും ഫോസ്ഫറസിന്റെയും ഒരു കലവറ തന്നെയാണ് മുരിങ്ങയിലകൽ. നാഡീ സംബന്ധമായ എല്ലാ പ്രശ്‌നങ്ങളും അകറ്റും. തലച്ചോറ്, നാഡികള്‍ എന്നിവയുടെ ആരോഗ്യത്തിന് പൊട്ടാസ്യം കൂടിയേ തീരൂ. കാരറ്റിലുളളതിലും നാലിരട്ടി വിറ്റാമിന്‍ എയും മുരിങ്ങയിലയിലുണ്ട്.

♦ചര്‍മത്തിന്♦

ചര്‍മ സംരക്ഷണത്തിനും മുരിങ്ങ ഇല നല്ലതാണ്. ആയുര്‍വ്വേദത്തില്‍ നിരവധി ഔഷധങ്ങളില്‍ മുരിങ്ങ ഉപയോഗിക്കാറുണ്ട്.

♦രക്തസമ്മര്‍ദ്ദം♦

മുരിങ്ങയിലയുടെ നീര് രക്തസമ്മര്‍ദ്ദം സാധാരണ നിലയിലാക്കാന്‍ സഹായകമാകും.

♦ബുദ്ധി ശക്തി♦

മുരിങ്ങയില സ്ഥിരമായി കഴിക്കുന്നത് കുട്ടികളില്‍ ബുദ്ധിശക്തി വര്‍ദ്ധിപ്പിക്കും. പ്രോട്ടീന്‍ ധാരാളം അടങ്ങിയിട്ടുണ്ട്.
ശരീരം നിര്‍മിച്ചിരിക്കുന്നതു പ്രോട്ടീനുകള്‍ കൊണ്ടാണ്. പ്രോട്ടീനുകള്‍ രൂപപ്പെടുന്നത് അമിനോ ആസിഡില്‍ നിന്നും.

സാധാരണഗതിയില്‍ മുട്ട, പാല്‍, ഇറച്ചി, പാലുത്പന്നങ്ങള്‍ എന്നിവയൊക്കെയാണ് അമിനോ ആസിഡിന്റെ ഇരിപ്പിടങ്ങള്‍.

അപ്പോള്‍ സസ്യാഹാരം കഴിക്കുന്നവര്‍ എന്തു ചെയ്യും. അവര്‍ക്കു മുരിങ്ങയില കഴിക്കാം. ഇതില്‍ പ്രോട്ടീന്‍ ധാരാളമുണ്ട്.തൈരിലുളളതിന്റെ രണ്ടിരട്ടി പ്രോട്ടീന്‍ ഇതിലുണ്ട്. മുരിങ്ങയില കാല്‍സ്യത്തിന്റെ കലവറയാണ്.

♦അതിസാരം♦

അതിസാരം ഇല്ലാതാക്കാന്‍ കഴിവുണ്ട് മുരിങ്ങയിലയ്ക്ക്. ഇത്തരം പ്രശ്‌നങ്ങള്‍ വരാതെ നോക്കും.

♦പനി, ജലദോഷം♦
.
ഓറഞ്ചില്‍ ഉളളതിന്റെ ഏഴിരട്ടി വിറ്റാമിന്‍ സി മുരിങ്ങയിലയിലുണ്ട്.രോഗങ്ങളെ അടിച്ചോടിക്കാനുളള ആയുധമാണ്
വിറ്റാമിന്‍ സി. ഇത് പനി, ജലദോഷം പോലുള്ള രോഗത്തോട് പൊരുതും
കീടനാശിനി കലരാത്ത ശുദ്ധമായ മുരിങ്ങയില കൂട്ടിയാല്‍ പ്രതിരോധവും ഭദ്രം.

♦പല്ലിന്♦

കാത്സ്യം കൂടിയ തോതില്‍ അടങ്ങിയ മുരിങ്ങയില കഴിക്കുന്നതിലൂടെ പല്ലുകള്‍ക്ക് ശക്തി ലഭിക്കുന്നു.

♦വേദനകള്‍ക്ക്♦

മുരിങ്ങയിലയുടെ പേസ്റ്റ് വേദനയുള്ള ഭാഗത്ത് പുരട്ടിയാല്‍ ആശ്വാസം കിട്ടും. തലവേദന, സന്ധിവേദന എന്നിവയ്ക്ക് മരുന്നായി ഉപയോഗിക്കാം.

♦ദഹനത്തിന്♦

മുരിങ്ങക്കാ പതിവായി ഉപയോഗിക്കുന്നത് ദഹനപ്രശ്നങ്ങളെ അകറ്റും. മുരിങ്ങയിലയിലും മുരിങ്ങക്കായിലും അടങ്ങിയ ബികോംപ്ലക്സ് ജീവകങ്ങളായ നിയാക്സിൻ, റൈബോഫ്ലേവിൻ, ഫോളിക് ആസിഡ്, പിരിഡോക്സിൻ എന്നിവയാണു ദഹനത്തിനു സഹായിക്കുന്നത്.

ഗുണങ്ങൾ :

♦മുരിങ്ങയില പതിവായി ഭക്ഷണത്തിൽ ഉൾപ്പെടുത്തുന്നത് കൊളസ്ട്രോൾ കുറയ്ക്കാൻ സഹായിക്കും.

♦ചർമ്മത്തിന്റെയും മുടിയുടെയും സൗന്ദര്യത്തിനും മുരിങ്ങയിലയുടെ ഉപയോഗം സഹായിക്കും.

♦ആർത്തവ വേദന അകറ്റാൻ മുരിങ്ങിയില നീര് സഹായിക്കും.

♦ഒരുപിടി മുരിങ്ങയില തോരൻ വച്ച് ദിവസവും കഴിച്ചാൽ മുലപ്പാൽ വർധിക്കും. മുരിങ്ങവേര് ഔഷധമായി ഉപയോഗിച്ചു വരുന്നു.

ഒരേ സമയം ഇലക്കറിയും പച്ചക്കറിയും ആയ മുരിങ്ങ വീട്ടിലുള്ളപ്പോൾ എന്തിനാണ് നമ്മൾ മറുനാട്ടിലെ വിഷക്കറികൾ വാങ്ങുന്നത് അല്ലേ?

അപ്പോൾ എല്ലാരും ട്രൈ ചെയ്തു നോക്കുമല്ലോ

Read :

രാത്രിയിൽ കുഞ്ഞുങ്ങൾ നന്നായി ഉറങ്ങാൻ – 5 ടിപ്സ്

കുട്ടികൾ രണ്ട് തരം

ശാഠ്യക്കാരായ കുട്ടികളെ നിയന്ത്രിക്കാം!

കൂടുതൽ അറിയാൻ: മലയാളം ആരോഗ്യ ടിപ്സ്

ശാഠ്യക്കാരായ കുട്ടികളെ നിയന്ത്രിക്കാം!

ശാഠ്യക്കാരായ കുട്ടികളെ നിയന്ത്രിക്കാം!

ശാഠ്യക്കാരായ കുട്ടികളെ നിയന്ത്രിക്കാം!

ശാഠ്യക്കാരായ കുട്ടികളെ നിയന്ത്രിക്കാം എന്നത് അത്ര വേഗം സാധിക്കുന്ന കാര്യമല്ല. നാല് വയസ്സുകാരൻ രാഹുലിനെ കൊണ്ട് എങ്ങും പോകാൻ കഴിയില്ല. എവിടെങ്കിലും പോയാൽ രാഹുലിനെ ഇഷ്ടപ്പെട്ടതു കിട്ടിയില്ലെങ്കിൽ നിലത്തു കിടന്നുരുണ്ട് കരഞ്ഞ് ബഹളം വയ്ക്കും. രാഹുലിനെ ആവശ്യപ്പെട്ട സാധനം വാങ്ങി നൽകിയോ ചോക്ലേറ്റും ഐസ്ക്രീമോ കൊടുത്താണ് അമ്മ എപ്പോഴും പ്രശ്നം പരിഹിക്കുക. ഇത് മിക്ക മാതാപിതാക്കളുടെ പ്രധാന പരാതിയാണിപ്പോൾ.

ശാഠ്യക്കാരായ കുട്ടികളെ നിയന്ത്രിക്കുക എന്നത് എല്ലാ മാതാപിതാക്കളും നേരിടുന്ന ഒരു തലവേദനയാണ്. എന്നാൽ അതിനോട് നിങ്ങള്‍ എങ്ങനെ പ്രതികരിക്കുന്നു എന്നത് വളരെ പ്രധാനപ്പെട്ട കാര്യമാണ്. ശാഠ്യക്കാരായ കുട്ടികളുടെ കാരണക്കാരൻ മിക്കവാറും മാതാപിതാക്കളാണ്. കോപാകുലരായ കുട്ടികളെ എങ്ങനെ കൈകാര്യം ചെയ്യാമെന്നാണ് ഇവിടെ വിശദീകരിക്കുന്നു.

പല രക്ഷിതാക്കള്‍ക്കും ഇക്കാര്യത്തില്‍ പ്രതീക്ഷയും സഹിഷ്ണുതയും നഷ്ടപ്പെട്ട് പോവുകയും ചെയ്യും ജീവിതം വെറുക്കപ്പെടുന്ന അവസ്ഥ വരെ എത്തിയിട്ടുണ്ട്. ഇത്തരം കുട്ടികള്‍ ബഹളം വെയ്ക്കുന്നവരും ആക്രമണ സ്വഭാവം ഉള്ളവരുമായിരിക്കും. അവര്‍ അച്ചടക്കമില്ലാത്തവരും എല്ലാം നശിപ്പിക്കുന്നതില്‍ ആനന്ദം കണ്ടെത്തുന്നവരുമാണ്. അത്തരം സ്വഭാവത്തെ വെറുക്കുന്നുവെങ്കിലും ആഴത്തില്‍ ചിന്തിച്ചാല്‍ അവര്‍ അസ്വസ്ഥമായ സ്വഭാവമുള്ളവരാണെന്ന് കണ്ടെത്താനാവും.

🔴 കുട്ടികള്‍ കോപത്തോടെയിരിക്കുമ്പോള്‍ മാതാപിതാക്കള്‍ ചെയ്യാൻ പാടില്ലാത്ത കാര്യങ്ങള്‍ എന്തൊക്കെ ?

ശാഠ്യക്കാരായ കുട്ടികളെ നിയന്ത്രിക്കാം!

1. വൈകാരികത ഒഴിവാക്കുക (Sentiments)

കുട്ടികള്‍ കോപിച്ചിരിക്കുന്ന അവസരത്തില്‍ അവരോട് ദേഷ്യത്തോടെ സംസാരിക്കരുത്. കോപമുള്ള അവസരത്തില്‍ അവർക്ക് അത് മനസിലാകില്ല. അതിനാല്‍ വൈകാരികമായ സമീപനം ഒഴിവാക്കുകയാണ് ഉചിതം.

2. ശാരീരികമായ അടക്കിയിരുത്താൻ ശ്രമിക്കരുത് (Physical Restraint)

പലപ്പോഴും കുട്ടികളുടെ കോപം മാതാപിതാക്കളുടെ നിയന്ത്രണം നഷ്ടപ്പെടുത്തും. ശാരീരികമായി നിയന്ത്രിക്കാൻ ശ്രമിക്കുന്നത് അവരുടെ കോപം വര്‍ദ്ധിപ്പിക്കുകയേ ഉള്ളൂ.

3. അസഭ്യവാക്കുകള്‍ ഒഴിവാക്കുക (Bad words)

മാതാപിതാക്കള്‍ ഒരു മാതൃകയായി നിൽക്കേണ്ടത് അത്യാവശ്യമാണ്. കുട്ടിയോട് അസഭ്യവാക്കുകള്‍ പറയാതിരിക്കുക. ഇവ കുട്ടികളുടെ മനോഭാവത്തില്‍ ശക്തമായ മാറ്റമുണ്ടാക്കും. കുട്ടികള്‍ ഇത്തരം വാക്കുകള്‍ കേള്‍ക്കാന്‍ ഇടയാക്കുന്ന സാഹചര്യങ്ങള്‍ പൂര്‍ണമായി ഒഴിവാക്കണം. ചീത്ത വാക്കുകള്‍ ഉപയോഗിക്കുന്നത് തെറ്റാണെന്നു കുട്ടിയെ പറഞ്ഞു മനസ്സിലാക്കുകയും, മാതാപിതാക്കള്‍ കുട്ടികള്‍ക്ക് നല്ല മാതൃക കാണിക്കുകയും ചെയ്യണം.

4. യുക്തിസഹമല്ലാത്ത അനുമാനങ്ങള്‍ ഒഴിവാക്കുക (Illogical Assumption)

കുട്ടികളുടെ കോപം സംബന്ധിച്ച് മാതാപിതാക്കള്‍ പലപ്പോഴും ചില തെറ്റായ അനുമാനങ്ങളിലെത്തും. അത്തരം യുക്തിസഹമല്ലാത്ത കണ്ടെത്തലുകളിലേക്ക് പോകുന്നത് കോപത്തിന് പിന്നിലെ യഥാര്‍ത്ഥ കാരണം മനസിലാക്കാന്‍ സഹായിക്കില്ല. ഈ വാശി ഒരിക്കലും മാറ്റാൻ പറ്റില്ല, കുട്ടിക്ക് മാനസികമായ എന്തോ പ്രശ്നമുണ്ട് എന്നൊക്കെ സ്വയം ചിന്തിക്കരുത്.

5. ഭീഷണിയും പേടിപെടുത്തലും ഒഴിവാക്കുക (Threatening & Frightening)

കുട്ടി കോപാകുലനാവുമ്പോള്‍ അവനെ ഭീഷണിപ്പെടുത്തുന്നത് ഒരു വിഡ്ഡിത്തമാണ്. അത് പോലെ ബഹളം വയ്ക്കരുത് ‘കോക്കാന്‍ വരും, പിടിച്ചുകൊണ്ടുപോകും’ എന്നൊക്കെ പറഞ്ഞ് വിരട്ടരുത്. ‍ കുഞ്ഞുങ്ങളുടെ കരച്ചില്/വാശി മാറ്റുവാന്‍ പേടിപ്പിക്കുന്നത് ഒരിക്കലും നല്ലതല്ല. കാര്യങ്ങളെ സമാധാനപരമായി കണ്ട് രക്ഷാകര്‍ത്താവെന്ന നിലയില്‍ കുട്ടിക്ക് അനുയോജ്യമായ രീതിയില്‍ പ്രവര്‍ത്തിക്കുക. ഭീഷണിയും പേടിപെടുത്തലും കാര്യങ്ങളെ ഭാവിയിൽ കൂടുതല്‍ വഷളാക്കുകയേ ഉള്ളൂ.

🔴 കുട്ടികൾക്കുള്ള വാശി അല്ലെങ്കിൽ കോപം മാറ്റാനുള്ള ഫലപ്രദമായ മാർഗങ്ങൾ എന്തൊക്കെ? ശാഠ്യക്കാരായ കുട്ടികളെ നിയന്ത്രിക്കാം!

ഓർത്തു വയ്ക്കാനായി DANISH 😊 ഉപയോഗിക്കാം: Divert, Award, Negotiate, Ignore, Support, Humble

1. ശ്രദ്ധ തിരിക്കുക (Divert)

കുട്ടിയുടെ ശ്രദ്ധ മറ്റെന്തിലേക്കെങ്കിലും തിരിച്ചുവിടുക. ചെറിയ കുഞ്ഞുങ്ങളാണു വാശി പിടിക്കുന്നതെങ്കിൽ നിറമോ ശബ്ദമോ ഉള്ള എന്തെങ്കിലും കാണിച്ചു കുഞ്ഞിന്റെ ശ്രദ്ധ മാറ്റുക. ഒരു വയസ്സ് കഴിഞ്ഞ കുട്ടികളെ മറ്റൊരു കാര്യം പറഞ്ഞു ശ്രദ്ധ തിരിക്കുക.

