മുലപ്പാൽ – Breast Milk എന്ന ഔഷധം

മുലപ്പാൽ - Breast Milk

മുലപ്പാൽ – Breast Milk എന്ന ഔഷധം

മുലപ്പാൽ – Breast Milk കൃത്യമായി കുടിച്ച് വളരുന്ന കുഞ്ഞിന് രോ​ഗപ്രതിരോധശേഷിയും വളർച്ചയും ഉണ്ടാകുമെന്നും ഡോക്ടർമാർ പറയുന്നു. അസുഖങ്ങളിൽ നിന്നും അലർജികളിൽ നിന്നും അണുബാധയിൽ നിന്നും കുഞ്ഞുങ്ങളെ സംരക്ഷിക്കും ഒരു ഔഷധമാണിത്.

മുലപ്പാൽ - Breast Milk

മുലയൂട്ടലിന്റെ പ്രാധാന്യത്തെക്കുറിച്ച് അവബോധം പരത്തുന്നതിനായാണ് ഓ​ഗസ്റ്റ് ഒന്ന് മുതൽ ഏഴുവരെ ലോകമുലയൂട്ടൽ വാരമായി ആചരിക്കുന്നത്. കുഞ്ഞ് ജനിച്ച് ആറുമാസം വരെ മുലപ്പാൽ അല്ലാതെ മറ്റൊന്നും കൊടുക്കരുതെന്നാണ് ഡോക്ടർമാർ പറയുന്നത്. കൃത്യമായി മുലപ്പാൽ കുടിച്ച് വളരുന്ന കുഞ്ഞിന് രോ​ഗപ്രതിരോധശേഷിയും വളർച്ചയും ഉണ്ടാകുമെന്നും ഡോക്ടർമാർ പറയുന്നു. #മുലപ്പാല്‍ കൊടുക്കുമ്പോള്‍ ശ്രദ്ധിക്കേണ്ട കാര്യങ്ങൾ

മുൻകാലതലമുറകൾ മുലപ്പാൽ മാത്രമാണ് ഊട്ടിയിരുന്നത്, എന്നാൽ ജോലിത്തിരക്കുകളും മറ്റും മൂലം പലർക്കും ഫോർമുല ഫുഡുകളെ ആശ്രയിക്കേണ്ടി വരാറുണ്ട്. കൃത്യമായ അളവുകളിൽ പോഷകമൂല്യമുള്ള മുലപ്പാലിനോളം ഫോർമുല ഫു‍ഡുകൾ വരില്ലെന്നും കുഞ്ഞിന്റെ ആദ്യആറുമാസത്തിൽ മുലപ്പാൽ മാത്രമേ നൽകാവൂ എന്നും ​ഗൈനക്കോളജിസ്റ്റായ ഡോ‌. സുവർണ റായ് പറയുന്നു.

ദിവസത്തിൽ ഓരോ സമയത്തിന് അനുസരിച്ചും കുഞ്ഞിന്റെ പ്രായത്തിന് അനുസരിച്ചും പരിചരണത്തിന് അനുസരിച്ചും മുലപ്പാലിന്റെ അളവും ഘടനയും മാറുമെന്നതാണ് ഏറ്റവും പ്രധാനപ്പെട്ട കാര്യമെന്നും അത് കുഞ്ഞിന്റെ ആരോ​ഗ്യകരമായ വളർച്ചയെ ഉറപ്പുവരുത്തുമെന്നും ഡോക്ടർ പറയുന്നു.

