ഇലക്കറികൾ – കുഞ്ഞുരുളയിൽ അല്പം
ഇലക്കറികൾ എന്നും ആരോഗ്യം നിലനിർത്തുന്നതിനുള്ള ഒരു നല്ല ഉപാധിയാണ്. ധാരാളം വിറ്റമിൻസ് അടങ്ങിയ ഈ ഭക്ഷണം എന്നും ആഹാരത്തിൽ ഉൾപ്പെടുത്തിയാൽ ഷുഗർ, പ്രഷർ മുതാലായ അസുഖങ്ങളെ നമുക്ക് ഒരു പരിധി വരെ തടയാം.
കുഞ്ഞുരുളയിൽ ഇനിയെന്നും അല്പം ഇലക്കറികളും കൂടി ആകാം.
ഇലക്കറികളുടെ ഈ ഗുണങ്ങൾ അറിഞ്ഞാൽ കുഞ്ഞിന്റെ ഭക്ഷണത്തിൽ നിന്നും നമുക്ക് ഇനി ഇത് ഒഴിവാക്കാൻ കഴിയില്ല.എങ്കിൽ പിന്നെ ഏത് കഴിക്കണം, എങ്ങനെ കഴിക്കണം, എത്ര കഴിക്കണം, എന്ന് കൂടി അറിഞ്ഞാലോ?
✅ വൈറ്റമിൻ എ സമൃദ്ധമായുണ്ട് ഇലക്കറികളിൽ. കാഴ്ചക്ക് അത്യന്താപേക്ഷിതമായ വൈറ്റമിൻ എ വളർച്ചയിലും ബുദ്ധിവികാസത്തിലും ,രോഗ പ്രതിരോധത്തിലുമെല്ലാം വളരെ പ്രധാന പങ്ക് വഹിക്കുന്നുണ്ട്. നൂറു ഗ്രാം ചീരയിൽ നമുക്ക് ദിവസേന ആവശ്യമായ വൈറ്റമിൻ എ യുടെ 87% അടങ്ങിയിട്ടുണ്ട്.
✅ വൈറ്റമിൻ കെ യും ഇലക്കറികളിൽ ധാരാളമുണ്ട്.കൂടാതെ വൈറ്റമിൻ സി യും ചില ബി കോംപ്ലക്സ് വൈറ്റമിനുകളും ഇലക്കറികളുണ്ട്.
✅ ഇരുമ്പ് സത്തിന്റെ ഒരു പ്രധാന ഉറവിടമാണ് ഇവ. വിളർച്ച ഒഴിവാക്കാൻ ഗർഭിണികൾക്കും കുട്ടികൾക്കും ഇവ എത്ര വിശേഷപ്പെട്ടതാണെന്ന് എടുത്തു പറയേണ്ടല്ലോ അല്ലേ ..
✅ ബലമുള്ള എല്ലിനും പല്ലിനും കാൽസ്യം വേണമെന്ന് നിങ്ങൾക്കറിയാമല്ലോ. അത്യാവശ്യത്തിന് കാത്സ്യവും മഗ്നീഷ്യവും ഇലക്കറികളിലുണ്ട്. കരുത്താർന്ന്‌ നമ്മുടെ കുട്ടികൾ വളരാൻ അത് സഹായകമാകും.
✅ നാരുകളാൽ സമ്പുഷ്ടമാണ് ഭക്ഷ്യയോഗ്യമായ ഇലകൾ. അത് ശോധന സുഗമമാക്കാനും മലബന്ധം മാറാനും സഹായിക്കുന്നവയാണ്.
✅ ഇലക്കറികളിൽ ഉള്ള ഫ്ലാവനോയിഡുകളും ആന്റി ഓക്സിഡൻറുകളും നമ്മുടെ പ്രതിരോധ ശക്തിയെ വർദ്ധിപ്പിക്കുന്നതിന് സഹായിക്കുന്നു.
✅ കൊഴുപ്പും കൊളസ്ട്രോളും തീരെ കുറവാണ് ഇലക്കറികളിൽ.