സാധനങ്ങള്‍ വലിച്ചെറിയുന്ന കുട്ടി ശ്രദ്ധ ആകര്‍ഷിക്കാന്‍ ശ്രമിക്കുകയാണ്. മാതാപിതാക്കൾ കുട്ടിയിലെ വാശിയെ പ്രോത്സാഹിപ്പിക്കുന്നുണ്ടോ എന്നതു ശ്രദ്ധിക്കണം. പലപ്പോഴും ഇത് അറിയാതെ ആയിരിക്കും. സാധനങ്ങൾ മറ്റും എറിയുമ്പോൾ അതിനെ കുറിച്ച് സംസാരിക്കാതെ വേറൊരു കാര്യത്തിനെ കുറിച്ച് സംസാരിക്കുക.

∙ എപ്പോഴും വാശി കാണിക്കുന്ന കുട്ടികളെ മറ്റു ആക്ടിവിറ്റികളിലേക്ക്‌ തിരിച്ചു. ഉദാ: വരയ്ക്കാനിഷ്ടപ്പെടുന്ന കുട്ടിയെ വരയ്ക്കാൻ പ്രേരിപ്പിക്കാം. കരകൗശല വിദ്യ പരിശീലിപ്പിക്കാം.

∙ എപ്പോഴും വില കൂടിയ സാധനങ്ങൾ വേണമെന്നു വാശി പിടിക്കുന്ന കുട്ടികളെ സാമൂഹ്യസേവനം ചെയ്യാനും അനാഥാലയത്തിലെ കുട്ടികൾക്കു സഹായം നൽകാനും പ്രേരിപ്പിക്കാം.

2. പാരിതോഷികം (Award) നൽകുക

കൂടുതൽ വാശിയുള്ള കുട്ടികളെ അടക്കിയിരുത്താനായി വളരെ ഫലപ്രദമായ മാർഗമാണിത്. ഒരു ദിവസം നല്ല കുട്ടിയായിരുന്നാൽ കുട്ടിക്ക് ഇഷ്ടമുള്ള ഒരു കാര്യം ചെയ്തു കൊടുക്കുക. ഉദാ: ഒരു മുട്ടായി കൊടുക്കുക അല്ലെങ്കിൽ പാർക്കിൽ കളിക്കാനായി കൊണ്ട് പോകുക. കുട്ടിക്ക് വ്യക്തമായി മനസ്സിലാകണം കുട്ടിയുടെ നല്ല സ്വഭാവം കൊണ്ട് ഗുണങ്ങൾ ഉണ്ടെന്ന്.

3. ധാരണയുണ്ടാക്കുക (Negotiate)

ചിലർ തിരക്കേറിയ ജീവിതത്തിനിടെ സമയം പാഴാക്കാനില്ലാത്തതു കൊണ്ട് പെട്ടെന്നു കാര്യം സാധിച്ചു കൊടുക്കും. വാശി കാണിച്ചാൽ ആവശ്യപ്പെടുന്ന കാര്യം മാതാപിതാക്കൾ സാധിച്ചു നൽകുന്നുവെന്നു മനസ്സിലാക്കുന്നതോടെ കുട്ടി വാശി കാണിക്കുന്ന സ്വഭാവം ആവർത്തിക്കും. ഇത് മാതാപിതാക്കൾ തിരിച്ചറിയുന്നുമുണ്ടാവില്ല. അത് കൊണ്ട് തന്നെ കുട്ടിയുമായി ഒരു ധാരണയിൽ എത്തുക.

4. അവഗണിക്കുക (Ignore)

ശ്രദ്ധ തിരിച്ചു വിടാൻ പറ്റാത്ത കുറച്ചു മുതിർന്ന കുട്ടി വാശി കാണിക്കുമ്പോൾ കുട്ടിയുടെ സമീപത്തു സമാധാനമായിരിക്കുക. അതല്ലെങ്കിൽ അൽപസമയത്തേക്കു മുറിയിൽ നിന്നു മാറി നിൽക്കുക. കുട്ടി കരച്ചിൽ നിർത്തിക്കഴിഞ്ഞ ശേഷം മാത്രം മുറിയിലേക്കു ചെല്ലുക. വാശിയെടുക്കുന്ന കുട്ടിയോടു ദേഷ്യപ്പെട്ടു സംസാരിക്കുന്നത് ഒഴിവാക്കണം. അതല്ലെങ്കിൽ കുട്ടി കൂടുതൽ അസ്വസ്ഥമാകും. വാശി കൂടുകയും ചെയ്യും. എന്റെ വാശി ഇവിടെ ചിലവാവില്ല എന്ന് കുട്ടിക്ക് തന്നെ മനസിലാകും.

5.ഉപദേശവും പ്രേരണയും (Support)

കുട്ടിക്കുവേണ്ടി മാത്രമായി ഒന്നുരണ്ടു മണിക്കൂറെങ്കിലും ദിവസവും നല്‍കണം. അവരെ ഗുണദോഷിക്കുന്നതിന് മുമ്പ് അവർക്ക് പറയാനുള്ളതെന്താണെന്ന് കേൾക്കുക.ഒഴിവ് സമയത്ത് കുട്ടിയുടെ കൂടെ കളികളില്‍ പങ്കു ചേരുക. സ്‌കൂളിലെ കാര്യങ്ങളെക്കുറിച്ചും കൂട്ടുകാരെക്കുറിച്ചും കുട്ടിക്കു പറയാനുള്ളതെല്ലാം ക്ഷമയോടെ കേള്‍ക്കണം. പരാതികള്‍ എന്തെങ്കിലുമുണ്ടെങ്കില്‍ അവ പരിഹരിക്കേണ്ടതാണ്. പഠനത്തിലും സ്നേഹത്തോടെ പ്രോത്സാഹനം നല്‍കണം. സത്യസന്ധത, ആത്മാര്‍ഥത, ക്ഷമ, സ്നേഹം, ലാളിത്യം, മിതവ്യയം, മുതലായ ഗുണങ്ങള്‍ മാതാപിതാക്കളില്‍നിന്നാണ് കുട്ടികള്‍ കൂടുതലായും പഠിക്കുന്നത്. അതിനാല്‍ മകന് നല്ല മാതൃകയായി മാതാപിതാക്കള്‍ പ്രവര്‍ത്തിക്കണം.

മാതാപിതാക്കൾ പറഞ്ഞു കൊടുക്കുന്നതോ നിർദേശിക്കുന്നതോ ആയ കാര്യങ്ങളേക്കാൾ പതിന്മടങ്ങ് കരുത്തുണ്ടാകും മുതിർന്നവർ നൽകുന്ന മാതൃകയ്ക്ക്. അച്ചടക്കം ശീലിപ്പിക്കേണ്ട മാതാപിതാക്കൾ കുട്ടികൾക്കു മാതൃകയായി പെരുമാറാൻ പ്രത്യേകം ശ്രദ്ധിക്കണം. കുട്ടികൾ എല്ലാം നിരീക്ഷിക്കുന്നുണ്ടെന്ന് ഓർമിക്കുക. ഒരു വയസ്സുള്ള കുട്ടി പോലും വീട്ടിലെ മുതിർന്നവരെ അനുകരിക്കുന്നതു കണ്ടിട്ടില്ലേ.

6. വിനയത്തോടെ (Humble) ഇടപെടുക

ഏതു സാഹചര്യത്തിലും മുതിർന്നവർ സമചിത്തത വിടാതെ ശ്രദ്ധിക്കണം. ചെറിയ കുട്ടികൾ വാശി പിടിച്ചു നിലത്തു കിടന്നുരുളാം. കയ്യിൽ കിട്ടുന്ന സാധനങ്ങൾ എടുത്തെറിയാം. കരഞ്ഞു ബഹളം വയ്ക്കാം. ദേഷ്യപ്പെടാതെ വളരെ വിനയത്തോടെ ഇടപെടണം. പറയുന്നത്ര എളുപ്പമെങ്കിലും വളരെ പ്രയോജനമുള്ള ഒരു മാർഗമാണിത്. കുട്ടിയുടെ വാശിയുടെ ശക്തി കുറയുമ്പോള്‍ ഇത്തരം സ്വഭാവം മോശമാണെന്ന് കുട്ടിയെ ബോധ്യപ്പെടുത്തുക. ഇത്തരം പെരുമാറ്റം സമൂഹത്തില്‍ അംഗീകരിക്കപ്പെടില്ലെന്നും ദോഷഫലങ്ങളുണ്ടാകുമെന്ന് കുട്ടിയെ പറഞ്ഞു മനസിലാക്കുക.

മറ്റുള്ളവരുമായി പങ്കുവെച്ച് ജീവിക്കുന്നതിന്റെ പ്രധാന്യം മകള്‍ക്ക് മനസ്സിലാക്കിക്കൊടുക്കണം. എല്ലാ ആവശ്യങ്ങളും സാധിച്ചുകൊടുത്തു വളര്‍ത്തുന്ന കുട്ടികള്‍ സ്വാര്‍ഥരും വാശിയുള്ളവരുമായി മാറാം. അതിനാല്‍ മറ്റു കുട്ടികളുമായി കളിപ്പാട്ടങ്ങള്‍ പങ്കുവെച്ചുകളിക്കുവാന്‍ മാതാപിതാക്കള്‍ കുഞ്ഞുങ്ങളെ പ്രേരിപ്പിക്കേണ്ടതാണ്.

ജന്മനാ ഉള്ള ഇത്തരം ദുഷ്സ്വഭാവങ്ങൾ മാറ്റാൻ കഴിയും എന്ന് മനസിലാക്കുക. കുഞ്ഞ് വളർന്ന് വരുന്ന ഗൃഹാന്തരീക്ഷം പരമ പ്രധാനമാണ് എന്ന് മനസിലായല്ലോ. വിവേക പൂർണമായ സമീപനം ആണ് വാശി കുറയ്ക്കാനായി ശ്രമിക്കുന്നെങ്കിൽ വാശി പേടിക്കേണ്ടതില്ല. ശാഠ്യക്കാരായ കുട്ടികളെ നിയന്ത്രിക്കാം എന്നത് അല്പം ശ്രദ്ധിച്ചാൽ നമുക്ക് സാധിക്കും എന്ന് മനസ്സിലായല്ലോ.

Read : ജ്വരജന്നി

രാത്രിയിൽ കുഞ്ഞുങ്ങൾ നന്നായി ഉറങ്ങാൻ – 5 ടിപ്സ്

മുലപ്പാൽ ആദ്യ രുചി അമൃതം

മുടികൊഴിച്ചിൽ

കൂടുതൽ അറിയാൻ: മലയാളം ആരോഗ്യ ടിപ്സ്

കുഞ്ഞുങ്ങളുടെ ആഹാരകാര്യത്തിൽ അല്പം ശ്രദ്ധ

കുഞ്ഞുങ്ങളുടെ ആഹാരകാര്യത്തിൽ അല്പം ശ്രദ്ധ

കുഞ്ഞുങ്ങളുടെ ആഹാരകാര്യത്തിൽ അല്പം ശ്രദ്ധ

കുഞ്ഞുങ്ങളുടെ ആഹാരകാര്യത്തിൽ അല്പം ശ്രദ്ധ ഏതൊരു മാതാപിതാക്കളും നൽകേണ്ടുന്ന ഒന്നാണ്. കുഞ്ഞിന് ഭക്ഷണം കഴിക്കാൻ ഭയങ്കര മടിയാണെന്നത് വളരെ വ്യാപകമായി കേൾക്കുന്ന പരാതിയാണ്. എല്ലാ അമ്മമാരും പറയും, എന്റെ കുട്ടി ഒന്നും കഴിക്കുന്നില്ല എന്ന്. ലളിതമാണ് മറുപടി. ഒന്നും കഴിക്കാതെ കുട്ടിക്ക് ഇങ്ങനെയിരിക്കാന്‍ പറ്റില്ല.

വിശപ്പുണ്ടെങ്കില്‍ കുട്ടി കഴിച്ചോളും

നമ്മള്‍ വിചാരിച്ചത്രെ കുട്ടി കഴിക്കണമെന്ന് വാശിപിടിക്കുന്നതില്‍ കാര്യമില്ല. (കുട്ടിക്കല്ല നമുക്കാണ് വാശി). വേണ്ടത്ര കഴിക്കാനുള്ള സൗഹാര്‍ദ്ദപരമായ സാഹചര്യമുണ്ടാക്കലാണ് പ്രധാനം. കഴിക്ക് കഴിക്ക് എന്നുപറഞ്ഞ് ഭീഷണിപ്പെടുത്തുകയും പിറകേ നടക്കുകയും ചെയ്താൽ കുട്ടിക്ക് ഭക്ഷണത്തോടു തന്നെ വിരക്തി വരും.

ഡോക്ടറെ വിളിക്കും, സൂചിവെക്കും, മാഷ് തല്ലും എന്നൊക്കെ ഭയപ്പെടുത്തിയാണ് പലരും കുഞ്ഞിനെ ഭക്ഷണം കഴിപ്പിക്കാറ്. ഡോക്ടറെയും മാഷിനേയും അനാവശ്യമായി വെറുക്കും എന്നതിനേക്കാൾ പ്രധാനം ഭക്ഷണസമയമടുക്കുമ്പോൾ തന്നെ കുട്ടിക്ക് പേടി തുടങ്ങും എന്നതാണ്. അപ്പോഴേ വിശപ്പ് കെടും. ആ സമയം എങ്ങനെയെങ്കിലും കടന്നുകിട്ടാനാവും ശ്രമം.

ഒരുമിച്ചിരുന്ന് ചിരിച്ചുകളിച്ച് കഴിപ്പിക്കുകയാണ് വേണ്ടത്.

പതിനൊന്നുമണിക്ക് രണ്ടുഗ്ലാസ് പാല്‍ കുടിച്ചാല്‍ ഉച്ചയ്ക്ക് ചോറുണ്ണുമോ?

നമ്മള്‍ പത്തുഗ്ലാസ് പാല്‍ കുടിക്കുന്നപോലെയാണ് ചെറിയകുട്ടിക്ക് രണ്ടുഗ്ലാസ്. ഉച്ചയ്ക്ക് നന്നായി കഴിക്കണമെങ്കില്‍ അപ്പോഴേക്കും വിശക്കാൻ പാകത്തിന് ഭക്ഷണം നേരത്തെ കൊടുക്കണം.

കുഞ്ഞിന് തൂക്കക്കുറവില്ലെങ്കില്‍, കളിയും ചിരിയുമൊക്കെയുണ്ടെങ്കില്‍ ഒരു പ്രശ്‌നവുമില്ല. “അയല്‍പക്കത്തെ കുട്ടിയെ നോക്ക്, എത്ര നന്നായി തിന്നുന്നു.” തുടങ്ങിയ അനാവശ്യ താരതമ്യങ്ങൾ ഒഴിവാക്കണം. പുതിയ അണുകുടുംബങ്ങളുടെ പൊതുവായ പ്രശ്‌നമാണിത്. അമ്മൂമ്മമാർ കൂടെ ഉണ്ടെങ്കിൽ കാക്കയെയും പൂച്ചയെയും കാണിച്ച് അവർ കുട്ടിയെ കളിപ്പിച്ചോളും.