എല്ലാവിധത്തിലുള്ള അസുഖങ്ങളിൽ നിന്നും അലർ‌ജികളിൽ നിന്നും അണുബാധയിൽ നിന്നുമൊക്കെ കുഞ്ഞുങ്ങൾക്ക് പ്രതിരോധശേഷി നൽകുന്നതാണ് മുലപ്പാലെന്ന് ഡോ.ചന്ദ്രശേഖർ മഞ്ചാലയും പറയുന്നു. മുലപ്പാൽ എളുപ്പത്തിൽ ദഹിക്കും എന്നത് മാത്രമല്ല ഭാവിയിൽ ഉണ്ടായേക്കാവുന്ന ഡയബറ്റിസ്, ചെവിയിലെ അണുബാധ തുടങ്ങിയ പ്രശ്നങ്ങളിൽ നിന്നും കുഞ്ഞുങ്ങളെ സംരക്ഷിക്കുമെന്നും അദ്ദേഹം പറയുന്നു. ഫോർ‌മുല ഫുഡിനെ ആശ്രയിച്ച് വളരുന്ന കുട്ടികൾക്ക് മുലപ്പാൽ കുടിച്ച് വളരുന്ന കുട്ടികളേക്കാൾ ആരോ​ഗ്യവും വളർച്ചയും കൂടുതലായിരിക്കുമെന്നും ഡോ.ചന്ദ്രശേഖർ പറയുന്നു. #ആയുര്‍വേദ ചായ ; അടിവയര്‍ ആലില വയറാക്കാന്‍  

എങ്ങനെ മുലയൂട്ടണം?

പ്രസവിച്ച് ഒരു മണിക്കൂറിനുള്ളിൽ നിർബന്ധമായും മുലയൂട്ടണം. കുഞ്ഞിനെ മാറ്റി കിടത്താതെ അമ്മയുടെ നെഞ്ചോടു ചേർത്തു കിടത്തണം. ഇങ്ങനെ കിടത്തുന്നതും പാൽ ചുരത്താൻ പ്രയോജനപ്പെടും. പാൽ വലിച്ചുകുടിച്ചാൽ മാത്രമേ വീണ്ടും പാൽ ഊറി വരുകയുള്ളൂ. മുല കുടിപ്പിക്കുന്നതനുസരിച്ച് പാലിന്റെ അളവും അതനുസരിച്ച് കൂടും. മുലയൂട്ടൽ തുടങ്ങാൻ വൈകിയാൽ പാല് ആവശ്യത്തിന് ഉണ്ടായി വരില്ല.

മുലപ്പാൽ - Breast Milk

ആദ്യ മണിക്കൂർ ഉണർവോടെ ഇരിക്കുന്ന ശിശു അതിനുശേഷം ഉറക്കത്തിലേക്ക് വഴുതിപോകുന്നു. പിന്നെ മുലയൂട്ടാൻ സാധിക്കാതെ വരികയും പാല് കുറഞ്ഞുപോകുകയും ചെയ്യും. അതുകൊണ്ട് വിലപ്പെട്ട ആദ്യ രണ്ടു മണിക്കൂർ പാഴാക്കരുത്. പോഷകഗുണം ഏറ്റവും കൂടിയ ആദ്യ ദിവസത്തെ പാലും പാഴാക്കി കളയരുത്. മുലപ്പാലല്ലാതെ മറ്റൊന്നും (സ്വർണം, ഗ്ലൂക്കോസ്, തേൻ, കൽക്കണ്ടം, മുന്തിരി പിഴിഞ്ഞ വെള്ളം) കൊടുക്കരുത്. #മുലപ്പാൽ – ആദ്യ രുചി അമൃതം

സൗകര്യപ്രദമായ രീതിയിൽ ഇരുന്നോ കിടന്നോ വേണം മുലയൂട്ടാൻ. മുലക്കണ്ണും അതിനു ചുറ്റുമുള്ള കറുപ്പു ഭാഗവും കുഞ്ഞിന്റെ വായിൽ വരത്തക്ക രീതിയിൽ കുഞ്ഞിനെ പിടിക്കണം. കുഞ്ഞിന്റെ തല കൈമുട്ടിൽ വരത്തക്കവിധം പിടിച്ച് മറ്റേ കൈകൊണ്ട് സ്തനം താങ്ങി പാലൂട്ടണം. ആദ്യ ദിവസങ്ങളിൽ 8 മുതൽ 12 പ്രാവശ്യം വരെ മുല കൊടുക്കണം.

