ആയുര്‍വേദ ചായ ; അടിവയര്‍ ആലില വയറാക്കാന്‍
ആയുര്‍വേദ ചായ: തടിയേക്കാള്‍ വയറാണ് പലരേയും അലട്ടുന്ന പ്രധാന പ്രശ്‌നം. പെട്ടെന്ന് കൊഴുപ്പടിഞ്ഞ് കൂടുന്ന, അതേ സമയം പോകാന്‍ ബുദ്ധിമുട്ടുള്ള ഇടമാണ് വയര്‍. ഏറ്റവും അപകടകരമായ കൊഴുപ്പും ഇവിടുത്തെ തന്നെയാണ്. ഭക്ഷണവും വ്യായാമ, ജീവിത ശൈലികളുമെല്ലാം വയര്‍ നിയന്ത്രിച്ച് നിര്‍ത്താന്‍ പ്രധാനം. ഒപ്പം ചില വീട്ടുവൈദ്യങ്ങള്‍ പരീക്ഷിയ്ക്കുന്നത് ഒരു പരിധി വരെ ഗുണം നല്‍കും. വയര്‍ കുറയ്ക്കാനും പല ആരോഗ്യ ഗുണങ്ങള്‍ക്കുമായി തയ്യാറാക്കാവുന്ന ഒന്നാണ് ആയുര്‍വേദ ചായ. ഇവിടെ മൂന്നു കൂട്ടുകള്‍ ഉപയോഗിച്ച് തയ്യാറാക്കുന്ന ഈ ചായ പല ആരോഗ്യ ഗുണങ്ങളും നല്‍കുന്നു.
ചാടുന്ന വയര്‍ വരുത്തി വയ്ക്കുന്ന പൊല്ലാപ്പുകള്‍ ചില്ലറയല്ല. പലര്‍ക്കുമിത് സൗന്ദര്യ പ്രശ്‌നമെങ്കില്‍ പോലും ഇത് ആരോഗ്യത്തിന് വരുത്തുന്ന പാര്‍ശ്വഫലങ്ങള്‍ ചെറുതല്ല. പല രോഗങ്ങളുടേയും പ്രധാനപ്പെട്ട കാരണമാണ് ചാടിയ വയര്‍. ഇതിന് കാരണങ്ങള്‍ വ്യായാമക്കുറവ് മുതല്‍ ചില രോഗങ്ങള്‍ വരെയുണ്ട്. ക്രമമില്ലാത്ത ഭക്ഷണമാണ് മറ്റൊന്ന്. ചാടുന്ന വയറിന് പരിഹാരമായി ചെയ്യാവുന്ന കാര്യങ്ങള്‍ പലതാണ്. ഇതില്‍ വ്യായാമവും ഭക്ഷണ നിയന്ത്രണവുമല്ലൊം പെടും. ഇതല്ലാതെ വയറിന് പരിഹാരമായി ചെയ്യാവുന്ന ചില വീട്ടുവൈദ്യങ്ങളുണ്ട്. തികച്ചും ഗുണം നല്‍കുന്ന, വലിയ ചെലവുകളില്ലാത്ത, ആര്‍ക്കും അല്‍പം സമയമെടുത്ത് വീട്ടില്‍ തന്നെ ചെയ്യാവുന്ന ചിലത്. ഇതിനെ അടുക്കള വൈദ്യം എന്നു തന്നെ പറയാം. കാരണം അടുക്കളയിലെ കൂട്ടുകളാണ് ഈ പ്രത്യേക വൈദ്യത്തില്‍ ഉപയോഗിയ്ക്കുന്നത്.
മഞ്ഞൾപ്പൊടി
കറുവാപ്പട്ട
ചെറുതേന്‍
ചെറുതേന്‍ തടി കുറയ്ക്കാന്‍ പല തരത്തിലും ഉപയോഗിയ്ക്കാം. കൊഴുപ്പ് കത്തിച്ചു കളയുന്ന എന്‍സൈമുകള്‍ ചെറുതേനിലാണ് ഉള്ളത്. ഈ തേന്‍ ഉണ്ടാക്കുന്ന തേനീച്ച പുഷ്പങ്ങളില്‍ നിന്നുള്ള തേന്‍ മാത്രമേ ശേഖരിക്കൂ. പൂക്കളില്‍ ധാരാളം അമോമാറ്റിക് മെഡിസിനല്‍ ഘടകങ്ങളുണ്ട്. തേനീച്ച തേനിനൊപ്പം ഇതും വലിച്ചെടുക്കും. ഇതേ രീതിയില്‍ ഇത് ചെറുതേനില്‍ അലിയുന്നു ഈ തേന്‍ ഗ്ലൂക്കോസ് ഉല്‍പാദനത്തിന് ലിവറിനെ സഹായിക്കുന്നു. ഇത് തലച്ചോറിലെ ഷുഗർ തോത് ഉയര്‍ന്ന അളവിലാക്കി കൊഴുപ്പ് ദഹിപ്പിയ്ക്കുന്നതിനുള്ള ഹോര്‍മോണ്‍ ഉല്‍പാദിപ്പിയ്ക്കുന്നു. ഇതേ രീതിയില്‍ തടി കുറയുന്നു. തേനിലെ ഫാറ്റ് സോലുബിള്‍ എന്‍സൈമുകള്‍ ശരീരത്തിലെ കൊഴുപ്പ് നീക്കാന്‍ സഹായിക്കുന്നവയാണ്. ഇതേ രീതിയിലാണ് ഇത് തടി കുറയ്ക്കുന്നത്.