ഉണ്ണുകയെന്നത് സന്തോഷകരമായ അനുഭവമാകണ്ടേ?

ഉച്ചയ്ക്ക് കുട്ടിയെ ഭക്ഷണം കഴിപ്പിച്ചിട്ടു വേണം രണ്ടുമണിക്ക് ഓഫീസിലെത്താൻ എന്ന ധൃതിയോടെ ബഹളം കൂട്ടിയിട്ട് കാര്യമില്ല. പ്രഷർ വേണ്ട. കുട്ടി സ്വയം കഴിച്ചോളും. അസമയങ്ങളിലുള്ള അനാവശ്യ ഭക്ഷണങ്ങൾ (ബിസ്‌കറ്റും പാലുമൊക്കെ) ഒഴിവാക്കിയാൽ തന്നെ ശരിയായ സമയത്ത് കുട്ടികൾ ആഹാരം കഴിക്കും.

ഹോര്‍ലിക്‌സ്, കോംപ്ലാന്‍, ബോണ്‍വിറ്റ പോലുള്ള ഫുഡ് സപ്ലിമെന്റുകൽ 

സാധാരണമട്ടില്‍ ഭക്ഷണം കഴിക്കുന്ന കുട്ടികൾക്ക് ആവശ്യമില്ല. ആവശ്യത്തിന് തൂക്കമുണ്ടാവുക, ക്ഷീണമൊന്നുമില്ലാതെ കളിക്കുക ഇതൊക്കെയുണ്ടെങ്കിൽ ഭക്ഷണത്തിന്റെ കാര്യത്തില്‍ ഉല്‍ക്കണ്ഠയുടെ ആവശ്യമില്ല. മറ്റെല്ലാം പരസ്യങ്ങളിലെ അവകാശവാദങ്ങളും അനാവശ്യ ഭയങ്ങളും മാത്രം.

പിന്നെ, കൊക്കോ ചേര്‍ന്ന (ചോക്ലേറ്റ് നിറത്തിലുള്ള) പൊടികള്‍ ചില കുട്ടികള്‍ക്ക് അലര്‍ജിയുണ്ടാക്കും. ചുമ, ശ്വാസംമുട്ട് തുടങ്ങിയ പ്രശ്‌നങ്ങള്‍ കാണാം ഇവര്‍ക്ക്. ആസ്തമയുടെ കുടുംബപശ്ചാത്തലമുള്ളവര്‍ ഇവ ഉപയോഗിക്കാതിരിക്കുന്നതാണ് നല്ലത്.

മിഠായികളുടെ പ്രധാന ദോഷം അതില്‍ ചേർക്കുന്ന നിറങ്ങളും പ്രിസര്‍വേറ്റീവുകളുമൊക്കെയാണ്. ഐസ്‌ക്രീമിനും ഈ പ്രശ്‌നമുണ്ട്. കൂട്ടത്തില്‍ തണുപ്പും. കോളയുടെ കാര്യത്തില്‍ അസിഡിറ്റി പോലുള്ള പ്രശ്‌നങ്ങളുമുണ്ട്. കോള മാത്രം കഴിച്ച് മറ്റാഹാരം കഴിക്കാതെ പോഷകക്കുറവ് അനുഭവപ്പെടുന്ന കുട്ടികളെ ഗള്‍ഫ് പശ്ചാത്തലമുള്ള വീടുകളില്‍ കണ്ടിട്ടുണ്ട്. മിഠായിയും ഐസ്‌ക്രീമുമൊക്കെ വല്ലപ്പോഴും കൊടുക്കാം. തീരെ ഒഴിവാക്കി മനഃപ്രയാസമുണ്ടാക്കേണ്ടല്ലോ.

പ്രമേഹമുള്ളവരോടും വല്ലപ്പോഴും മധുരം കഴിച്ച് ആശ തീര്‍ത്തോളാന്‍ ഡോക്ടര്‍മാര്‍ തന്നെ പറയാറുണ്ട്. പഞ്ചസാരയും തീരെ കൊടുക്കാതിരിക്കേണ്ട. കുട്ടികള്‍ക്ക് മിതമായ വിധം കൊടുക്കാം.

ഒരു സാധനം മാത്രം കൂടുതലായി കഴിക്കുന്നത് നന്നല്ല. അത് ബാലന്‍സ്ഡ് ഡയറ്റ് ആവില്ല. എല്ലാ പോഷകമൂല്യങ്ങളും കിട്ടണം. മറ്റു വിറ്റാമിനുകളും പോഷകങ്ങളും കിട്ടാന്‍ പച്ചക്കറികളും ഇലക്കറികളുമൊക്കെ ധാരാളം കഴിപ്പിക്കണം. ചീര, കയ്പക്ക, പേരക്ക അങ്ങനെയെല്ലാം.

സ്‌കൂളിലേക്ക് വീട്ടുഭക്ഷണം തന്നെ കൊടുത്തുവിടണം. സ്‌കൂള്‍ വിട്ട് വിശന്നുവരുമ്പോള്‍ ബേക്കറി പലഹാരങ്ങള്‍ കൊടുക്കുന്നത് നന്നല്ല. നല്ല വിശപ്പുണ്ടെങ്കില്‍ വീട്ടില്‍ തന്നെയുണ്ടാക്കുന്ന എന്തെങ്കിലും കഴിച്ചോട്ടെ. ഉച്ചയ്ക്ക് സ്‌കൂളില്‍നിന്നു ചോറുണ്ണാത്ത കുട്ടികളാണെങ്കില്‍ വൈകുന്നേരം വീട്ടിലെത്തി ചോറു കഴിക്കുന്നതില്‍ കുഴപ്പമില്ല. ഇടനേരത്ത് കഴിക്കാന്‍ പഴങ്ങള്‍ കൊടുത്തുവിടാം. ന്യൂഡില്‍സ്, പഫ്‌സ് തുടങ്ങിയവ സ്‌കൂളിലേക്ക് കൊടുത്തയയ്ക്കുന്ന പതിവ് ശരിയല്ല.

കുട്ടിക്ക് ബിസ്കറ്റും കേക്കും മാത്രമാണ് ഇഷ്ടം’ എന്നു പറയുന്നതൊക്കെ ഒഴികഴിവാണ്. കുഞ്ഞ് പാന്റും ഷര്‍ട്ടുമിട്ട് ബൈക്കെടുത്തു പോയി അതെല്ലാം വാങ്ങിക്കൊണ്ടുവന്ന് തിന്നുന്നില്ലല്ലോ. അനാരോഗ്യകരമായ ഭക്ഷണശീലങ്ങളില്‍നിന്ന് കുഞ്ഞിനെ അകറ്റിനിർത്താൻ മാതാപിതാക്കൾ ശ്രദ്ധിക്കുക.

കറിയിലെ പച്ചക്കറിയും ഇറച്ചിയുമെല്ലാം എരിവുണ്ടാകുമെന്നു പറഞ്ഞ് കഴുകിയും, കഞ്ഞി ജ്യൂസടിച്ചുമൊന്നും രുചി കളയരുത്. അവരെല്ലാം കഴിച്ച് വളരട്ടെ.

ഭക്ഷണവുംകൊണ്ട് പിറകെ നടക്കുന്ന ശീലമുണ്ടാക്കരുത്. പകരം, വിശക്കുമ്പോൾ അവർ വന്നുചോദിക്കുന്ന ശീലം വളർത്തുക. വിശന്നാൽ കുഞ്ഞ് വരികതന്നെ ചെയ്യും. എത്ര നേരത്തെ കുടുംബത്തിന്റെ സാധാരണ ഭക്ഷ്യരീതിയിലേക്ക് കുഞ്ഞിനെ കൊണ്ടുവരുന്നോ അത്രയുംവേഗം അവര്‍ നന്നായി കഴിച്ചുതുടങ്ങും. നമ്മുടെ ഭക്ഷ്യവൈവിധ്യവും രുചികളുംതന്നെ കാരണം.

മലയാളം ആരോഗ്യ ടിപ്സ്

Read Related Topic :

കുഞ്ഞുങ്ങൾക്കായി ടോണിക് ഉണ്ടാക്കാം

ചേലാകർമ്മം അഥവാ സർകംസിഷൻ

കുട്ടികളിലെ പനി – അമ്മമാർ അറിഞ്ഞിരിക്കേണ്ടതെന്തെല്ലാം !

കുട്ടികൾ രണ്ട് തരം

കൂടുതൽ അറിയാൻ: മലയാളം ആരോഗ്യ ടിപ്സ്

അനീമിയ കുട്ടികളിൽ – ലക്ഷണങ്ങള്‍ എന്തൊക്കെയാണ് ?

അനീമിയ കുട്ടികളിൽ - ലക്ഷണങ്ങള്‍ എന്തൊക്കെയാണ് ?

അനീമിയ കുട്ടികളിൽ

അനീമിയ എന്ന അവസ്ഥ ഇന്ന് മിക്ക കുട്ടികളിലും കണ്ടുവരുന്ന ഒന്നാണ്. ആരോഗ്യകരമല്ലാത്ത ഭക്ഷണരീതികൾ കൊണ്ടോ ആവശ്യമായ വിറ്റമിൻസിന്റെ അഭാവം കൊണ്ടോ ഇത് ഉണ്ടാവാം.

എന്താണ് വിളർച്ച (അനീമിയ)

അനീമിയ - ത്വക്കിന്റെ നിറത്തിൽ സ്വാഭാവികമായ ചുവപ്പ് കുറയുന്നതിനെയാണ് വിളർച്ച എന്നു പറയുന്നത്. ത്വക്കിലേക്ക് എത്തുന്ന പ്രാണവായു അടങ്ങിയ രക്തത്തിന്റെ കുറവാണ് വിളർച്ചയായി കാണപ്പെടുന്നത്. രക്തക്കുറവ്, മറ്റു രോഗങ്ങൾ, ആധി, വികാരവിക്ഷുബ്ധാവസ്ഥകൾ, ജനിതക കാരണങ്ങൾ തുടങ്ങി പല കാരണങ്ങളാൽ വിളർച്ച കാണപ്പെടാം. വിളർച്ച എളുപ്പം തിരിച്ചറിയുന്നത് മുഖത്തും കൈവെള്ളയിലുമാണ്. കാരണങ്ങൾക്ക് അനുസൃതമായി വേഗത്തിലോ സാവധാനത്തിലോ വിളർച്ച രൂപപ്പെടാം.

നിങ്ങളുടെ ശരീരത്തിലെ ടിഷ്യൂകളിലേക്ക് ആവശ്യമായ ഓക്സിജൻ എത്തിക്കാൻ ആവശ്യമായ ആരോഗ്യകരമായ ചുവന്ന രക്താണുക്കളുടെ അഭാവമാണ് വിളർച്ച. വിളർച്ച ഉള്ളതിനാൽ നിങ്ങൾക്ക് ക്ഷീണവും ബലഹീനതയും അനുഭവപ്പെടും. അനീമിയയുടെ പല രൂപങ്ങളുണ്ട്, ഓരോന്നിനും അതിന്റേതായ കാരണങ്ങളുണ്ട്. വിളർച്ച താൽക്കാലികമോ ദീർഘകാലമോ ആകാം, ഇത് മിതമായതോ കഠിനമോ ആകാം.

വിളർച്ച;കുട്ടികളിലെ ലക്ഷണങ്ങള്‍

പല കാരണങ്ങളാലും കുട്ടികളില്‍ വിളർച്ച ഉണ്ടാകാം. പരുക്ക് അല്ലെങ്കില്‍ രോഗങ്ങള്‍ മൂലമുള്ള രക്തക്കുറവ്, ഇരുമ്പ് കുറഞ്ഞ ഭക്ഷണങ്ങള്‍, കഴിക്കുന്ന ഭക്ഷണത്തില്‍ നിന്ന് ഇരുമ്പ് ആഗിരണം ചെയ്യാത്തത് എന്നിവയൊക്കെ അനീമിയക്ക് കാരണമാകാം.
രോഗത്തിന്‍റെ തീവ്രതയനുസരിച്ചാണ് അടയാളങ്ങള്‍ കാണുക. കുറഞ്ഞതും കൂടിയതുമായ വിളർച്ച ചികിത്സിച്ച് ഭേദമാക്കാവുന്നതാണ്. എന്നാല്‍ വിളർച്ച അധികരിച്ചാല്‍ പഠന വൈകല്യം, പെരുമാറ്റപ്രശ്നങ്ങള്‍ പോലുള്ള ഗുരുതരമായ പ്രശ്നങ്ങള്‍ കുട്ടികളിലുണ്ടാകാന്‍ ഇടയാകും.

കുട്ടികളിലെ അനീമിയയുടെ ലക്ഷണങ്ങള്‍:

1. തളര്‍ച്ചയും ക്ഷീണവും – ഓക്സിജന്‍ വഹിക്കുന്ന ചുവപ്പ് രക്തകോശങ്ങളുടെ കുറവ് മൂലം ശരീരത്തിലെ അവയവങ്ങള്‍ ശരിയായി പ്രവര്‍ത്തിക്കാതാവും. ശരീരത്തിന്‍റെ സാധാരണമട്ടിലുള്ള പ്രവര്‍ത്തനത്തിന് ഓക്സിജന്‍ ആവശ്യമായതിനാല്‍ അതിന്‍റെ അപര്യാപ്തത ക്ഷീണവും തളര്‍ച്ചയുമുണ്ടാക്കും.

2. വിളറിയ ചര്‍മ്മം – അനീമിയ ഉള്ള കുട്ടികള്‍ ചുവന്ന രക്തകോശങ്ങള്‍ കുറഞ്ഞവരോ, അല്ലെങ്കില്‍ ഹീമോഗ്ലോബിന്‍റെ അളവ് കുറഞ്ഞവരോ ആണ്. ഇത് വിളര്‍ച്ചയുണ്ടാക്കും. കുട്ടികളിലെ അനീമിയയുടെ പ്രധാന ലക്ഷണമാണ് വിളര്‍ച്ച.

3. ശ്വാസതടസ്സം – കുട്ടികളുടെ ശരീരത്തിന്‍റെ എല്ലാ ഭാഗങ്ങളിലേക്കും ഓക്സിജന്‍ വഹിച്ചുകൊണ്ടുപോകുന്ന ചുവന്ന രക്തകോശങ്ങള്‍ കുറവായിരിക്കും. ഹൃദയത്തിലേക്കുള്ള ഓക്സിജന്‍റെ കുറവ് ശ്വാസതടസ്സത്തിന് കാരണമാകും.

അനീമിയ- ത്വക്കിന്റെ നിറത്തിൽ സ്വാഭാവികമായ ചുവപ്പ് കുറയുന്നതിനെയാണ് വിളർച്ച എന്നു പറയുന്നത്. ത്വക്കിലേക്ക് എത്തുന്ന പ്രാണവായു അടങ്ങിയ രക്തത്തിന്റെ കുറവാണ് വിളർച്ചയായി കാണപ്പെടുന്നത്. രക്തക്കുറവ്, മറ്റു രോഗങ്ങൾ, ആധി, വികാരവിക്ഷുബ്ധാവസ്ഥകൾ, ജനിതക കാരണങ്ങൾ തുടങ്ങി പല കാരണങ്ങളാൽ വിളർച്ച കാണപ്പെടാം. വിളർച്ച എളുപ്പം തിരിച്ചറിയുന്നത് മുഖത്തും കൈവെള്ളയിലുമാണ്. കാരണങ്ങൾക്ക് അനുസൃതമായി വേഗത്തിലോ സാവധാനത്തിലോ വിളർച്ച രൂപപ്പെടാം.