മാനസികാവസ്ഥ പ്രധാനം

അമിത ആശങ്കയും ദേഷ്യവും വേദനയും വരുമ്പോൾ അമ്മമാർക്ക് ആവശ്യത്തിനുള്ള പാൽ ചുരത്താനാവില്ല. കുഞ്ഞിനെ കുറിച്ച് സ്നേഹത്തോടെ ഓർക്കുമ്പോഴും മുലയൂട്ടലിനെക്കുറിച്ചു നല്ലതു ചിന്തിക്കുമ്പോഴും കേൾക്കുമ്പോഴും ആണ് പാലൊഴുകിവരിക. കുഞ്ഞൊന്നു കരഞ്ഞാൽ, മുലപ്പാലിന്റെ ലഭ്യതക്കുറവുകൊണ്ടാണെന്നു തെറ്റിദ്ധരിച്ച് പൊടിപ്പാലും പശുവിൻപാലും കൊടുക്കുന്ന പ്രവണത ഇന്നും കണ്ടുവരുന്നു. ഇങ്ങനെ ചെയ്യുന്നവർ അറിഞ്ഞുകൊണ്ട് കുഞ്ഞിനെ രോഗത്തിലേക്ക് തള്ളിവിടുന്നു.

ജനിച്ചുവീഴുന്ന നിമിഷം മുതൽ ആറുമാസം പ്രായം ആവും വരെ മുലപ്പാൽ – Breast Milk മാത്രം നൽകുക. അതിനുശേഷം മറ്റു ആഹാരത്തോടൊപ്പം രണ്ടോ മൂന്നോ വയസ്സുവരെ മുലപ്പാൽ തുടർന്നു നൽകുക എന്നതാണ് നവജാതശിശുവിനു നൽകാവുന്ന ഏറ്റവും ഉത്തമമായ ആജീവനാന്ത നിക്ഷേപം.

മുലപ്പാല്‍ കൊടുക്കുമ്പോള്‍ ശ്രദ്ധിക്കേണ്ട കാര്യങ്ങൾ

മുലപ്പാല്‍

മുലപ്പാല്‍ കൊടുക്കുമ്പോള്‍ ശ്രദ്ധിക്കേണ്ട കാര്യങ്ങൾ

മുലപ്പാല്‍ നല്‍കുമ്പോള്‍ പല സ്ത്രീകള്‍ക്കും നിപ്പിള്‍ മുറിഞ്ഞ് കഠിനമായ വേദനയുണ്ടാകാറുണ്ട്‌. ഇതിന് പരിഹാരമായി ചെയ്യാവുന്നത്.

മുലപ്പാല്‍

ഗര്‍ഭകാലത്തും പ്രസവ ശേഷവും പല പ്രശ്‌നങ്ങളും സ്ത്രീകള്‍ക്ക് നേരിടേണ്ടി വരും. അമ്മയായ ആഹ്ലാദത്തിനിടയിലും ഇത്തരം പ്രശ്‌നങ്ങള്‍ പലര്‍ക്കും അസ്വസ്ഥതയുണ്ടാക്കും. പ്രസവ ശേഷം പല സ്ത്രീകള്‍ക്കും വരുന്ന പ്രശ്‌നമാണ് ക്രാക്ക്ഡ് നിപ്പിള്‍സ്. അതായത് മുലക്കണ്ണ് വിണ്ടുകീറുകയെന്നത്. കുഞ്ഞ് പാല്‍ കുടിയ്ക്കുമ്പോഴുണ്ടാകുന്ന പ്രശ്‌നമാണിത്. മുലക്കണ്ണ് പൊട്ടി കുഞ്ഞ് പാല്‍ കുടിയ്ക്കുമ്പോള്‍ കഠിനമായ വേദനയുണ്ടാകും. ചിലപ്പോള്‍ രക്തം വരെ ഈ മുറിവിലൂടെയുണ്ടാകാം