ഇതിനായി;
ഇതിനായി ഒരു ടേബിള്‍ സ്പൂണ്‍ മഞ്ഞള്‍പ്പൊടി, ഒരു കഷ്ണം കറുവാപ്പട്ട എന്നിവ രണ്ട് ഗ്ലാസ് വെള്ളത്തില്‍ ചെറുതീയില്‍ തിളപ്പിച്ചെടുക്കുക. ഇത് ഊറ്റിയെടുത്ത് ഇളം ചൂടാകുമ്പോള്‍ ഇതില്‍ തേന്‍ ചേര്‍ത്ത് കുടിയ്ക്കാം. തേന്‍ ഒഴിവാക്കണമെങ്കില്‍ അതാകാം. അതല്ലെങ്കില്‍ നാരങ്ങാനീരും പകരം ചേര്‍ക്കാം. ഇത് രാവിലെ വെറും വയറ്റിലും രാത്രി കിടക്കാന്‍ നേരത്തും കുടിയ്ക്കുന്നത് വയര്‍ കുറയ്ക്കാന്‍ ഗുണകരമാണ്. ഇതിനൊപ്പം ഭക്ഷണ നിയന്ത്രണവും വ്യായാമവും പ്രധാനമാണ്.മറ്റു മാർഗങ്ങൾ;
ആയുര്‍വേദ ചായ ഉണ്ടാക്കുന്നതിനായി താഴെ പറയുന്നവയും ഉൾപ്പെടുത്താവുന്നതാണ്.
കുരുമുളക്
ഇതിനായി വേണ്ടത് മഞ്ഞള്‍പ്പൊടി, ചുക്കുപൊടി, കുരുമുളക് പൊടി, കറുവാപ്പട്ടപ്പൊടി, ജീരകപ്പൊടി എന്നിവയാണ്. ഇവയെല്ലാം ഏറെ ആരോഗ്യ ഗുണങ്ങള്‍ നല്‍കുന്നതിനൊപ്പം ആലില വയര്‍ കൂടി നല്‍കുന്നു. കുരുമുളക് പൊടിയിലെ പെപ്പറൈന്‍ എന്ന വസ്തുവാണ് ഗുണകരമാകുന്നത്. ഇത് ഉപാപചയ പ്രവർത്തനത്തെ ത്വരിതപ്പെടുത്തുകയും ചെയ്യും. കൂടാതെ കറുത്ത കുരുമുളകിൽ വിറ്റാമിൻ സി, എ, ഫ്ലേവനോയ്ഡുകൾ, കരോട്ടിനുകൾ, മറ്റ് ആന്റി ഓക്‌സിഡന്റുകൾ എന്നിവയുണ്ട്. ശരീരത്തിലെ ചൂടു വര്‍ദ്ധിപ്പിച്ച് ഉപാപചയം വര്‍ദ്ധിപ്പിയ്ക്കുന്ന ഇത് തടി കുറയ്ക്കാന്‍ സഹായിക്കുന്ന ഒന്നാണ്.
ജീരകം
ജീരകം തടി കുറയ്ക്കാന്‍ സഹായിക്കുന്ന മറ്റൊരു ഘടകമാണ്. ഭക്ഷണ ചേരുവകളില്‍ ഉപയോഗിയ്ക്കുന്ന ജീരകം പലപ്പോഴും പല അസുഖങ്ങള്‍ക്കുമുള്ള നല്ലൊരു മരുന്നു കൂടിയാണ്. നല്ലൊന്നാന്തരം ആന്റിഓക്‌സിഡന്റ് ഗുണങ്ങളുള്ള ഒന്നാണ് ജീരകം. വയറിന്റെ ആരോഗ്യത്തിന് ഏറെ ഉത്തമമായ ഒന്ന്. ദഹനം മെച്ചപ്പെടുത്തുവാനും ഗ്യാസ്, അസിഡിറ്റി പ്രശ്‌നങ്ങള്‍ക്കുമെല്ലാമുള്ള ഒരു മരുന്നായ ഇത് ശരീരത്തിലെ ടോക്‌സിനുകള്‍ നീക്കി അസുഖങ്ങള്‍ക്കൊപ്പം ചര്‍മത്തിനും ആരോഗ്യം നല്‍കാന്‍ സഹായിക്കുന്ന ഒന്നു കൂടിയാണ്.
ചുക്ക്
ഉണക്കിയ ഇഞ്ചിയാണ് ചുക്ക്. ഇതിനും ഇഞ്ചിയുടേയും ഇതിനേക്കാളേറെയും ഗുണമുണ്ട്. ഇത് ആന്റി ഓക്‌സിഡന്റ് സമ്പുഷ്ടമാണ്. ശരീരത്തിലെ കൊഴുപ്പു കളയാന്‍, ചൂടു വര്‍ദ്ധിപ്പിയ്ക്കാന്‍ സഹായിക്കുന്ന ഒന്നാണിത്. പല അസുഖങ്ങള്‍ക്കും മരുന്നായി പ്രവര്‍ത്തിയ്ക്കുന്ന ഒന്നു കൂടിയാണ് ഇഞ്ചി. ഇതിലെ ജിഞ്ചറോള്‍ എന്ന വസ്തുവാണ് ഏറെ ഗുണം നല്‍കുന്നത്. ഇത് ദഹനം മൈച്ചപ്പെടുത്തുന്നു. ശരീരത്തിലെ ചൂടു വര്‍ദ്ധിപ്പിച്ച് ഉപാപചയം വര്‍ദ്ധിപ്പിയ്ക്കുന്ന ഒന്നു കൂടിയാണിത്. വയറിന് ഏറെ നല്ലൊരു മരുന്നാണ് ഇഞ്ചി.