4. അസാധാരണമായ ഭക്ഷണങ്ങളോടുള്ള ആഗ്രഹം(പൈക) – ചില കുട്ടികള്‍ക്ക് ഐസ്, പെയിന്‍റ്, സ്റ്റാര്‍ച്ച് തുടങ്ങിയവയോട് ആസക്തിയുണ്ടാകും. അനീമിയ ഉള്ള കുട്ടികളിലെ പെരുമാറ്റ-മാനസിക നിലയില്‍ ആശങ്കയുണ്ടാക്കുന്ന ഒന്നാണിത്.

5. വിശപ്പില്ലായ്മ – അനീമിയ ഉള്ള കുട്ടികള്‍ ക്ഷീണിതരും തളര്‍ച്ചയുള്ളവരുമായിരിക്കും. സാധാരണമായ പ്രവൃത്തികളിലേര്‍പ്പെടാന്‍ പോലും അവര്‍ക്ക് പ്രയാസമായിരിക്കും. ഇതാണ് വിശപ്പ് കുറവിന് പിന്നിലെ പ്രധാന കാരണം.

6. ഇടക്കിടെയുള്ള അണുബാധ – ശരീരത്തിലെ ചുവന്ന രക്തകോശങ്ങളുടെ കുറവ് രോഗപ്രതിരോധ ശേഷി കുറക്കുക മാത്രമല്ല, ഇടക്കിടെ രോഗബാധയ്ക്കും കാരണമാകും. ഇത് അനീമിയയുടെ പ്രധാന ലക്ഷണമാണ്.

7. റെസ്റ്റ്‍ലെസ് ലെഗ് സിന്‍ഡ്രോം(ആര്‍എല്‍എസ്) – വിളർച്ച ഒരു അവസ്ഥ അല്ലെങ്കില്‍ തകരാറ് രൂപപ്പെടാന്‍ കാരണമാകും. റെസ്റ്റ്ലെസ്സ് ലെഗ് സിന്‍ഡ്രോം എന്നറിയപ്പെടുന്ന ഇത് കാലുകള്‍ ചലിപ്പിക്കാനുള്ള ശക്തമായ തോന്നലാണ്. രാത്രിയിലാണ് പകല്‍ സമയത്തേക്കാള്‍ ഈ പ്രശ്നം അനുഭവപ്പെടുക.

മലയാളം ആരോഗ്യ ടിപ്സ്

Related Topic ;

പ്ലാസ്റ്റിക് ഉൽപ്പന്നങ്ങളും കുട്ടികളുടെ ആരോഗ്യവും

ഇലക്കറികൾ – കുഞ്ഞുരുളയിൽഅല്പം  

അമ്മമാരുടെ ദേഷ്യം കുട്ടികളോട്

കുട്ടികളിലെ പനി – അമ്മമാർ അറിഞ്ഞിരിക്കേണ്ടതെന്തെല്ലാം !

കൂടുതൽ അറിയാൻ: മലയാളം ആരോഗ്യ ടിപ്സ്

ചില ടാഗുകൾ
രക്തം വർധിക്കാൻ
അനീമിയ കുട്ടികളിൽ
അനീമിയ ലക്ഷണങ്ങള്‍
അനീമിയ ലക്ഷണങ്ങള്‍ എന്തൊക്കെയാണ്
കുട്ടികളിലെ അനീമിയയുടെ ലക്ഷണങ്ങള്‍
രക്തം കൂടാന്‍
രക്തം ഉണ്ടാകാന്‍
ഹീമോഗ്ലോബിന്‍ കൂടാന്‍
രക്തക്കുറവിന്റെ ലക്ഷണങ്ങള്‍
രക്തക്കുറവ് പരിഹരിക്കാന്‍
രക്തം കുറഞ്ഞാൽ

 

അമ്മമാരുടെ ദേഷ്യം കുട്ടികളോട്

അമ്മമാരുടെ ദേഷ്യം കുട്ടികളോട്

അമ്മമാരുടെ ദേഷ്യം കുട്ടികളോട്

അമ്മമാരുടെ ദേഷ്യം എന്നും കൂടുതലും കാണിക്കുന്നത് കുട്ടികൾക്ക് നേരെയാണ്. തൊട്ടതിനും പിടിച്ചതിനുമൊക്കെ മക്കളോട് ദേഷ്യപ്പെടുന്ന അമ്മമാരുണ്ട്.

നിങ്ങളൊക്കെ മക്കളോട് ദേഷ്യപ്പെടാറുണ്ടോ ???

ന്യൂ ജനറേഷൻ മമ്മിമാരെല്ലാം അഭിമുഖീകരിക്കുന്ന പ്രശ്നമാണ് ഈ കലിതുള്ളൽ. എത്ര വേണ്ടെന്നു വച്ചാലും ജോലി കഴിഞ്ഞ് മടുത്ത് കയറിവരുമ്പോൾ പൊട്ടിത്തെറികളുണ്ടാകുക സ്വാഭാവികമാണ്. ജോലിയും ജീവിതവും കുട്ടിയെ നോക്കലും എല്ലാം കൂടി ബാലൻസ് െചയ്ത് കൊണ്ടുപോകുന്നത് സൃഷ്ടിക്കുന്ന ആശങ്കകൾ, ഈ പിരിമുറുക്കം സൃഷ്ടിക്കുന്ന അസ്വാസ്ഥ്യം…ഇതിനെല്ലാമിടയിൽ താൻ കുട്ടിയോട് നീതി പുലർത്തുന്നില്ല എന്ന കുറ്റബോധം… സ്ത്രീശരീരത്തിന്റേതായ ഹോർമോൺ താളംതെറ്റലുകൾ… ഇതെല്ലാം ചേർന്നാണ് അമ്മമാരെ മുൻകോപക്കാരാക്കുന്നത്.

കണക്കു പഠിപ്പിക്കാൻ കൂട്ടിരുന്നതാണ് അമ്മ. എത്ര പറഞ്ഞുകൊടുത്തിട്ടും കണക്കിലെ സമവാക്യം കുഞ്ഞിന്റെ തലയിൽ കയറുന്നില്ല. മൂന്നു നാലു തവണ ആയപ്പോഴേക്കും അമ്മയ്ക്കു ദേഷ്യം വന്നു. കൊടുത്തു കുഞ്ഞിത്തുടയിൽ ഒരു നുള്ള്!!!.

കുട്ടി ആർത്തലച്ച് കരയാൻ തുടങ്ങി. അതോടെ കോപാവേശിതയായി അമ്മ അലറി. “തിരുമണ്ടി… കാറാതെ എഴുന്നേറ്റു പോകുന്നുണ്ടോ?”. കരഞ്ഞുകൊണ്ടിരുന്ന കുഞ്ഞ് തിരിച്ചലറി. “നീയാ മണ്ടി… നീ ഇനി എന്നെ പഠിപ്പിക്കേണ്ട”.  ഇതൊക്കെ കാണുമ്പോൾ വീട്ടിലെ മുതിർന്നവർ പറയും. നീ കുട്ടിയോട് ചാടിക്കടിക്കല്ലേ…അതിനോട് ഇത്തിരി സമാധാനമായി സംസാരിക്കൂ എന്ന്.

ഇതിൽ അൽപം സത്യമുണ്ടെന്നാണ് ശാസ്ത്രം പറയുന്നത്. മാതാപിതാക്കളുടെ വൈകാരികാവസ്ഥ കുട്ടികളുടെ വൈകാരികമായ ആരോഗ്യത്തെ ബാധിക്കുമെന്ന് പുതിയ പഠനം പറയുന്നു. കാലിഫോർണിയ യൂണിവേഴ്സിറ്റിയിലെ മനശ്ശാസ്ത്ര വിഭാഗം ഗവേഷകരാണ് പഠനം നടത്തിയത്.

ഇതിനായി മാതാപിതാക്കളെയും കുട്ടികളെയും കൂട്ടി ഒരു പസിൽ പൂർത്തിയാക്കാൻ ഏൽപിച്ചു. അവസാന അഞ്ചു മിനിറ്റിൽ മാത്രം മാതാപിതാക്കൾക്ക് കുട്ടിയെ സഹായിക്കാം എന്നായിരുന്നു നിർദേശം. ശാന്തതയോടെ അതു ചെയ്യാൻ ശ്രമിച്ച മാതാപിതാക്കൾക്ക് തങ്ങളുടെ കുട്ടിയെ പിരിമുറുക്കമില്ലാതെ സ്വയം നിയന്ത്രിക്കാൻ പരിശീലിപ്പിക്കാനായി.

ഇസിജി മോണിറ്ററിങ് വഴി രണ്ടുകൂട്ടരുടേയും വൈകാരിക അവസ്ഥ സൂക്‌ഷ്മമായി അപഗ്രഥിച്ചപ്പോൾ മാതാപിതാക്കളുടെ വൈകാരിക വിക്ഷോഭങ്ങൾ അബോധമായി കുട്ടികളിലേക്കും പടരുന്നതായി കണ്ടെത്തി. കോ–റെഗുലേഷൻ എന്നാണ് ഈ അവസ്ഥയെ ഗവേഷകർ വിശേഷിപ്പിക്കുന്നത്.
മാതാപിതാക്കളുടെ നാഡീസംവിധാനത്തിന്റെ പ്രവർത്തനം കുട്ടികളുടെ നാഡീവ്യവസ്ഥയുമായി എങ്ങനെ ബന്ധപ്പെട്ടിരിക്കുന്നുവെന്നു കൂടുതൽ മനസ്സിലാക്കാൻ ഈ പഠനം സഹായിക്കുമെന്നാണ് ഗവേഷകരുടെ പ്രതീക്ഷ.

അപ്പോൾ എന്താണ് പരിഹാരം? 

✅ആദ്യം ചെയ്യേണ്ടത് കുട്ടിയോട് പ്രതികരിക്കുന്നതിന് മുൻപ് ഈ പോസ്റ്റിനെ പറ്റി ഒന്നാലോചിക്കുക .എന്നിട്ട് 10 മിനിറ്റുനേരം ഒരു ബ്രേക്കെടുക്കുക. ഈ സമയം കൊണ്ട് തിളച്ചുമറിയുന്ന കോപം ഒന്നടങ്ങും. ശാന്തമായി പ്രതികരിക്കാനുള്ള മനസാന്നിധ്യമുണ്ടാകും.

✅ ഇത്തരം സാഹചര്യങ്ങളിൽ എങ്ങനെ പ്രതികരിക്കുന്നു എന്നതും പ്രധാനമാണ്.

✅കുട്ടിയെ കുറ്റപ്പെടുത്താനാകും ആദ്യം തോന്നുക. പക്ഷേ നിങ്ങളിലെ നെഗറ്റിവിറ്റി കുട്ടിയിലേക്ക് കൂടി പകരാം എന്നതല്ലാതെ യാതൊരു കാര്യവുമില്ല. കൂർത്തവാക്കുകൾ കുട്ടിയെ മുറിവേൽപിക്കുകയും ചെയ്യും., ‘തറയിൽ ഇങ്ങനെ കുത്തിവരച്ച് വൃത്തികേടാക്കിയത് ശരിയായില്ല, അമ്മയുടെ മൊബൈൽ പൊട്ടിച്ചതും തെറ്റായിപ്പോയി ’ എന്നു കുട്ടിയോട് പറയാം.

✅എല്ലാം പൂർണതയോടെ ചെയ്യണമെന്ന ചിന്ത മാറ്റിവച്ചേക്കൂ. ഭിത്തികളിൽ കുറച്ച് കോറിവരയലുകൾ ഉണ്ടായാലോ പുസ്തകങ്ങളും കളിക്കോപ്പുകളും സ്ഥാനം തെറ്റി ഇരുന്നാലോ ലോകം കീഴ്മേൽ മറിയില്ല. കുട്ടികളുള്ള വീട്ടിൽ ഇതൊക്കെ സാധാരണം തന്നെയാണ്.

✅ഏതു കാര്യങ്ങൾക്കാണ് കൂടുതൽ പ്രാധാന്യം നൽകേണ്ടതെന്ന് ചിന്തിച്ചുറപ്പിക്കുക. അതനുസരിച്ച് കാര്യങ്ങൾ ചെയ്യുക.

✅പങ്കാളിയേക്കൂടി വീട്ടുചുമതലകളിൽ പങ്കെടുപ്പിക്കുക. ചെറിയ സഹായങ്ങളെ പോലും അംഗീകരിക്കുക, അഭിനന്ദിച്ചു പറയുക. ചെറിയ സഹായം പോലും വലിയ ആശ്വാസമാകുന്നുവെന്ന് അറിയിക്കുക.

✅മറ്റ് അമ്മമാരോട് സംസാരിക്കുക. അവർ കാര്യങ്ങൾ എങ്ങനെയാണ് മാനേജ് ചെയ്യുന്നതെന്ന് ചോദിച്ചറിയുക.

♥അമ്മമാർ സ്വന്തമായി അൽപസമയം മാറ്റിവയ്ക്കുക. ഒരു 10 മിനിറ്റായാലും മതി. നഖങ്ങളിലെ പഴയ പോളിഷ് മാറ്റി പുതിയതിടാം. എണ്ണ തേച്ചുള്ള കുളിയാകാം. അല്ലെങ്കിൽ പ്രിയപ്പെട്ട പാട്ടു കേട്ടുകൊണ്ട് നല്ലൊരു കാപ്പി കുടിക്കുന്നതാകാം. കുറച്ചുകൂടി സമയം കിട്ടുമെങ്കിൽ ജിം ക്ലാസ്സിനോ യോഗയ്ക്കോ ചേരാം. ചെറിയൊരു കാര്യം പോലും വലിയ സന്തോഷം തരും. ♥

മലയാളം ആരോഗ്യ ടിപ്സ്

Read More:

കുഞ്ഞുവാവകളെ എങ്ങനെയെല്ലാം ശ്രെദ്ധിക്കാം

രാത്രിയിൽ കുഞ്ഞുങ്ങൾ നന്നായി ഉറങ്ങാൻ

നവജാതശിശു പരിചരണം

മുലപ്പാൽ എങ്ങനെ പിഴിഞ്ഞെടുക്കാം

കൂടുതൽ അറിയാൻ: മലയാളം ആരോഗ്യ ടിപ്സ്

പ്ലാസ്റ്റിക് ഉൽപ്പന്നങ്ങളും കുട്ടികളുടെ ആരോഗ്യവും

പ്ലാസ്റ്റിക് ഉൽപ്പന്നങ്ങളും കുട്ടികളുടെ ആരോഗ്യവും

പ്ലാസ്റ്റിക് ഉൽപ്പന്നങ്ങളും കുട്ടികളുടെ ആരോഗ്യവും

പ്ലാസ്റ്റിക് ഉൽപ്പന്നങ്ങൾ ഉപയോഗിക്കാത്ത ആളുകൾ ഇന്ന് ചുരുക്കമാണ്. പേന മുതൽ വെള്ളം കുടിക്കുന്ന കുപ്പികൾ വരെ ഇന്ന് പ്ലാസ്റ്റിക് കൊണ്ട് നിർമ്മിതമാണ്. നമ്മുടെ കുഞ്ഞുങ്ങൾക്ക് നാം വാങ്ങി കൊടുക്കുന്ന പ്ലാസ്റ്റിക് വാട്ടർബോട്ടിലുകളും ലഞ്ച് ബോക്സുകളും ശ്രദ്ധിച്ചിട്ടുണ്ടോ. ഇത് കുഞ്ഞുങ്ങളുടെ ആരോഗ്യത്തെ സാരമായി ബാധിച്ചേക്കാം.