​ഇതിന്

ഇതിന് പല കാരണങ്ങളുണ്ട്. ഇംപ്രോപ്പര്‍ ലാച്ചിംഗ് എന്നത് ഒരു കാരണം, അതായത് കുഞ്ഞിന് മാറിടത്തില്‍ നിന്നും കൃത്യമായ രീതിയില്‍ പാല്‍ വലിച്ചു കുടിയ്ക്കാന്‍ സാധിയ്ക്കാത്തത്, രണ്ടാമത്തേത് ഇംപ്രോപര്‍ പൊസിഷനിംഗ്, അതായത് പാല്‍ കൊടുക്കുമ്പോള്‍ ശരിയായ വിധത്തില്‍ കുഞ്ഞിനെ പിടിയ്ക്കാത്തതാണ് കാരണം. ഇതില്‍ മുലക്കണ്ണ് വിണ്ടു പൊട്ടുന്നതിന് പ്രധാനപ്പെട്ട കാരണം രണ്ടാമത്തേതാണ്. കുഞ്ഞിനെ ശരിയായി പിടിയ്ക്കാന്‍ സാധിയ്ക്കാത്തതാണ് പ്രശ്‌നം. കുഞ്ഞിനെ കൃത്യമായ പൊസിഷനില്‍ പിടിച്ചാല്‍ ഈ പ്രശ്‌നം ഒഴിവാക്കാം.

​ഇതൊഴിവാക്കാന്‍

മുലപ്പാല്‍

ഇതൊഴിവാക്കാന്‍ വേണ്ടത് കൃത്യമായ രീതിയില്‍ കുട്ടിയെ പിടിയ്ക്കുകയെന്നതാണ്. ഇതിനായി പല പൊസിഷനുകളുമുണ്ട്. ശരീരത്തോട് കുഞ്ഞിനെ ചേര്‍ത്ത് പിടിച്ച് മുലക്കണ്ണും ചുറ്റുമുള്ള ഭാഗവും കുഞ്ഞിന്റെ വായില്‍ എത്തുന്ന വിധത്തില്‍ പിടിയ്ക്കണം. ഇത് കുഞ്ഞിന് പാല്‍ കുടിയ്ക്കാന്‍ സൗകര്യമാകും. അമ്മയ്ക്ക് നിപ്പിള്‍ ക്രാക്ക് പോലുള്ള പ്രശ്‌നങ്ങള്‍ ഉണ്ടാകുകയും ഇല്ല. നിപ്പിള്‍ മാത്രമല്ല, അതിന് ചുറ്റുമുള്ള ഏരിയോള അടക്കം വായ്ക്കുള്ളിലേയ്ക്ക് കടക്കണം. അതല്ലെങ്കില്‍ നിപ്പിള്‍ മാത്രമായാല്‍ നിപ്പിള്‍ ക്രാക്കുണ്ടാകാന്‍ സാധ്യത ഏറെയാണ്.

മുലക്കണ്ണുകള്‍

ചില സ്ത്രീകളുടെ മുലക്കണ്ണുകള്‍ ഉള്ളിലേയ്ക്ക് വലിഞ്ഞിരിയ്ക്കും. ഇത്തരക്കാര്‍ക്കും ഈ പ്രശ്‌നമുണ്ടാകാന്‍ സാധ്യത ഏറെയാണ്. ഇതിന് ഗര്‍ഭ കാലത്ത് തന്നെ എണ്ണ പുരട്ടി മുലക്കണ്ണ് പുറത്തേയ്ക്ക് വലിയ്ക്കുന്നത് ഒരു പരിധി വരെ നിപ്പിള്‍ ക്രാക്കൊഴിവാക്കാന്‍ സഹായിക്കും. ചിലപ്പോള്‍ കുഞ്ഞ് നിപ്പിള്‍ പിടിയ്ക്കാന്‍ തയ്യാറാകില്ല. ഇത്തരം അവസരത്തില്‍ കുഞ്ഞിന്റെ ചുണ്ടില്‍ പതുക്കെ മാറിടം തട്ടിക്കൊടുക്കുക. ഇതേ രീതിയില്‍ കുഞ്ഞ് വായ തുറന്ന് പാല്‍ കുടിയ്ക്കാന്‍ ആരംഭിയ്ക്കും.