❓ എത്ര കഴിക്കണം? ❓
✅സ്ത്രീകൾ ദിവസേന 100 ഗ്രാമും ,ആണുങ്ങൾ ദിവസേന 40 ഗ്രാമും ,പ്രീ സ്കൂൾ ( 4-6 വയസ്സ് ) മുതൽ മേലോട്ട് ഉള്ള കുട്ടികൾ 50 ഗ്രാമും വെച്ച് പ്രതിദിനം ഇലക്കറികൾ കഴിക്കണമെന്നാണ് നിഷ്കർഷിച്ചിട്ടുള്ളത്.
✅പക്ഷേ നമ്മൾ നിത്യേന ആഹാരത്തിൽ ഉൾപ്പെടുത്തുന്ന ഇലക്കറികളുടെ അളവ് എത്രയോ തുച്ഛമാണ്.
❓ ഏതൊക്കെ ഇലക്കറികൾ കഴിക്കാം?❓
നമ്മുടെ നാട്ടിൽ എത്രയോ തരം ഇലകൾ പാകം ചെയ്യാനായി ലഭ്യമാണ്. വളളിച്ചീര ,പാലക് ചീര ,വേലിച്ചീര, സൗഹൃദച്ചീര, കുsകൻ ചീര തുടങ്ങി ചീരകൾ തന്നെ എത്ര തരം.
മുരിങ്ങയില ,പയറിന്റെ ഇല ,മത്തനില തഴുതാമ ,തകര തുടങ്ങി നിരവധി ഇലകളുണ്ട് ഭക്ഷ്യയോഗ്യമായവ.
❓ ഇലക്കറികൾ പാകം ചെയ്യുമ്പോൾ ശ്രദ്ധിക്കേണ്ട കാര്യങ്ങൾ എന്തൊക്കെയാണ്?❓
✅ഇലകൾ ശുദ്ധജലത്തിൽ നന്നായി കഴുകിയെടുക്കണം.( അര മണിക്കൂർ ശുദ്ധജലത്തിൽ മുക്കിയിടുന്നതും നന്ന്). കീടനാശിനിയുടെ അംശം കളയാനും ചെറു കീടങ്ങളെ നീക്കം ചെയ്യാനും ഇതു സഹായിക്കും.
✅▪ കൂടുതൽ സമയം പാകം ചെയ്യുന്നത് അവയുടെ പോഷകങ്ങൾ നഷ്ടപ്പെടുന്നതിന് ഇടയാക്കും.
✅▪ ഇലകൾ പാകം ചെയ്ത വെള്ളം ഊറ്റിക്കളയരുത്.
✅▪ കുട്ടികൾക്ക് എല്ലാവർക്കും ഇലക്കറികളുടെ രുചി ഇഷ്ടമാവണമെന്നില്ല. അതു കൊണ്ടു തന്നെ വൈവിധ്യമാർന്ന രുചികൾ പരീക്ഷിക്കാം. ചീര തിന്ന് മസിൽ പെരുപ്പിച്ച് നിൽക്കുന്ന പോപ്പോയെ കാണിച്ചു കൊടുക്കുകയും ചെയ്യാം വികൃതിക്കുട്ടന്മാർക്ക്.
✅▪ സൂപ്പർ മാർക്കറ്റിൽ നിന്നും വില കൂടിയ ഇലക്കറികൾ വാങ്ങണമെന്നില്ല കേട്ടോ. പ്രാദേശികമായി ലഭ്യമായ ഇലക്കറികൾ ആഴ്ചയിൽ മൂന്ന് ദിവസമെങ്കിലും ഭക്ഷണത്തിൽ ഉൾപ്പെടുത്തണം. വീട്ടിൽ ഇവ കൃഷി ചെയ്യുകയുമാവാം. ശുദ്ധമായ ഇലക്കറികൾ നമുക്ക് തന്നെ ഉണ്ടാക്കാം.
Related Topic ;
മുരിങ്ങയില – കുട്ടികളുടെ ഭക്ഷണത്തിൽ
കുഞ്ഞുവാവയുടെ കുളി – എന്തിന്? എങ്ങനെ?
കൂടുതൽ അറിയാൻ: മലയാളം ആരോഗ്യ ടിപ്സ്