ഗുരുതരമായ ഒരു ആരോഗ്യ പ്രശ്നത്തിലേക്ക്

നിങ്ങൾ വാങ്ങിയ അല്ലങ്കിൽ വാങ്ങാൻ പോകുന്ന പ്ലാസ്റ്റിക് ബോട്ടിലുകളുടെയും ലഞ്ച് ബോക്സുകളുടെയും അടിവശം പരിശോധിച്ചാൽ ത്രികോണ അടയാളത്തിൽ ഒന്നു മുതൽ 7 വരെയുള്ള ഏതെങ്കിലും ഒരു നമ്പർ കാണാം. ഈ നമ്പറുകൾ ആ പ്ലാസ്റ്റിക് ഏത് വിഭാഗത്തിൽ പെടുന്നു എന്ന് മനസിലാക്കിത്തരുന്നു.

1 –PET (Poly Ethylene Terephathalate)

2 – HDPE (High Density poly Ethylene)

3 – V (vinyl or PVC)

4 – LDPE (Low Density polyethylene)

5 – PP (Poly Propylene)

6 – PS (Polystyrene)

7 – others

ഇതിൽ 2,4,5 നമ്പറുകൾ ഉള്ള കുപ്പികൾ പാത്രങ്ങൾ എന്നിവ മാത്രമാണ് സുരക്ഷിതം. ബാക്കിയുള്ളവ ആരോഗ്യത്തെ വളരെ ഗുരുതരമായി ബാധിക്കുന്ന കെമിക്കലുകൾ നമ്മുടെ ശരീരത്തിലെത്തിക്കുന്നു.ഒരു നമ്പരും ഇല്ലാത്ത ബോട്ടിലുകൾ വീട്ടിൽ കയറ്റുക പോലും പാടില്ല.

PET (Poly Ethylene Terephathalate)

ഇത് പെറ്റ് ആണ് (PET – Poly Ethylene Terephthalate). സാധാരണയായി കുടിവെള്ളവും സോഫ്റ്റ് ഡ്രിങ്കുകളും PET ബോട്ടിലിൽ ആണ് എത്തുന്നത്. ഒട്ടും ചൂടാവാത്ത സാധനം ഒരേയൊരു പ്രാവശ്യം നിറക്കുന്നതിനാണ് ഇത് ഉപയോഗിക്കുന്നത്. ഇതിൽ ചൂട് വെള്ളം നിറച്ചാൽ ഇതിലുള്ള Bisphinol A, Antimony Trioxide തുടങ്ങിയ കെമിക്കലുകൾ ശരീരത്തിൽ കടന്ന് ക്യാൻസറിനും വന്ധ്യതയ്ക്കും വഴി തെളിക്കുന്നു.

നിർഭാഗ്യവശാൽ ഇന്ന് ചെറിയ കടകളിലും സൂപ്പർമാർക്കറ്റുകളിലും വരെ കുട്ടികളെ കാത്തിരിക്കുന്നത് PET ബോട്ടിലുകളും ഫുഡ് കണ്ടയനിറകളും ആണ്. അല്ലങ്കിൽ എത് കാറ്റഗറിയിലാണ് എന്ന് തിരിച്ചറിയാൻ പോലും കഴിയാത്ത ഇവയിലാണ് അമ്മമാർ ചൂടോടെ ഭക്ഷണവും വെള്ളവും കൊടുത്ത് വിടുന്നത്. ഒരു പ്രാവശ്യം ഉപയോഗിക്കേണ്ട ഈ പാത്രമാണ് ചൂടാറാത്ത ഭക്ഷണവും വെള്ളവും നമ്മുടെ എല്ലാമെല്ലാമായ കുഞ്ഞുങ്ങൾക്ക് വർഷം മുഴുവൻ കൊടുത്തു വിടുന്നത്

മറ്റ് വസ്തുക്കൾ വാങ്ങുമ്പോൾ ഫ്രീയായി കിട്ടുന്നവയും പരിശോധിക്കുക. നിലവാരമില്ലാത്തവ ഉപേക്ഷിക്കുക. നമ്മൾ അറിയാതെ തന്നെ ശരീരം ആഹാരസാധനങ്ങളിലൂടെയും മറ്റും പലതരത്തിൽ കെമിക്കലുകളാൽ അപകടത്തിലാകുന്നുണ്ട്. എന്നാൽ ഇതുപോലെ ഒഴിവാക്കാനാകുന്ന അപകടങ്ങളെ നമുക്ക് തിരിച്ചറിയാം. ഒഴിവാക്കാം.

നമുക്ക് വലുത് നമ്മുടെ ആരോഗ്യം, വരും തലമുറയുടെ ആരോഗ്യം.

മലയാളം ആരോഗ്യ ടിപ്സ്

Related Topic ;

ഇലക്കറികൾ – കുഞ്ഞുരുളയിൽഅല്പം  

രാത്രിയിൽ കുഞ്ഞുങ്ങൾ നന്നായി ഉറങ്ങാൻ

കുഞ്ഞുവാവകളെ എങ്ങനെയെല്ലാം ശ്രെദ്ധിക്കാം

അമ്മമാരുടെ ദേഷ്യം കുട്ടികളോട്

കൂടുതൽ അറിയാൻ: മലയാളം ആരോഗ്യ ടിപ്സ്

കഞ്ഞിവെള്ളം കുട്ടികൾക്ക്

കഞ്ഞിവെള്ളം കുട്ടികൾക്ക്

കഞ്ഞിവെള്ളം

കഞ്ഞിവെള്ളം ഏറെ പോഷകഗുണങ്ങൾ അടങ്ങിയിട്ടുള്ള ഒന്നാണ്.

കുട്ടികൾക്ക്  ദിവസവും ഒരു ഗ്ലാസ്സ് കഞ്ഞിവെള്ളം

കഞ്ഞി വെള്ളം ഏറെ പോഷകഗുണങ്ങൾ അടങ്ങിയിട്ടുള്ള ഒന്നാണ്. നിരവധി ന്യൂട്രിയന്‍സും പോഷകങ്ങളും എല്ലാം കഞ്ഞിവെള്ളത്തിൽ  അടങ്ങിയിട്ടുണ്ട്.

കഞ്ഞിവെള്ളത്തിന്റെ ആരോഗ്യ ഗുണങ്ങള്‍ നിരവധിയാണ്. പണ്ട് കാലത്തുള്ളവരുടെയെല്ലാം ആരോഗ്യത്തിന്റെ രഹസ്യം ഇതാണ് എന്ന കാര്യത്തില്‍ സംശയമേ വേണ്ട. അതുകൊണ്ട് തന്നെയാണ് കഞ്ഞി വെള്ളം കുട്ടികള്‍ക്കും കൊടുക്കാന്‍ പലരും നിര്‍ബന്ധിക്കുന്നത്. നിരവധി ന്യൂട്രിയന്‍സും പോഷകങ്ങളും എല്ലാം കഞ്ഞിവെള്ളത്തിൽ  അടങ്ങിയിട്ടുണ്ട് എന്നതാണ് സത്യം.

നിങ്ങളെ ചെറുപ്പക്കാരാക്കി നിലനിർത്താൻ വരെ ഇത് സഹായിക്കുന്നു. കുട്ടികള്‍ക്ക് ദിവസവും കഞ്ഞി വെള്ളം കഴിക്കുന്നത് കൊണ്ട് ആരോഗ്യ ഗുണങ്ങള്‍ നിരവധിയാണ്. എന്തുകൊണ്ട് കഞ്ഞിവെള്ളം കൊടുക്കണം എന്ന് നോക്കാം. എന്തൊക്കെയാണ് ആരോഗ്യ ഗുണങ്ങള്‍ എന്നും നോക്കാം.

കഞ്ഞിവെള്ളം കുട്ടികൾക്ക്

പനി മാറാന്‍ സഹായിക്കുന്ന നല്ലൊരു ഉപാധിയാണ്ഇത്. പ്രത്യേകിച്ച് കുട്ടികളില്‍ പനി വന്നാല്‍ നല്ല ഇളം ചൂടായ കഞ്ഞിവെള്ളത്തില്‍ ഉപ്പിട്ട് കൊടുക്കുന്നത് പനി മാറാന്‍ സഹായിക്കുന്നു. ഇത് ശരീരത്തിലെ നിര്‍ജ്ജലീകരണം ഇല്ലാതാക്കുന്നു. മാത്രമല്ല കുട്ടികളില്‍ പനിയുടെ എല്ലാ തരത്തിലുള്ള ക്ഷീണവും ഇല്ലാതാവാന്‍ സഹായിക്കുന്നു.

കുഞ്ഞുങ്ങളെ പെട്ടെന്ന് പ്രതിസന്ധിയിലാക്കുന്ന ഒന്നാണ് ഡയറിയ. ഡയറിയ കൊണ്ട് കഷ്ടപ്പെടുന്ന കുട്ടികള്‍ക്ക് കഞ്ഞി വെള്ളം ഉത്തമ പരിഹാരമാണ്. ഉപ്പിട്ട കഞ്ഞി വെള്ളം കുട്ടികളില്‍ നിര്‍ജ്ജലീകരണം തടയുകയും ആരോഗ്യം നല്‍കുകയും ചെയ്യുന്നു.

കുട്ടികളില്‍ എക്‌സിമ പോലുള്ള ചര്‍മ്മ പ്രശ്‌നങ്ങള്‍ ഉണ്ടാവാറുണ്ട്. എന്നാല്‍ ഇനി ഇതിന് പരിഹാരം കാണാന്‍ ഏറ്റവും ഫലപ്രദമായി ഉപയോഗിക്കാവുന്ന ഒന്നാണ് കഞ്ഞി വെള്ളം. കുട്ടികള്‍ കുളിക്കുന്ന വെള്ളത്തില്‍ രണ്ട് കപ്പ് കഞ്ഞി വെള്ളം മിക്‌സ് ചെയ്ത് ആ വെള്ളത്തില്‍ കുഞ്ഞിനെ കുളിപ്പിച്ചാല്‍ മതി. ഇത് എക്‌സിമയെ പ്രതിരോധിക്കും എന്ന കാര്യത്തില്‍ സംശയം വേണ്ട.

കുടല്‍ സംബന്ധമായ പ്രശ്‌നങ്ങള്‍ കൊണ്ട് ബുദ്ധിമുട്ടുന്നവര്‍ക്ക് പരിഹാരമാണ് കഞ്ഞി വെള്ളം. കുട്ടികളിലാണ് സാധാരണയായി ഇത്തരം പ്രശ്‌നങ്ങള്‍ കണ്ട് വരുന്നത്. അതുകൊണ്ട് തന്നെ ഇത്തരം പ്രശ്‌നങ്ങള്‍ കൊണ്ട് ബുദ്ധിമുട്ടുന്ന കുട്ടികള്‍ക്ക് കഞ്ഞിയുടെ വെള്ളം കുടിക്കാന്‍ കൊടുക്കുന്നത് എന്തുകൊണ്ടും നല്ലതാണ്.

ചില കുട്ടികളില്‍ ശരീരത്തിന്റെ താപനിലയില്‍ മാറ്റങ്ങള്‍ ഉണ്ടാവുന്നു. എന്നാല്‍ ഇതിനെ കൃത്യമായി കൊണ്ട് വരാന്‍ സഹായിക്കുന്ന ഒന്നാണ് കഞ്ഞിവെള്ളം. അതുകൊണ്ട് തന്നെ ഇത്തരം പ്രശ്‌നങ്ങളെ പരിഹരിക്കാന്‍ നിങ്ങള്‍ക്ക് വെറും കഞ്ഞി വെള്ളം മതി.

Read : പനികൂർക്ക

മുടികൊഴിച്ചിൽ

വീട്ടിൽ ഒരു കുഞ്ഞാവ ഉണ്ടോ

കൂടുതൽ അറിയാൻ: മലയാളം ആരോഗ്യ ടിപ്സ്

അലർജി – കുട്ടികളിലെ അലർജി

കുട്ടികളിലെ അലർജി

അലർജി – കുട്ടികളിലെ അലർജി

“മൂപ്പർ ഒരു ചൊറിയനാ ,കേട്ടോ …”, “അയാളെ കാണുന്നത് പോലും എനിക്കലർജിയാണ് …” , “എനിക്കു ചൊറിഞ്ഞു വരുന്നുണ്ട്…” അലർജി !! മലയാളിയുടെ സംസാരഭാഷയിൽ ഇതുപോലെ അലിഞ്ഞു ചേർന്ന മറ്റൊരു രോഗമുണ്ടോ ?

വെറുപ്പ് ,വിദ്വേഷം ,അസഹിഷ്ണുത ഇത്യാദി വികാരങ്ങൾ പ്രകടിപ്പിക്കാൻ ഇത്രമേൽ നാം ഈ രോഗത്തെയും രോഗലക്ഷണങ്ങളെയും ഉപയോഗിക്കുന്നതു എന്തു കൊണ്ടാവും ?അതറിയണമെങ്കിൽ അലർജി എന്തെന്നറിയണം ,അതിന്റെ രോഗലക്ഷണങ്ങൾ എന്തന്നറിയണം.

ശരീരത്തിന്റെ പ്രതിരോധ പ്രവർത്തനത്തിന് സംഭവിക്കുന്ന ചെറിയ വ്യതിയാനങ്ങളാണ് അലർജിക്ക് കാരണമാകുന്നത്. ഭൂരിഭാഗം ആളുകളിലും സാധാരണയായി നിരുപദ്രവകാരികളായ ചില പദാർത്ഥങ്ങളെ ആക്രമണകാരികളായി കണ്ട് അവർക്കെതിരെ ശരീരം അമിതമായി പ്രതികരിക്കുന്ന അവസ്ഥയാണ് അലർജി. നിർത്താതെയുള്ള മൂക്കൊലിപ്പ്, തുടർച്ചയായ തുമ്മൽ , കണ്ണിലും മൂക്കിലും ഉള്ള ചൊറിച്ചിൽ ,ചുമ ,വലിവ് , തൊലിപ്പുറത്ത് ദീർഘകാലം നീണ്ടുനിൽക്കുന്ന ചൊറിച്ചിൽ ,ഇവയെല്ലാം അലർജിയുടെ ലക്ഷണങ്ങളാവാം. അലർജിയുണ്ടാക്കുന്ന വസ്തുക്കളെ പൊതുവായി അലർജനുകൾ എന്നു പറയുന്നു.

■വിവിധതരം അലർജികൾ:

1.അന്തരീക്ഷത്തിലുള്ള അലർജൻസ് കാരണം:

വീട്ടിലുള്ള പൊടി പൊടിച്ചെള്ള്, പാറ്റ, പൂപ്പൽ, പൂച്ച, പട്ടി എന്നിവയുടെ രോമങ്ങൾ പൂമ്പൊടി, തുടങ്ങിയ അന്തരീക്ഷ അലർജനുകൾ കൊണ്ടുണ്ടാകുന്നവയാണിത്.

2.ത്വക്ക് അലർജികൽ :

തൊലിപ്പുറമേയുള്ള അലർജി മൂന്ന് തരത്തിൽ കാണുന്നു.

★എക്സിമ:
അഞ്ച് വയസ്സിന് താഴെയുള്ള കുട്ടികളിലാണ് ഇത് കൂടുതലായും കണ്ടുവരുന്നത്. ഇവരിൽ മുഖം, കൈകാലുകൾ, എന്നിവിടങ്ങളിൽ തൊലി വരളുകയും ചൊറിഞ്ഞു പൊട്ടുകയും ചെയ്യുന്നു. പിൽക്കാലത്ത് ആസ്ത്മ വരാനുള്ള സാധ്യത ഇവരിൽ കൂടുതലാണ്.