പാല്‍ കുടിച്ച് കഴിഞ്ഞാല്‍

കുഞ്ഞ് പാല്‍ കുടിച്ച് കഴിഞ്ഞാല്‍ മുലക്കണ്ണില്‍ നിന്ന് വായെടുത്തു കഴിഞ്ഞാലും പാല്‍ വരും. ഹൈന്റ് മില്‍ക്ക് എന്നാണ് ഇത് അറിയപ്പെടുന്നത്. അതായത് ആദ്യത്തെ പാല്‍ കൊഴുപ്പ് കുറഞ്ഞ പാലാണ്. ഇത് ഫോര്‍ മില്‍ക്കാണ്. ഇതിന് ശേഷം വരുന്നത് ഹൈന്റ് മില്‍ക്കാണ്. ഈ പാല്‍ കുഞ്ഞ് പാല്‍ കുടിച്ച ശേഷം ആ പാല്‍ അല്‍പം മുലക്കണ്ണില്‍ പുരട്ടുക. ഇത് ഉണങ്ങിയ ശേഷം മാത്രം വസ്ത്രം ധരിയ്ക്കുക. കുഞ്ഞിന്റെ വായില്‍ ഫംഗസോ മറ്റോ ഉണ്ടെങ്കില്‍ കുഞ്ഞ് പാല്‍ കുടിച്ച ശേഷം ഫംഗല്‍ ക്രീമുകള്‍ പുരട്ടാം. ഡോക്ടറോട് ചോദിച്ച ശേഷം ഇത്തരം ക്രീമുകള്‍ പുരട്ടുന്നതാണ് നല്ലത്. നിപ്‌കെയര്‍ പോലുള്ള ഓയിന്റ്‌മെന്റുകള്‍ ഇത്തരം പ്രശ്‌നത്തിനായുണ്ട്.

കുഞ്ഞിന് അടുത്ത തവണ പാല്‍ കൊടുക്കുന്നതിന് മുന്‍പായി ഇത് നല്ലതു പോലെ നീക്കം ചെയ്യുകയും വേണം. ഇത് അല്‍പം പഞ്ഞിയില്‍ ചൂടുവെള്ളം മുക്കി നല്ലതു പോലെ തുടച്ചാല്‍ മതിയാകും. സോപ്പിട്ട് കഴുകുന്നത് നല്ലതല്ല. ഇതു പോലെ രണ്ടു മാറിടത്തില്‍ നിന്നും മാറി മാറി പാല്‍ കൊടുക്കുന്നതാണ് സാധാരണ വേണ്ടതെങ്കിലും നിപ്പിള്‍ ക്രാക്കെങ്കില്‍ ഒരു തവണ ഓയിന്റ്‌മെന്റ് പുരട്ടിയ മാറില്‍ നിന്നും പാല്‍ കൊടുക്കാതെ അടുത്ത മാറില്‍ നിന്നും നല്‍കുക. ഇതു പോലെ ഇത് ഉടന്‍ മാറുന്നില്ലെങ്കില്‍ നിപ്പിള്‍ ഷീല്‍ഡ് പോലുള്ളവ ഉപയോഗിയ്ക്കാം.

Read More:

മുലപ്പാൽ എങ്ങനെ പിഴിഞ്ഞെടുക്കാം

മുലപ്പാൽ എങ്ങനെ പിഴിഞ്ഞെടുക്കാം

മുലപ്പാൽ എങ്ങനെ പിഴിഞ്ഞെടുക്കാം

മുലപ്പാൽ എങ്ങനെ പിഴിഞ്ഞെടുക്കാം, എങ്ങനെ സൂക്ഷിക്കാം, എങ്ങനെ കുഞ്ഞിന് കൊടുക്കാം?

ആറ്റു നോറ്റിരുന്ന് കുഞ്ഞാവയൊക്കെ വന്നു കഴിയുമ്പോഴാണ് അടുത്ത പ്രശ്നങ്ങൾ ഉടലെടുക്കുക. ചിലപ്പോൾ കുഞ്ഞാവ മാസം തികയുന്നതിന് മുമ്പേ തന്നെ ഇങ്ങെത്തിയിട്ടുണ്ടാകും. കൂടെ തൂക്കക്കുറവും കാണും. അല്ലെങ്കിൽ മറ്റെന്തെങ്കിലും കാരണത്താൽ NICU വിൽ അഡ്മിറ്റായിട്ടുണ്ടാവും. അതുമല്ലെങ്കിൽ അമ്മയുടെ മുലക്കണ്ണ് ഉള്ളിലേക്ക് വലിഞ്ഞു നിൽക്കുന്നത് കൊണ്ടോ വിണ്ടു പൊട്ടിയതുകൊണ്ടോ നേരാം വണ്ണം മുലയൂട്ടാൻ കഴിയാത്തതുകൊണ്ടുമാകാം.

എന്തായാലും കുഞ്ഞാവയ്ക്ക് പാലു കൊടുക്കാനുള്ള ഉൽക്കടമായ ആഗ്രഹം ഒരു വശത്ത്.പോരാത്തേന് പാലുകെട്ടി വീർത്ത മാറിടത്തിന്റെ വേദന മറുവശത്ത്. ഇത്തരം സന്ദർഭങ്ങളിൽ മുലപ്പാൽ പിഴിഞ്ഞെടുക്കുക എന്നത് അത്യന്താപേക്ഷിതമായി വരുന്നു. മാത്രവുമല്ല ചെറിയ ഇടവേള കഴിഞ്ഞ് കുഞ്ഞാവ ഉഷാറായി വരുമ്പോൾ മുലപ്പാൽ വറ്റിപ്പോവാതെ ആവശ്യത്തിന് ഉണ്ടാവാനും ഇത്തരത്തിൽ പാല് പിഴിഞ്ഞെടുക്കുന്നത് ഉപകരിക്കും.

മുലപ്പാൽ പിഴിഞ്ഞെടുക്കുന്നത് ഏറ്റവും ആവശ്യമായി വരുന്നത് അമ്മമാർ ജോലിക്ക് പോയിത്തുടങ്ങുമ്പോഴാണ്. പലരും പാൽപ്പൊടികൾ കൊടുത്തു തുടങ്ങുമെങ്കിലും ഒന്നു മനസ്സുവെച്ചാൽ കുഞ്ഞിനെ പരമാവധി മുലയൂട്ടാൻ സാധിക്കും.വീട്ടിൽ നിന്നിറങ്ങും മുമ്പ് മുലപ്പാൽ പിഴിഞ്ഞു വെക്കാം. തൊഴിലിടങ്ങളിലെ ഇടവേളകളിലും ഇതു ചെയ്യാം.

മുലപ്പാൽ എങ്ങനെ പിഴിഞ്ഞെടുക്കാം

 