★കോൺടാക്ട് ഡെർമറ്റൈറ്റിസ്:
അലർജനുകളുമായി നേരിട്ടുള്ള സ്പർശനമോ സാമീപ്യമോ മൂലമുണ്ടാകുന്നത്.

★അർട്ടിക്കേരിയ: തൊലിപ്പുറമേ ചൊറിച്ചിലോടുകൂടി പൊങ്ങിയ പാടുകളായി കാണപ്പെടുന്നവ.

3.ഭക്ഷണപദാർഥങ്ങളോട് ഉള്ള അലർജികൽ:

പാൽ, മുട്ട, ചെമ്മീൻ ഞണ്ട് ,കടല ,ഗോതമ്പ് എന്നിവയാണ് സാധാരണ അലർജി ഉണ്ടാക്കിയേക്കാവുന്ന ഭക്ഷണവസ്തുക്കൾ. ശരീരം ചൊറിഞ്ഞ് തടിക്കുക, വായിലും നാവിലും ചൊറിച്ചിൽ, ഛർദി, വയറുവേദന, വയറിളക്കം, എന്നിവയാണ് പ്രധാന ലക്ഷണങ്ങൾ.

4. മരുന്നുകളോടുള്ള അലർജികൽ:

പെൻസിലിൻ, സൾഫാ, ചില വേദനസംഹാരികൾ തുടങ്ങിയവയാണ് സാധാരണയായി അലർജിയുണ്ടാക്കുന്നത്.

5. വിഷം അലർജി:

കടന്നൽ ,തേനീച്ച , ചില തരം ഉറുമ്പുകൾ, എന്നിവയുടെ വിഷം ചിലരിൽ ഗുരുതരമായ അലർജി ഉണ്ടാക്കാറുണ്ട്.

കരുതിയിരിക്കാം അലർജനുകളെ…


💢 ലോകമെമ്പാടും അലർജിരോഗങ്ങൾക്ക് കാരണമാകുന്ന വസ്തുക്കളാണ് വീട്ടുപൊടിയും, പൊടിയിൽ വളരുന്ന പൊടിച്ചെള്ളും . നമ്മുടെ തൊലിയിൽനിന്നും അടർന്നുവീഴുന്ന ശൽക്കങ്ങൾ , ഭക്ഷണ അവശിഷ്ടങ്ങൾ, വളർത്തുമൃഗങ്ങളുടെ രോമങ്ങൾ, തുടങ്ങിയവയുടെ മിശ്രിതമാണ് വീട്ടുപൊടി. പൊടിയിൽ വളരുന്ന, നഗ്നനേത്രങ്ങൾകൊണ്ട് കാണാൻ ആവാത്ത ചെറുജീവികൾ ആണ് പൊടിച്ചെള്ള്. അന്തരീക്ഷത്തിലെ ഈർപ്പം ആണ് ഈ പൊടിച്ചെള്ളുകളുടെ വളർച്ചയ്ക്ക് ഏറ്റവും അനുകൂലമായ ഘടകം.

💢 തിരക്കു പിടിച്ച ഇന്നത്തെ ജീവിതത്തിൽ നമുക്ക് മാനസിക ഉല്ലാസം നൽകുന്നവയാണ് വളർത്തുമൃഗങ്ങൾ. പക്ഷേ അലർജി രോഗങ്ങളിൽ പൂച്ച, പട്ടി എന്നിവയുമായുള്ള അടുത്ത് ഇടപഴകൽ പ്രശ്നങ്ങൾ സൃഷ്ടിച്ചേക്കാം. ഇവയുടെ തൊലി പുറത്തുള്ള ശൽക്കങ്ങൾ, മൂത്രം, തുപ്പൽ എന്നിവയിൽ അലർജിയുണ്ടാക്കുന്ന ഘടകങ്ങൾ ധാരാളം ഉണ്ട്.

💢 ആസ്മ, നാസിക അലർജി തുടങ്ങിയ അസുഖങ്ങളിൽ പ്രധാനപ്പെട്ട ഒരു വില്ലനാണ് ചിലതരം പൂമ്പൊടികൾ. പൂമ്പൊടികൾ പ്രധാനമായും രണ്ടുതരമുണ്ട്. കാറ്റിലൂടെ സ്വയം പറന്ന് പരാഗണം സംഭവിക്കുന്നവയും, ചിത്രശലഭം, വണ്ടുകൾ തുടങ്ങിയവയാൽ പരാഗണം നടക്കുന്നവയും . ചില മരങ്ങൾ, പുല്ലുകൾ, കളകൾ, തുടങ്ങിയവയുടെ പൂമ്പൊടികൾ, കാറ്റിലൂടെ പറന്ന് പരാഗണം നടക്കുന്നവയാണ്. ഇത്തരം പൂമ്പൊടികൾ ഭാരം കുറഞ്ഞവയും, എണ്ണത്തിൽ വളരെ കൂടുതലുള്ളവയുമാണ്. ഇവയാണ് സാധാരണ അലർജി , ആസ്മ രോഗങ്ങൾക്ക് കാരണമാകുന്നത് . അതേസമയം നമ്മുടെ പൂന്തോട്ടങ്ങളിൽ കാണുന്ന ആകർഷകമായ സൗരഭ്യം പരത്തുന്ന, ഭൂരിഭാഗം പൂക്കളും വലിയതോതിൽ അലർജി ആസ്ത്മ രോഗങ്ങൾക്ക് കാരണമാകുന്നില്ല എന്നതാണ് സത്യം. നമ്മുടെ നാട്ടിൽ കണ്ടുവരുന്ന കാറ്റാടിമരം, മഞ്ഞ വാക, കുങ്കുമപ്പൂമരം, ശീമക്കരിവേലം, തുടങ്ങിയവ ആസ്ത്മ, നാസിക അലർജി എന്നിവയ്ക്ക് കാരണമായേക്കാം.
അന്തരീക്ഷത്തിലുള്ള മറ്റു മാലിന്യങ്ങളുടെയും പുകപടലങ്ങളുടെയും സാന്നിധ്യം, പൂമ്പൊടി അലർജിയുടെ കാഠിന്യം വർദ്ധിപ്പിക്കും. നഗരങ്ങളിൽ പൂമ്പൊടികൾ സൃഷ്ടിക്കുന്ന പ്രശ്നങ്ങൾ വർദ്ധിക്കുന്നതിന്റെ കാരണം ഇതാണ്.

💢 പാശ്ചാത്യ രാജ്യങ്ങളിൽ ഓരോ മാസവും അതാത് സ്ഥലങ്ങളിലെ പൂമ്പൊടിയുടെ അളവുകൾ പത്രമാധ്യമങ്ങളിലൂടെ അറിയുവാനുള്ള സംവിധാനമുണ്ട്. പോളൻ കലണ്ടർ എന്നറിയപ്പെടുന്ന ഈ സംവിധാനം അലർജിമൂലം ഉണ്ടാകുന്ന  രോഗങ്ങൾക്ക് മുൻകരുതലുകൾ എടുക്കാൻ സഹായകമാണ്.

💢 അന്തരീക്ഷത്തിലുള്ള അലർജിക്ക് പുറമേ തൊലിപ്പുറത്തുണ്ടാകുന്ന കോൺടാക്ട് ഡെർമറ്റൈറ്റിസ് എന്ന രോഗമുണ്ടാക്കുന്ന പലയിനം ചെടികൾ നമ്മുടെ ചുറ്റുപാടുമുണ്ട്. അരളി, പൂച്ചെടി, മുള്ളിച്ചീര, ചൊറിയണം, എരുക്ക്, പാർത്തീനിയം തുടങ്ങിയ ചെടികൾ നേരിട്ട് ശരീരത്തിൽ തൊട്ടാൽ ചൊറിച്ചിൽ, തൊലി ചുവന്നു തടിക്കുക, എന്നീ രോഗലക്ഷണങ്ങൾ ഉണ്ടാകാം.

💢 ഇതിനൊക്കെ പുറമേ സിഗരറ്റുപുക, വാഹന പുക, സാമ്പ്രാണിത്തിരി കത്തിക്കുമ്പോഴുണ്ടാകുന്ന പുക, കൊതുകുതിരി/കൊതുക് മാറ്റ് സുഗന്ധലേപനങ്ങൾ തുടങ്ങി, പല വിധം വസ്തുക്കളും അലർജി, ആസ്ത്മ രോഗങ്ങൾ മൂർച്ഛിക്കാൻ കാരണമാകുന്നു.

■അലർജി രോഗനിർണ്ണയം

◆ തൊലിപ്പുറമെയുള്ള അലർജി ടെസ്റ്റിംഗ്(Allergy Skin testing):

സംശയിക്കുന്ന അലർജനുകൾ വളരെ ചെറിയ അളവിൽ തൊലിപ്പുറമേ കുത്തി വയ്ക്കുകയും അതിനോടുള്ള റിയാക്ഷൻ നോക്കി രോഗനിർണയം നടത്തുകയും ചെയ്യുന്നു. ഒരു നിശ്ചിത അളവിനേക്കാൾ കൂടുതൽ തൊലിയിൽ ചുവന്നുതടിച്ച് പാടുണ്ടാകുന്നുവെങ്കില്‍ ആ വസ്തുവിനോട് അലർജിയുണ്ടെന്നു സംശയിക്കാം.

◆സ്പെസിഫിക് ഐജിഈ ടെസ്റ്റിംഗ്(Specific IgE Testing):

അലർജനുകൾക്ക് എതിരെ രക്തത്തിലുണ്ടാകുന്ന IgE വിഭാഗം ആന്‍റിബോഡികളുടെ അളവ് നിർണ്ണയിക്കുന്ന ടെസ്റ്റ്. ഇതിന് താരതമ്യേന ചിലവ് വളരെ കൂടുതലാണ്.

◆ഫുഡ് ചാലഞ്ച് ടെസ്റ്റ്(Food Challenge Test):

അലർജി ഉണ്ടാക്കുന്നതായി സംശയിക്കുന്ന ഭക്ഷ്യവസ്തു ചെറിയ അളവിൽ തുടങ്ങി ഒരു നിശ്ചിത അളവു വരെ കൊടുത്തു രോഗലക്ഷണങ്ങൾ ഉണ്ടാകുന്നുണ്ടോ എന്ന് പരിശോധിക്കുന്നു. അവശ്യ ജീവൻരക്ഷാ സൗകര്യമുള്ള ആശുപത്രികളിൽ ഡോക്ടറുടെ സാന്നിധ്യത്തിൽ മാത്രമേ ഈ ടെസ്റ്റ് ചെയ്യാൻ പാടുള്ളൂ.

■ മുൻകരുതലുകൾ/ പ്രതിവിധികൾ:

  • ഏതുതരം അലർജിയുടെയും ചികിത്സയുടെ ആദ്യപടി അലർജനുകൾ ഒഴിവാക്കുക എന്നുള്ളതാണ്. കുട്ടികളിൽ ഇത് അത്ര പ്രായോഗികമല്ല. എങ്കിലും അലർജി രോഗങ്ങളിൽ ഒരു പ്രധാനവില്ലനായ വീട്ടു പൊടിയെയും ചെള്ളിനേയും നേരിടുന്നതിന് നിരവധി കാര്യങ്ങൾ ചെയ്യേണ്ടതായുണ്ട്.
  • അലർജിയുള്ള കുട്ടിയുടെ കിടപ്പുമുറിയിൽ നിന്നും പുസ്തകങ്ങൾ, കട്ടിയുള്ള കർട്ടനുകൾ , കാർപ്പറ്റുകൾ അലമാര എന്നിവ ഒഴിവാക്കുക. കിടക്ക , തലയിണ എന്നിവയ്ക്ക് നേർത്ത റെക്സിൻ കൊണ്ടുള്ള കവർ തയ്പ്പിച്ച് ഇടുക. തുന്നിയ സ്ഥലത്ത് പ്ലാസ്റ്റർ ഒട്ടിച്ച് ഭദ്രമാക്കുക. കഴിവതും വളർത്തുമൃഗങ്ങളെ വീടിന്റെ ഉള്ളിൽ നിന്നും ഒഴിവാക്കുക . ഏറ്റവും ചുരുങ്ങിയത് രണ്ട് വയസ്സു വരെയെങ്കിലും മുലയൂട്ടുക. പിൽക്കാലത്ത് അലർജി രോഗങ്ങളെ തടയാൻ ഇത് ഏറെ സഹായകമാകും.
  • പൂമ്പൊടി അലർജിയും ഒരു പരിധിവരെ നമുക്ക് തടയാനാകും. ആവശ്യമില്ലാത്ത കളകൾ, പുല്ലുകൾ എന്നിവ ചുറ്റുപാടുകളിൽനിന്ന് പിഴുതുമാറ്റുക. കുട്ടികൾ പുറത്ത് കളി കഴിഞ്ഞു വരുമ്പോൾ നിർബന്ധമായും കയ്യും മുഖവും വൃത്തിയായി കഴുകണം. അലർജിയുണ്ടാക്കുന്നവ എന്ന് തോന്നുന്ന മരങ്ങളുടെ തൊട്ടടുത്ത് കളിക്കുന്നത് ഒഴിവാക്കുക. അന്തരീക്ഷത്തിൽ പൂമ്പൊടിയും മറ്റ് പൊടിപടലങ്ങളും കൂടുതലുള്ളപ്പോൾ ഒരു ഫെയ്സ് മാസ്ക് ഉപയോഗിക്കുന്നതും നല്ലതാണ്.
  • ഇതിനൊക്കെപ്പുറമേ കൊതുകുതിരി
    /മാറ്റ് ചന്ദനത്തിരി സുഗന്ധലേപനങ്ങൾ എന്നിവയും പരമാവധി ഉപയോഗിക്കാതിരിക്കുക. പുക പരമാവധി കുറയ്ക്കുക. കഴിയുമെങ്കിൽ ഗ്യാസ് സ്റ്റൗ അല്ലെങ്കിൽ ഇൻഡക്ഷൻ കുക്കർ മാത്രം ഉപയോഗിക്കുക.

■ ചികിത്സയിലെ വെല്ലുവിളികൾ:

മണ്ണിലും പൊടിയിലും കളിക്കുകയും, പുതിയ ഭക്ഷണങ്ങൾ പരീക്ഷിക്കുകയും ചെയ്യുന്ന പ്രായമായതിനാൽ ,അലർജിൻ നിയന്ത്രണം താരതമ്യേന ബുദ്ധിമുട്ടാണ്.

💢സ്വന്തം രോഗലക്ഷണങ്ങൾ കൃത്യമായി പറയുക എന്നത്‌ ചെറിയ കുട്ടികളിൽ സാധ്യമായെന്നു വരില്ല. അതിനാൽ രോഗനിർണയവും തുടർചികിത്സയും ദുർഘടമാകുന്നു .

💢ഇൻഹേലർ ,മൂക്കിലടിക്കുന്ന സ്‌പ്രേ എന്നിവയെക്കുറിച്ചുള്ള തെറ്റിദ്ധാരണകൾ മൂലം യഥാസമയത്തു കൃത്യമായ ചികിത്സ കിട്ടാതെ പോകുന്നു.