    • മുലപ്പാൽ പിഴിയുന്നതിന് മുമ്പ് കൈകൾ വൃത്തിയായി കഴുകണം. ശേഖരിക്കേണ്ട പാത്രം സോപ്പും വെള്ളവും ഉപയോഗിച്ച് നന്നായി കഴുകി ഉണക്കണം. അടപ്പുള്ള ചെറിയ സ്റ്റീൽ പാത്രങ്ങളാണ് ഇതിന് ഏറ്റവും അനുയോജ്യം.
    • സമ്മർദ്ദമേതുമില്ലാതെ, സമാധാനത്തോടെ വേണം പാൽ  എക്സ്പ്രസ് ചെയ്യാനിരിക്കാൻ. കുഞ്ഞാവയെക്കുറിച്ച് ഓർക്കുകയോ മൊബൈലിൽ കുഞ്ഞാവയുടെ പടം കാണുകയോ ചെയ്യുന്നത് പാൽ നന്നായി ചുരത്താൻ സഹായകമാകും. ആദ്യം മൃദുവായി മാറിടം മസാജ് ചെയ്യണം.തുടർന്ന് C ആകൃതിയിൽ തള്ളവിരലും ചൂണ്ടുവിരലും ഏരിയോളയ്ക്ക് (മുലക്കണ്ണിന് പുറകിൽ വൃത്താകൃതിയിൽ ഇരുണ്ടു കാണുന്ന ഭാഗം) പുറകിലായി പിടിക്കുക.
    • ആദ്യം പുറകിലോട്ട് നെഞ്ചോട് ചേർന്നും തുടർന്ന് മേൽപ്പറഞ്ഞ രണ്ട് വിരലുകൾ ചേർത്തും അമർത്തുക. മുലപ്പാൽ തുള്ളി തുള്ളിയായി വരുന്നത് കാണാം. മുലപ്പാലിന്റെ അളവനുസരിച്ച് ധാരയായി ഒഴുകിയും ശക്തിയോടെ ചീറ്റിയും പാൽ ലഭ്യമാവും. അത് ശ്രദ്ധയോടെ പാത്രത്തിൽ ശേഖരിക്കണം.
  • പാൽ  കിട്ടുന്നത് കുറഞ്ഞു തുടങ്ങുമ്പോൾ നാം വിരലുകൾ പിടിക്കുന്ന ദിശ മാറ്റി വീണ്ടും അമർത്തുക.
  • ശ്രദ്ധിക്കേണ്ട പ്രധാന കാര്യം മുലക്കണ്ണിലോ അതിനോട് തൊട്ട് ചേർന്നോ അമർത്തിപ്പിഴിയരുത് എന്നതാണ്.വേണ്ടത്ര മേൽനോട്ടത്തിലൂടെയും പരിശീലനത്തിലൂടെയും മാത്രമേ കാര്യക്ഷമമായി മുലപ്പാൽ പിഴിഞ്ഞെടുക്കുവാനുള്ള ടെക്നിക് സ്വായത്തമാക്കാൻ കഴിയൂ.
  • പാൽ പിഴിഞ്ഞെടുക്കുന്നത് അത്ര എളുപ്പമുള്ള പണിയല്ല. ശാരീരികമായും മാനസികമായും ഏറെ ക്ലേശങ്ങൾ തരുന്ന ഒന്നാണത്.
  • കൂടുതൽ എളുപ്പത്തിൽ മുലപ്പാൽ പിഴിഞ്ഞെടുക്കാൻ ബ്രെസ്റ്റ് പമ്പുകളും ലഭ്യമാണ്. നമുക്ക് കൈ കൊണ്ട് പ്രവർത്തിപ്പിക്കാവുന്ന മാന്വൽ ബ്രെസ്റ്റ് പമ്പുകൾക്ക് പുറമേ ഇലക്ട്രിക് ബ്രെസ്റ്റ് പമ്പുകളും വിപണിയിൽ ലഭ്യമാണ്. മൊബൈൽ ഫോൺ ചാർജ് ചെയ്യുന്നത് പോലെ ലളിതമായി ചാർജ് ചെയ്യാവുന്ന ഇവയിൽ ബാറ്ററിയും ഉപയോഗിക്കാം. മസേജ് ചെയ്യാനും സക്ഷൻ പ്രഷർ നിയന്ത്രിക്കാനും ഉള്ള സംവിധാനങ്ങളും ഇവയിലുണ്ട്.താരതമ്യേന വില കൂടുതലാണ് എന്നതാണ് ഒരു പോരായ്മ. എന്നാൽ ബ്രെസ്റ്റ് പമ്പുകൾ ദീർഘകാലത്തേക്ക് ഉപയോഗിക്കാവുന്നവയാണ് എന്നത് പ്രധാന മേന്മയാണ്. ഓരോ തവണ ബ്രെസ്റ്റ് പമ്പ് ഉപയോഗിക്കും മുമ്പും അവ വൃത്തിയാക്കാനും ശ്രദ്ധിക്കണം. ഒരാൾ ഉപയോഗിച്ചു കഴിഞ്ഞാലും അണുവിമുക്തമാക്കിയതിന് ശേഷം മറ്റൊരാൾക്ക് കൈമാറ്റം ചെയ്യുകയും ചെയ്യാം.
  • മാന്വൽ ബ്രെസ്റ്റ് പമ്പിന് ശരാശരി 600 – 1000 രൂപയും ഇലക്ട്രിക് ബ്രെസ്റ്റ് പമ്പിന് 1500-3000 രൂപയും ഒക്കെ ചിലവ് വരും. അവയുടെ സ്പെസിഫിക്കേഷൻ അനുസരിച്ച് വിലയിൽ വലിയ വ്യത്യാസം വരാം. വിവിധ മോഡലുകൾ ഓൺലൈനിലും ലഭ്യമാണ്.