💢കുട്ടികളിലെ അലർജിയിൽ തുടക്കത്തിലേയുള്ള രോഗനിർണ്ണയവും, ചികിത്സയും ഏറെ പ്രധാനമാണ്‌ .അനാവശ്യമായ നിഷ്കർഷകളും നിബന്ധനകളും ഇതിനാവശ്യമില്ല. ഒരു ഡോക്ടറുടെ നിർദ്ദേശപ്രകാരം മാത്രം ഇതു ചെയ്യുക. പ്രകൃതിയിലെ നിറങ്ങളും ,മണങ്ങളും ,രുചികളും എല്ലാ കുട്ടികളുടെയും അവകാശമാണ്. ബാല്യകാലത്തിന്റെ നിറം മങ്ങാതിരിക്കാൻ എറ്റവും മെച്ചപ്പെട്ട ചികിത്സ എറ്റവും നേരത്തെ നൽകണം. അലർജിക്ക് എതിരെയുള്ള പോരാട്ടത്തിൽ നമുക്കൊറ്റക്കെട്ടായി മുന്നേറാം ..

 

Read : പേരയ്ക്ക

മുടികൊഴിച്ചിൽ

കഞ്ഞിവെള്ളം കുട്ടികൾക്ക്

കൂടുതൽ അറിയാൻ: മലയാളം ആരോഗ്യ ടിപ്സ്

 

കുട്ടികളിലെ പനി – അമ്മമാർ അറിഞ്ഞിരിക്കേണ്ടതെന്തെല്ലാം !

കുട്ടികളിലെ പനി

കുട്ടികളിലെ പനി – അമ്മമാർ അറിഞ്ഞിരിക്കേണ്ടതെന്തെല്ലാം !


💥പനിയെ നേരിടേണ്ട വിധം💥

കുട്ടികളിലെ പനി വരുമ്പോഴെക്ക് രക്ഷിതാക്കള്‍ നെഞ്ചിടിപ്പ് കൂട്ടുന്നതിനു പകരം ചില കാര്യങ്ങള്‍ ശ്രദ്ധിച്ചാല്‍ പനി ഒരു പണിയായി മാറാതെ സൂക്ഷിക്കാം.

കുട്ടികളിലെ പനി അളക്കുന്നതിന് വീട്ടില്‍ എപ്പോഴും ഒരു തെര്‍മോമീറ്റര്‍ ഉണ്ടായിരിക്കണം. മെര്‍ക്കുറി ഉപയോഗിക്കുന്ന സാധാരണ തെര്‍മോമീറ്ററിനെ അപേക്ഷിച്ച് ഡിജിറ്റല്‍ തെര്‍മോമീറ്റര്‍ ആണ് സുരക്ഷിതം . അബദ്ധത്തില്‍ കൈയില്‍ നിന്ന് വീണാല്‍ പോലും വിഷവസ്തുവായ മെര്‍ക്കുറി നിങ്ങളുടെ കുഞ്ഞിനു കൈയെത്തുന്നിടത്ത് പരക്കുന്നതൊഴിവാക്കാന്‍ ഇത് സഹായിക്കും.

കുട്ടികളിലെ പനിയെ, ‘നല്ല പനി/ഇടത്തരം പനി/കുഞ്ഞന്‍പനി’ എന്ന് അമ്മയോ രക്ഷിതാവോ പറയുന്നതിന് പകരം ഓരോ മണിക്കൂറിലും കുഞ്ഞിന്റെ ചൂട് തെര്‍മോമീറ്റര്‍ വെച്ച് അളന്നു എഴുതി വെക്കുകയാണെങ്കില്‍ (documented fever) അത് കുഞ്ഞിനെ ചികിത്സിക്കുന്ന ഡോക്ടര്‍ക്ക് ഒരു മുതല്‍കൂട്ടായിരിക്കും.

മെര്‍ക്കുറി തെര്‍മോമീറ്റര്‍ ഒരു മിനിറ്റ് തികച്ചും ശരീരത്തില്‍ വെച്ചിട്ടുണ്ട് എന്നുറപ്പ് വരുത്തണം. കുട്ടികളിലെ പനി അളക്കാൻ ഡിജിറ്റല്‍ തെര്‍മോമീറ്ററുകള്‍ ബീപ് ശബ്ദം ഉണ്ടാക്കുന്നത് വരെ വെച്ചിരുന്നാല്‍ മതി. വായില്‍ വെച്ചാണ് പനിച്ചൂട് അളക്കുന്നതെങ്കില്‍, ചൂട് നോക്കുന്നതിനു തൊട്ടു മുന്‍പ് കുഞ്ഞ് ചൂടുള്ളതോ തണുപ്പുള്ളതോ ആയ ഒന്നും കഴിച്ചിട്ടില്ല എന്നുറപ്പ് വരുത്തുക. തെറ്റായ ഊഷ്മാവ് കാണിച്ചു തെര്‍മോമീറ്റര്‍ നമ്മളെ പറ്റിക്കാതിരിക്കാനുള്ള മുന്‍കരുതല്‍ ആണിത്.

കുട്ടികളിലെ പനി ആയാലും  ഏറ്റവുമാദ്യം ചെയ്യാവുന്ന ഒന്നാണ് നനച്ചു തുടക്കല്‍ (tepid sponging). ഇതൊരിക്കലും തണുത്തവെള്ളം കൊണ്ടോ ചൂടുവെള്ളം കൊണ്ടോ അല്ല ചെയ്യേണ്ടത്. പകരം, സാധാരണ ഊഷ്മാവില്‍ ഉള്ള വെള്ളം കൊണ്ട് കുഞ്ഞിന്റെ ശരീരം മുഴുവന്‍ നനച്ചു തുടക്കണം. കക്ഷം,തുടയുടെ മേല്‍ഭാഗത്തെ മടക്കില്‍ ചൂട് തങ്ങി നില്‍ക്കുന്നയിടം എന്നിവിടങ്ങളില്‍ കൂടുതല്‍ നന്നായി തുണി കൊണ്ട് നനച്ചു തുടച്ചു ചൂട് കുറക്കണം.

കുട്ടികളിലെ പനിയ്ക്ക്  സാധാരണ കൊടുക്കുന്ന മരുന്നായ പാരസെറ്റമോള്‍ വീട്ടില്‍ സൂക്ഷിക്കുന്നത് നല്ലതാണ്. ആധുനികവൈദ്യത്തില്‍ മരുന്ന് നല്‍കുന്നത് പ്രായത്തിന് അനുസരിച്ചല്ല, ശരീരഭാരത്തിന് അനുസരിച്ചാണ്. ഉദാഹരണത്തിന് പാരസെറ്റമോള്‍ ഡോസ്10- 15 mg/kg ഡോസ് എന്നതാണ്. അതായത് പത്തു കിലോ ഭാരമുള്ള ഒരു കുട്ടിക്ക് ഒരു നേരം 150 പാരസെറ്റമോള്‍ ആണ് പരമാവധി ഡോസ്. ഇത് പോലെയുള്ള കണക്ക് ഓരോ മരുന്നിനുമുണ്ട്.

താരതമ്യേന സുരക്ഷിതമായ മരുന്നാണിത്. ലിവറിനെ ബാധിക്കുന്ന മഞ്ഞപിത്തം പോലുള്ള അസുഖങ്ങള്‍ ഉള്ളപ്പോള്‍ പോലും അറിയാതെ കുഞ്ഞിനു ഒരു നേരം പാരസെറ്റമോള്‍ കൊടുത്തു പോയി എന്നതൊന്നും ഓര്‍ത്തു തീ തിന്നേണ്ട ആവശ്യമില്ല. ഓവര്‍ഡോസ് എന്ന അപകടമൊഴിച്ചാല്‍ സാധാരണ ഗതിയില്‍ ഭയക്കാനും ഒന്നുമില്ലെന്ന് തന്നെ പറയാം.

ഇത് പോലെയല്ല മെഫനെമിക് ആസിഡ്, ഇബുപ്രോഫെന്‍ പോലെയുള്ള പനി മരുന്നുകള്‍. ഇവ ഉപയോഗിക്കാവുന്ന അവസ്ഥയും ഉപയോഗിക്കരുതാത്ത അവസ്ഥയുമുണ്ട്. ഉദാഹരണത്തിന്, ഡെങ്കിപ്പനി ഉള്ള കുട്ടിക്ക് പനി പെട്ടെന്ന് മാറുമെന്ന് പറഞ്ഞു മെഫാനെമിക് ആസിഡ് അടങ്ങിയ മരുന്ന് കൊടുത്താല്‍ ദഹനവ്യവസ്ഥയില്‍ രക്തസ്രാവം ഉണ്ടാകാം. ഇത്തരം പ്രശ്നങ്ങള്‍ വേറെയുമുണ്ട്. ഈ മരുന്ന് കുഴപ്പക്കാരന്‍ ആണെന്നല്ല പറഞ്ഞു വരുന്നത്, ഉപയോഗിക്കുമ്പോള്‍ അത് നിര്‍ബന്ധമായും ഒരു ഡോക്ടറുടെ മേല്‍നോട്ടത്തില്‍ ആയിരിക്കണം എന്നാണ്.

‘ജലദോഷപ്പനി’ എന്ന് ഓമനപ്പേരിട്ടു വിളിക്കുന്ന വൈറല്‍ ഫീവര്‍ കുറയാന്‍ ഇത്രയൊക്കെ തന്നെ ധാരാളം. കൂടാതെ ധാരാളം വിശ്രമവും ശരീരത്തില്‍ യഥേഷ്ടം ജലാംശവും ഉണ്ടാകണം. വെള്ളം കുടിക്കണം എന്ന് പറയുമ്പോഴെക്ക് ‘പൊടി കുറഞ്ഞ മധുരം കുറഞ്ഞ കട്ടന്‍ ചായ അല്ലെങ്കില്‍ കട്ടന്‍കാപ്പി’ എന്ന ദിവ്യദ്രാവകം വിത്ത്‌ റസ്ക്/ ബ്രെഡ്‌എന്ന ചിന്ത മനസ്സില്‍ പോയെങ്കില്‍ ഒരു വാക്ക്.

ചായയും കാപ്പിയും ശരീരത്തില്‍ ഉള്ള വെള്ളം വലിച്ചു പുറത്തു കളയുന്ന വസ്തുക്കളാണ്. ശരീരത്തിലെ ജലാംശം നിലനിര്‍ത്താന്‍ ഇവ സഹായിക്കില്ല.തിളപ്പിച്ചാറിയ വെള്ളം, കഞ്ഞിവെള്ളം, തണുപ്പില്ലാത്ത ജ്യൂസ്, കരിക്കിന്‍വെള്ളം തുടങ്ങിയവ വളരെ നല്ലതാണ്.ബ്രെഡ്‌/റസ്ക് എന്നിവയ്ക്ക് പനിയുമായുള്ള ബന്ധം ഒരു തരം പൊക്കിള്‍കൊടി ബന്ധമായി നാട്ടുകാര്‍ അംഗീകരിച്ചതാണെങ്കില്‍ കൂടിയും, അതിലും വലിയ കാര്യമില്ല. കഞ്ഞി, പച്ചക്കറികള്‍, പഴങ്ങള്‍, എളുപ്പം ദഹിക്കുന്ന വീട്ടിലുണ്ടാക്കിയ ഭക്ഷണങ്ങള്‍ തുടങ്ങിയവ ധൈര്യമായി കഴിക്കാം. പട്ടിണി കിടന്നു പനി മാറ്റാന്‍ ശ്രമിച്ചാല്‍ പനിയൊട്ടു മാറാനും പോകുന്നില്ല, ക്ഷീണം ഏറുകയും ചെയ്യും. കുഞ്ഞിനു ഭക്ഷണം വേണ്ടെന്നു പറഞ്ഞാല്‍ പോലും സ്നേഹിച്ചു ഊട്ടുക.

ഇത്രയൊക്കെ ചെയ്തിട്ടും, കുഞ്ഞിനു പനി കുറയുന്നില്ലെങ്കില്‍, അടുത്ത നടപടിയായി ആശുപത്രി പിടിക്കുക തന്നെ വേണം. വെപ്രാളം പിടിച്ചു ഓടി വരാനുള്ള കാരണങ്ങള്‍ ഇപ്പോഴും പറഞ്ഞിട്ടില്ല. ഒരു കാരണവശാലും ഡോക്ടറെ കാണല്‍ നീട്ടികൊണ്ട് പോകാന്‍ പാടില്ലാത്ത പനിയവസരങ്ങള്‍ തിരിച്ചറിയല്‍ അത്യാവശ്യമാണ്. അവയെ ഒന്നോടിച്ചു വായിക്കാം.

💥*ചികിത്സ വൈകിക്കരുത്💥

നവജാതശിശുവിന് വരുന്ന പനി

ഇരുപത്തെട്ടു ദിവസത്തിനുള്ളില്‍ കുഞ്ഞിനു പനി വരുന്നത് അപകടകരമാണ്. അണുബാധ കൊണ്ടുള്ള അപകടകരമായ സെപ്സിസ് ആയിരിക്കാം. എന്റെ കുഞ്ഞിനു അണുബാധയൊന്നും വരില്ല എന്ന മുന്‍വിധി വേണ്ട. പൊക്കിളിനു ചുറ്റും ഉണ്ടാകുന്ന നേരിയ തിളക്കമുള്ള ചുവപ്പും നീരും അവഗണിക്കുന്നത് പോലും പിന്നീടു സാരമായ അണുബാധക്ക് വഴി വെക്കുന്ന അവസരങ്ങള്‍ ഉണ്ടാകാറുണ്ട്. കുഞ്ഞിന്റെ പ്രതിരോധവ്യവസ്ഥക്ക് പക്വതയെത്തിയിട്ടില്ല എന്നറിയുക.

മറ്റൊരു സാധ്യതയുള്ളത് മുലപ്പാല്‍ കുറവുള്ള അമ്മമാരുടെ കുഞ്ഞുങ്ങള്‍ക്ക് നിര്‍ജലീകരണം കൊണ്ടുണ്ടാകുന്ന ‘ഡീഹൈട്രേഷന്‍ ഫീവര്‍’ ആണോ ഇതെന്നത്‌ മാത്രമാണ്. അത് കണ്ടു പിടിക്കണമെങ്കിലും ഒരു ശിശുരോഗവിദഗ്ധന്‍റെ സഹായയും ഉപദേശവും ആവശ്യമാണ്. അതായത് നവജാതശിശുവിന് വരുന്ന പനിക്ക് ഡോക്ടറെ കാണാതിരിക്കാന്‍ പാടില്ല.

പൊതുവേ കളിച്ചു തിമിര്‍ത്തു നടക്കുന്ന കുട്ടി തളര്‍ന്നു കിടക്കുന്നത് അത്ര നല്ല ലക്ഷണമല്ല. വൈറല്‍ ഫീവര്‍ ആകുമ്പോള്‍ ഇടയ്ക്കു തളര്‍ന്നു കിടക്കും, പനി വിടുമ്പോള്‍ ഓടി നടക്കും. സാരമായ കാരണങ്ങള്‍ കൊണ്ടുള്ള പനിക്ക് ഈ ഇടവേള പോലും ഉണ്ടായിക്കോളണമെന്നില്ല. മുലപ്പാല്‍ കുടിക്കാന്‍ മടി, നിര്‍ത്താതെയുള്ള കരച്ചില്‍, കടുത്ത വാശി എന്നിവയും നിസ്സാരമാവണമെന്നില്ല.

ഭക്ഷണം കഴിക്കാന്‍/ ശരീരത്തില്‍ ഭക്ഷണം നിലനിര്‍ത്താന്‍ കഴിയുന്നില്ലെങ്കില്‍ ഉടന്‍ വൈദ്യസഹായം തേടണം. പേരിനു കുറച്ചു തിന്നാന്‍ വേണ്ടായ്ക എല്ലാ പനിക്കും പറഞ്ഞിട്ടുള്ളതാണ്. പക്ഷെ, കുഞ്ഞ് ഒന്നും കഴിക്കാന്‍ കൂട്ട് വെക്കുന്നില്ലെങ്കിലോ, കഴിക്കുന്നത്‌ മുഴുവന്‍ ഛർദ്ദിക്കുകയോ വയറിളക്കം അനുഭവപ്പെടുകയോ ചെയ്‌താല്‍ ഉടന്‍ ആശുപത്രിയില്‍ എത്തിക്കണം. നിര്‍ജലീകരണം മുതിര്‍ന്നവരേക്കാള്‍ വേഗത്തില്‍ കുഞ്ഞുങ്ങളെ തളര്‍ത്തും. മൂത്രത്തിന്റെ അളവ് പ്രത്യേകം ശ്രദ്ധിക്കണം. ശരീരത്തിലെ ജലാംശം ക്രമാതീതമായി കുറഞ്ഞാല്‍ വൃക്കയുടെ പ്രവര്‍ത്തനം താല്‍ക്കാലികമായി തകരാറിലാകാം. കുഞ്ഞ് തീരെ മൂത്രമൊഴിക്കാതിരിക്കുന്ന അവസ്ഥ അപകടകരമാണ്.

കുട്ടി വിളിച്ചിട്ട് മിണ്ടാതിരിക്കുകയോ ബോധം മറയുകയോ അപസ്മാരലക്ഷണം കാണിക്കുകയോ ചെയ്‌താല്‍ ഒരു കാരണവശാലും വെച്ച് താമസിപ്പിക്കരുത്.

ശരീരത്തില്‍ ചുവന്ന പൊങ്ങിയ പാടുകള്‍ ഉണ്ടായാല്‍ പ്രത്യേകം ശ്രദ്ധിക്കണം. അഞ്ചാംപനി, ചിക്കന്‍പോക്സ്, തക്കാളിപ്പനി, ഡെങ്കിപ്പനി തുടങ്ങി ചില മരുന്നുകളുടെ അലര്‍ജിയായി പോലും ദേഹത്ത് പാടുകള്‍ വരാം. ചുവന്ന പാടുകളുടെ കാരണം തീരുമാനിക്കേണ്ടത് ഡോക്ടര്‍ ആണ്. കുഞ്ഞുങ്ങള്‍ക്ക്‌ കൃത്യമായി കുത്തിവെപ്പുകള്‍ എടുത്തു എന്നുറപ്പ് വരുത്തേണ്ടത് രക്ഷിതാക്കളുടെ ഉത്തരവാദിത്ത്വവും.

കുഞ്ഞിന്റെ ശ്വസനത്തില്‍ ഉള്ള വ്യതിയാനം, പുറത്തേക്ക് കേള്‍ക്കുന്ന വലിവ്, കുറുകുറുപ്പ് എന്നിവയും അവഗണിക്കരുത്.

ഇതിലേത് തന്നെയായാലും കുഞ്ഞിന് കൃത്യമായ വൈദ്യസഹായം ലഭിച്ചെന്നു ഉറപ്പ് വരുത്തെണ്ടതുണ്ട്. തീര്‍ന്നിട്ടില്ല, ആശുപത്രിയില്‍ എത്തിക്കഴിഞ്ഞും ശ്രദ്ധിക്കേണ്ട കാര്യങ്ങളുണ്ട്.

രോഗലക്ഷണങ്ങള്‍, നിങ്ങള്‍ എഴുതി രേഖപ്പെടുത്തിയ temperature chart ഉള്‍പ്പെടെ ഡോക്ടറുമായി പങ്കു വെക്കുന്നത് രോഗനിര്‍ണയം എളുപ്പമാക്കും. ഓര്‍ക്കുക, ചികിത്സിക്കേണ്ടത് പനിയെ അല്ല, പനിയുടെ കാരണത്തെയാണ്. അതിനു നിങ്ങളുടെ സഹായം കൂടിയേ തീരൂ.

ശരീരതാപനില ക്രമാതീതമായി കൂടുന്നത് അഞ്ചു വയസ്സിനു താഴെയുള്ള കുട്ടികള്‍ക്ക് അപസ്മാരമുണ്ടാക്കാം (febrile seizure). ഈ കാരണം കൊണ്ട് തന്നെയാണ് അവര്‍ക്ക് പനി തുടങ്ങുമ്പോള്‍ തന്നെ നനച്ചു തുടക്കാനും മരുന്ന് കൊടുക്കാനും ശ്രദ്ധിക്കണമെന്ന് ആവര്‍ത്തിച്ചു പറയുന്നത്.

കൂടി അപസ്മാരം വന്ന കുട്ടികളുടെ രക്ഷിതാക്കള്‍ കുഞ്ഞിനു വീണ്ടും പനിക്കുന്നു എന്ന് കണ്ടാല്‍ ഉടന്‍ തന്നെ പനിക്കുള്ള മരുന്നും നനച്ചു തുടക്കലും ആരംഭിക്കണം. കൂടാതെ, ഡോക്ടര്‍ പറഞ്ഞു തന്ന മറ്റു മുന്‍കരുതലുകളും എടുക്കണം (അപസ്മാരം തടയാനുള്ള ഗുളിക ഉള്‍പ്പെടെയുള്ളവ). ഫെബ്രൈല്‍ സീഷര്‍ എന്ന ഈ അപസ്മാരം നിങ്ങളുടെ കുഞ്ഞിന്റെ മസ്തിഷ്കത്തെ സാരമായി ബാധിക്കുമെന്നോ അവരുടെ ബൗദ്ധികവളര്‍ച്ചയെ തകിടം മറിക്കുമെന്നോ ഒന്നും ഭയപ്പെടേണ്ടതില്ല എന്ന് മാത്രമല്ല, ആറ് വയസ്സോടെ ഈ അവസ്ഥ ഏതാണ്ട് പൂര്‍ണമായും മാറുകയും ചെയ്യും.
ഈ കുട്ടികള്‍ക്കുള്ള മരുന്ന് എപ്പോഴും കൈയെത്തുന്നിടത്ത് ഉണ്ടായിരിക്കണം. പക്ഷെ, കുട്ടികള്‍/വൃദ്ധര്‍/മാനസിക രോഗികള്‍ എന്നിവര്‍ക്ക് കിട്ടുന്ന രീതിയില്‍ ഒരു മരുന്നും ഉണ്ടാകാന്‍ പാടുള്ളതല്ല.

മുലയൂട്ടുന്ന കുഞ്ഞിനു ഏതൊരു അസ്വസ്ഥത ഉണ്ടെങ്കിലും മുലയൂട്ടല്‍ തുടരുക തന്നെ വേണം. മറ്റേതൊരു മരുന്നിനോളം തന്നെ പ്രാധാന്യമുള്ളതാണ് അമ്മയുടെ ശരീരം കുഞ്ഞിനായി മാത്രമുണ്ടാക്കുന്ന ഈ അമൃത്. ഛർദ്ധിയോ വയറിളക്കമോ പനിയോ കരച്ചിലോ പാല് കൊടുക്കാതിരിക്കാനുള്ള കാരണമല്ല.

അവസാനം പതിവ് പോലെ പനി എങ്ങനെ തടയാം എന്ന ചോദ്യത്തില്‍ എത്തിയ സ്ഥിതിക്ക് അത് കൂടി പറയാം. പനി വരുന്നത് പേടിക്കേണ്ട കാര്യമൊന്നുമല്ല. അല്പം വിവേകത്തോടെ പനിയെ കാണാന്‍ പഠിച്ചാല്‍ മാത്രം മതി. നവജാതരില്‍ പനി സാധാരണമല്ലാത്തത് കൊണ്ട് പ്രത്യേകം ശ്രദ്ധിക്കുക.അംഗന്‍വാടിയില്‍ ചേര്‍ന്ന പൂമ്പാറ്റക്കുഞ്ഞുങ്ങള്‍ക്ക് കൂട്ടമായൊരു പനി പതിവാണ്. ആദ്യമായി അവര്‍ സമൂഹവുമായി ഇടപഴകിയതല്ലേ, അതുണ്ടാകും. അവരിനിയും പോയി പാടിയും പഠിച്ചുമിരിക്കട്ടെ. അവരെ തടയേണ്ട.

അല്പം മുതിര്‍ന്നു കഴിഞ്ഞ കുസൃതിക്കുടുക്കകള്‍ക്ക് പനി വന്നാല്‍ അവരെ നനച്ചും തുടച്ചും നെഞ്ചോടു ചേര്‍ത്തുമിരിക്കുക. കുറുമ്പ് കൂടുകയോ വയ്യാതാവുകയോ ചെയ്‌താല്‍ നമുക്ക് ഡോക്ടറെ കാണിക്കാം. പിന്നെ, ഡോക്ടറുടെ നിര്‍ദേശങ്ങള്‍ കൃത്യമായി പാലിക്കാം. വാക്സിനുകള്‍ ചില പനികളില്‍ നിന്നവരെ രക്ഷിക്കും. അതവരുടെ അവകാശവും അവര്‍ക്ക് നല്‍കല്‍ നമ്മുടെ കടമയുമാണ്. അത് മറക്കാതിരിക്കാം. അവര്‍ക്ക് നല്ല ഭക്ഷണമുണ്ടാക്കി നല്‍കാം. അവരോടൊപ്പം കളിയ്ക്കാന്‍ കൂടാം, അവരറിയാതെ അവരുടെ വളര്‍ച്ച കാണാം, കൗതുകം കൊള്ളാം .

ചെറിയ ഉവ്വാവു ഒന്നും സാരമില്ലെന്നേ…കുഞ്ഞുങ്ങളല്ലേ…❣

Read : ജ്വരജന്നി

മുലപ്പാൽ ആദ്യ രുചി അമൃതം

കുട്ടികളുടെ കണ്ണുകൾക്കുള്ള പരിചരണം. 

കൂടുതൽ അറിയാൻ: മലയാളം ആരോഗ്യ ടിപ്സ്

കുട്ടികളുടെ കണ്ണുകൾ – പരിചരണവും സംരക്ഷണവും

കുട്ടികളുടെ കണ്ണുകൾ - പരിചരണവും സംരക്ഷണവും

കുട്ടികളുടെ കണ്ണുകൾ – പരിചരണവും സംരക്ഷണവും

കുട്ടികളുടെ കണ്ണിനെ ബാധിക്കുന്ന പ്രശ്നങ്ങളെക്കുറിച്ച് അമ്മമാർ അറിയേണ്ടതെല്ലാം

നിങ്ങളുടെ കുഞ്ഞിന്റെ കണ്ണുകൾ വൃത്തിയാക്കുകയും സംരക്ഷിക്കുകയും അവയുടെ വികാസത്തിൽ നല്ലവണ്ണം ശ്രദ്ധിക്കുകയും ചെയ്യുക. ക്യാരറ്റ്, മധുരക്കിഴങ്ങ് തുടങ്ങിയവപോലെ വൈറ്റമിൻ എ സമ്പുഷ്ടമായ പഴങ്ങളും പച്ചക്കറികളും കുഞ്ഞിന്റെ ഭക്ഷണത്തിൽ ഉൾപ്പെടുത്തേണ്ടത് അത്യാവശ്യമാണ്. വൈറ്റമിൻ എ കണ്ണിന് ആരോഗ്യം നൽകുന്നതിനും നേത്രരോഗങ്ങളെ പ്രതിരോധിക്കുന്നതിനും സഹായിക്കുന്നതിനും പുറമെ, കുട്ടിയുടെ ചർമ്മത്തിന്റെ ആരോഗ്യവും മെച്ചപ്പെടുത്തുന്നു.

ശ്രദ്ധയോടെ വൃത്തിയാക്കുക

കണ്ണുകൾ

1. കൊച്ചുകുട്ടിയുടെ കണ്ണുകൾക്ക് ചുറ്റുമുള്ള ചർമ്മം വളരെ കട്ടി കുറഞ്ഞതും മൃദുലവുമാണ്.
2. കുഞ്ഞിന്റെ മുഖം കഴുക്കുന്ന അവസരങ്ങളിൽ ഇവിടെ ഉരച്ചു കഴുകരുത്.
3. കുളിപ്പിക്കുന്ന സമയത്ത് കുഞ്ഞിന്റെ കണ്ണിന് ചുറ്റുമുള്ള ഭാഗങ്ങളിൽ മൃദുവായി ഉരച്ചു കഴുകുക.
4. ഉണങ്ങിപ്പിടിച്ച അഴുക്ക്, ഇളം ചൂടു വെള്ളത്തിൽ ഒരു തുണി നനച്ച് മൃദുവായി തുടച്ചു കളയുക.

പരുക്കുകളിൽ നിന്നുള്ള സംരക്ഷണം.

കണ്ണുകൾ - പരുക്കുകളിൽ നിന്നുള്ള സംരക്ഷണം.

1. നിങ്ങളുടെ കുഞ്ഞിന്റെ കണ്ണുക്കൾക്ക്‌ ഹാനി വരുത്താവുന്ന അല്ലെങ്കിൽ ആഘാതം നൽകാവുന്ന വസ്തുക്കൾ കണ്ടെത്തി നീക്കം ചെയ്യുക.
2. പൊടിപടലങ്ങൾ സൃഷ്ടിക്കുമെന്നതിനാൽ ,പണിയായുധങ്ങൾ ഉപയോഗിച്ച് ജോലിചെയ്യുമ്പോൾ കുട്ടിയെ അകലേക്ക് മാറ്റുക.
3. സമ്പർക്കം ഉണ്ടായാൽ കണ്ണുകൾക്ക് അസ്വസ്ഥത ഉണ്ടാക്കുമെന്നതിനാൽ ക്ലീനറുകൾ കുട്ടികൾക്ക് എത്താവുന്ന സ്ഥലത്തു നിന്ന് മാറ്റി വെയ്ക്കുക.

സൂര്യനിൽ നിന്നുള്ള സംരക്ഷണം

1. വളരെയധികം സൂര്യപ്രകാശം ഉണ്ടെങ്കിൽ അസ്വസ്ഥത മൂലം കുട്ടികൾക്ക് കൊങ്കണ്ണു ഉണ്ടാവാം .
2. വീതിയുള്ള അരികുള്ള തൊപ്പി അല്ലെങ്കിൽ സൺഗ്ലാസ് ധരിപ്പിച്ച് കണ്ണുകൾക്ക് സംരക്ഷണം നൽകുക.
3. കുട്ടികൾ ചാടി കളിക്കുമ്പോൾ സൺ ഗ്ലാസിന്റെ സ്ഥാനം തെറ്റാതിരിക്കാനായി സ്പോർട്സ് ബാൻഡ് ഉപയോഗിക്കുക.

നേത്ര പരിശോധന ആസൂത്രണം ചെയ്യുക.

1. മറ്റുള്ളവർ കാണുന്ന അതേ വസ്തുക്കൾ അതേ ദൂരത്തിൽ വച്ച് കാണാൻ കഴിയാതിരിക്കുന്നത്.
2. ഇടയ്ക്കിടെ ചെരിഞ്ഞ് നോക്കേണ്ടി വരിക.
3. ചില അവസരങ്ങളിൽ കൊങ്കണ്ണു ഉണ്ടാവുക.

Related Topic ;

മുലപ്പാൽ ആദ്യ രുചി അമൃതം

കുഞ്ഞുവാവയുടെ കുളി – എന്തിന്? എങ്ങനെ?

മുരിങ്ങയില – കുട്ടികളുടെ ഭക്ഷണത്തിൽ

കൂടുതൽ അറിയാൻ: മലയാളം ആരോഗ്യ ടിപ്സ്