മുലപ്പാൽ സംഭരിച്ച് സൂക്ഷിക്കുന്നതെങ്ങനെ?

മുലപ്പാൽ എങ്ങനെ പിഴിഞ്ഞെടുക്കാം

  • പിഴിഞ്ഞെടുത്ത പാൽ സാധാരണ ഊഷ്മാവിൽ ആറു മണിക്കൂർ നേരം സൂക്ഷിക്കാം. വീട്ടിലെ താരതമ്യേന ചൂട് കുറവുള്ള ഇടം പാൽ നിറച്ച പാത്രം സൂക്ഷിക്കാനായി തിരഞ്ഞെടുക്കണം.
  • പിഴിഞ്ഞെടുത്ത പാൽ റഫ്രിജറേറ്ററിൽ 24 മണിക്കൂറും ഫ്രീസറിൽ രണ്ടാഴ്ചയും സുരക്ഷിതമായി സൂക്ഷിക്കാം.
  • പാൽ ശേഖരിക്കുന്ന തിയതിയും സമയവും അതത് പാത്രങ്ങളിൽ എഴുതി ഒട്ടിക്കാൻ മറക്കരുത്. ആദ്യം ശേഖരിച്ച പാൽ ആദ്യമേ തന്നെ കുഞ്ഞിന് നൽകാൻ ഇത് സഹായകമാകും.
  • ഓഫീസിൽ വെച്ച് പാൽ ശേഖരിച്ച് ആറ് മണിക്കൂറിനുള്ളിൽ തന്നെ നിങ്ങൾക്ക് വീട്ടിലേക്ക് മടങ്ങിയെത്താൻ കഴിയുമെങ്കിൽ പാൽ ശേഖരിച്ച പാത്രം അധികം ചൂട് തട്ടാത്തയിടത്ത്‌ സൂക്ഷിച്ചാൽ മതിയാവും. അല്ലെങ്കിൽ റഫ്രിജറേറ്ററിൽ സൂക്ഷിക്കേണ്ടതുണ്ട്.
  • ഫ്രിഡ്ജിൽ സൂക്ഷിച്ച പാൽ കുഞ്ഞിന് നൽകും മുമ്പ് തണുപ്പ് മാറ്റിയെടുക്കേണ്ടതുണ്ട്. അതിനായി ചൂടുവെള്ളം നിറച്ച പാത്രത്തിൽ പാൽ പാത്രം മുക്കി വെക്കാം. അല്ലാതെ പാൽ തിളപ്പിക്കാനൊന്നും നിൽക്കരുത് കേട്ടോ.
  • തൊഴിലിടങ്ങളിൽ വെച്ച് ശേഖരിച്ച് റഫ്രിജറേറ്ററിൽ സൂക്ഷിച്ച പാൽ വീട്ടിലെത്തി സ്റ്റോർ ചെയ്യാം. അമ്മ ജോലിക്കിറങ്ങിയാൽ ആദ്യം ശേഖരിച്ച പാൽ ആദ്യം എന്ന കണക്കിന് കുഞ്ഞിന് നൽകാം. ഗോകർണം, സ്പൂൺ എന്നിവ ഉപയോഗിച്ച് കുഞ്ഞിന് പാലു കൊടുക്കുന്നതാണ് നല്ലത്.

മുലപ്പാൽ എങ്ങനെ പിഴിഞ്ഞെടുക്കാം

Read Related Topic :

കുട്ടികളുടെ കണ്ണുകൾക്കുള്ള പരിചരണം. 

കുട്ടികളിലെ പനി – അമ്മമാർ അറിഞ്ഞിരിക്കേണ്ടതെന്തെല്ലാം !

കൂടുതൽ അറിയാൻ: മലയാളം ആരോഗ്യ ടിപ്സ്